16-17 тамыз күндері футболдан Қазақстан Премьер-лигасының 21-тур ойындары өтті. Турдың басты сенсациясы Алматыда тіркелді. «Қайрат» өз алаңында «Елімайдан» жеңіліп қалды. Аталған матчта алматылықтар екі гол айырмасымен алға шықса да, кездесу соңында қарсыласына жол беріп қойды.
Ойын нәтижелері:
«Қайрат» – «Елімай» – 2:3
«Қызылжар» – «Жеңіс» – 1:1
«Тұран» – «Қайсар» – 1:0
«Ақтөбе» – «Оқжетпес» – 2:1
«Астана» – «Ұлытау» – 4:0
«Ордабасы» – «Тобыл» – 2:3
«Жетісу» – «Атырау» – 0:0
16 тамыз
Тур матчы
«Қайрат» (Алматы) – «Елімай» (Семей) – 2:3 (2:1)
Голдар: Эдмилсон, 15 (1:0); Эдмилсон, 37 (2:0); Свиридов, 45 (2:1); Плакка, 72 (2:2); Плакка, 83 (2:3)
Төреші: Сариев (Орал)
Ескерту: жоқ – Төлебай, Оразов, Коваль
Алматылықтардың тығыз ойын кестесін ескерсек, бас бапкер Рафаэль Уразбахтин негізгі ойыншыларына демалыс беруі мүмкін деген болжам болды. Солай болды да. Дастан Сәтпаев, Александр Заруцкий мен Александр Мартынович бірінші минуттан бастап алаңға шыққан жоқ.
Бірінші таймда алаң иелерінен Эдмилсон екі мәрте мергендігімен көзге түсіп, командасына үлкен басымдық сыйлаған еді. Тіпті, ойын тағдыры шешілгендей көрінген болатын. Бірақ «Елімай» алдымен есепті қысқартып, кейін таразы басын теңестірді – 2:2! Матч соңына қарай Фессу Плакка алматылықтардың қателігін тиімді пайдаланып, дубль авторы атанды. Нәтижесінде Алматыда турдың басты сенсациясы тіркелді – 2:3.
«Қызылжар» (Петропавл) – «Жеңіс» (Астана) – 1:1 (0:1)
Голдар: Әділ, 43 (0:1); Жарынбетов, 80 (1:1)
Төреші: Сұлтанғалиев (Атырау)
Ескерту: Гбамбле, Козленко, Сабино – жоқ
Алаңнан қуылды: Козленко, 46 («Қызылжар»)
«Жеңіс» Премьер-лигаға оралғалы бері «Қызылжарды» жеңе алмай келеді. Бұл жолы да дәстүр бұзылмады. Бірінші тайм тең өрбігенімен, үзіліс алдында Аслан Әділ есеп ашты. Алайда екінші таймның басында алаң иелері сапынан Козленко екінші сары қағазын алып, алаңнан қуылды. Соған қарамастан «Жеңіс» сан басымдығын пайдалана алмады. Керісінше, қонақтар қарқын алып, Самат Жарынбетовтың голының арқасында Петропавл командасын жеңілістен құтылып қалды – 1:1.
«Тұран» (Түркістан) – «Қайсар» (Қызылорда) – 1:0 (1:0)
Гол: Абзалов, 17 (1:0)
Төреші: Қарабаев (Астана)
Ескерту: Асқаров, Солодовников – Төрекұл
Өткен турда «Атыраумен» тең ойнап, ұзаққа созылған жеңіліс сериясын тоқтатқан «Тұран» бұл жолы алғашқы жеңісіне қол жеткізді. Шоқан Абзаловтың жылдам голы түркістандықтарға үш ұпай сыйлап, турнир кестесіндегі жағдай сәл болсын жақсартып алды.
17 тамыз
«Ақтөбе» (Ақтөбе) – «Оқжетпес» (Көкшетау) – 2:1 (0:0)
Голдар: Қасым, 55 (автогол – 0:1); Шушеначев, 60 (1:1); Шушеначев, 84 (2:1)
Төреші: Ысқақов (Қостанай)
Ескерту: Себет, Жайро Жан – Мұхаммед, Марат, Ыдырысов
Ескерту: Себет, Жайро Жан – Мұхаммед, Марат, Ыдырысов
Алғашқы тайм сүйреңсіз өткенмен, ойынның екінші бөлігі өте тартысқа толы болды. Әуелі алаң иелерінің қорғаушысы Әлібек Қасым өз қақпасына гол соғып алды. Бірақ көп ұзамай Артур Шушеначев есепті теңестіріп, соңына қарай жеңіс голын соқты – 2:1.
«Астана» (Астана) – «Ұлытау» (Жезқазған) – 4:0 (0:0)
Голдар: Камара, 51 (1:0); Эбонг, 53 (2:0); Чинеду, 68 (3:0); Цанай, 90+3 (4:0)
Төреші: Затула (Өскемен)
Ескерту: Томасов, Бейсбеков, Аманович – жоқ
«Астана Аренадағы» кездесудің бірінші таймында есеп ашылған жоқ. Екі ұжым да гол соғуға тырысқанымен, шабуылдарын сәтті аяқтай алмады. Алайда екінші таймда «Астана» ойынды толық өз бақылауына алып, «Ұлытау» қақпасына жауапсыз төрт гол соқты. Елордалықтар сапынан Камара, Эбонг, Чинеду мен Цанай көзге түсті – 4:0.
«Ордабасы» (Шымкент) – «Тобыл» (Қостанай) – 2:3 (0:3)
Голдар: Эль-Мессауди, 14 (0:1); Эль-Мессауди, 32 (0:2); Тағыберген, 40 (0:3); Эвертон, 54 (1:3); Астанов, 82 (пенальти – 2:3)
Ескерту: Жақсыбаев, Вакулко, Малый, Фило, Чанаджа, Әмір – Чесноков, Тағыберген, Брага, Бұсырманов
Ескерту: Жақсыбаев, Вакулко, Малый, Фило, Чанаджа, Әмір – Чесноков, Тағыберген, Брага, Бұсырманов
Шымкенттегі кездесудің алғашқы бөлігінде шымкенттіктер өте сүреңсіз ойын көрсетті. Себебі, алаң иелері бірінші таймда өз қақпасына бақандай үш гол өткізіп алды. Бірақ екінші таймда «Ордабасының» ойыны өзгеріп, басымдыққа өз қолдарына ала бастады. Нәтижесінде Эвертон мен Астанов гол соғып, есепті қысқартқанымен, үшінші голдарына сала алмады. Сөйтіп «Тобыл» Шымкенттен үш ұпаймен қайтты – 2:3.
«Жетісу» (Талдықорған) – «Атырау» (Атырау) – 0:0
Төреші: Кучма (Көкшетау)
Ескерту: Чочиев – Жұматов
Ескерту: Чочиев – Жұматов
Турдың жалғыз голсыз ойыны Талдықорғанда өтті. «Атырау» жеңіске жақын болғанымен, шабуылдарын нәтижелі аяқтай алмады. Бұл тең есеп екі команданы қанағаттандырмағаны анық.
22-тур ойындары:
23 тамыз
«Тобыл» – «Тұран»
«Елімай» – «Қызылжар»
«Қайсар» – «Атырау»
24 тамыз
«Ұлытау» – «Ордабасы»
«Оқжетпес» – «Қайрат»
«Жеңіс» – «Астана»
«Ақтөбе» – «Жетісу»