16-17 тамыз күндері Қазақстан Премьер-лигасының 21-тур ойындары өтеді. Осы матчтар қарсаңында алматылық спорт комментаторы Есет Төлеш KFF League сайтына өз болжамын жасады.
«Қайрат» - «Елімай»
«Қайрат» бабындағы клуб, қазір өзіне сенімді. Бұл турдағы басты текетірестердің бірі болмақ. Бірақ «Қайраттың» қандай құраммен ойнайтыны белгісіз. Братиславадағы 120 минуттан кейін алматылықтар келесі аптада Глазгода «Селтикпен» ойнауға дайындалады. Сондықтан Рафаэль Уразбахтин біраз көшбасшысына, тіпті бәріне демалыс беруі мүмкін. Бұл жағдайда «Елімайдың» мүмкіндігі жоғарылайды. Өткен аптадағы «Ақтөбеге» қарсы камбэктен кейін топ-4 қатарына кіруге мүмкіндігін арттырды. «Қайрат» екінші құрамын шығарса, «Елімайдың» тым болмаса бір ұпай алып кетуге мүмкіндігі жоғары.
«Қызылжар» - «Жеңіс»
«Жеңіс» атына заты сай команда екенін көрсетіп жүр. ҚПЛ аясындағы қатарынан тоғыз матчта жеңілмеді. Соңғы рет 3 тамызда «Ақтөбеден» сырт алаңда үш ұпай алған еді, алдағы ойынға жақсы демалыспен келгелі отыр. Петропавлдықтар болса, керісінше, жеңіске өте сирек жетеді. Соңғы 12 матчының біреуінде ғана қарсыласынан басым түсті. Бүгінде бұл командалар турнир кестесінде көрші, бірақ 8-орындағы «Жеңіс» 9-сатыдағы «Қызылжардан» жеті ұпайға алда тұр. 21-тур қорытындысы бойынша «Жеңіс» ұпай айырмашылығын арттырып, қарсыласын қапы қалдырады деген болжамым бар.
«Тұран» - «Қайсар»
«Тұран» өткен турда 11 матчқа созылған жеңіліс сериясына нүкте қойды. Бас бапкер Бөрібаев отставкаға кеткеннен кейін «Атыраумен» тең түскен еді. Қаржылық қиындықтарға тап болған «Тұран» жазда құрамын түгел өзгертті. Жаңа құрам жеңісті сағындырып жүр. Қазақстандық футболшылармен ғана ерлеп жүрген «қасқырлар» Түркістанда да азуын көрсететін шығар. Бұл клубты соңғы матчтарда «Қайрат» пен «Ордабасы» өзі жеңе алмады. Қызылордалықтар қауіпті аумақтағы «Тұраннан» алты ұпайға алға кеткен. Дегенмен Түркістандағы матчта жеңілер болса, жағдайы қиындай түседі. Сондықтан сырт алаңда сақ ойнайды деп ойлаймын. Бұл матч тең аяқталуы тиіс.
«Астана» - «Ұлытау»
Елордалықтар бір ғана майданда қалды. Енді ел кубогы да, еурокубок та жоқ. Тек ҚПЛ титулына таласады, бар күшті соған салады. Қазір екінші орында, бірақ «Қайраттан» бір матчы кем. Алматылықтардың екі фронтта бірдей шайқасып жатқанын ескерсек, «Астананың» чемпион атануға мүмкіндігі жоғарылайды. Футболшылары да ҚПЛ-ды сағынып қалған шығар, соңғы рет 18 шілдеде «Тұран» қақпасына жауапсыз жеті гол соққан. Бірақ «Ұлытау» жеті гол жібере қоймас. Иә, Жезқазған клубы жеңбей жүр, алайда бір матчта көп болса бір гол жібереді. Әйтсе де, бұл «Астана» матчқа өте ашулы келеді. «Ұлытауды» екі-үш гол айырмашылығымен жеңеді деп ойлаймын.
«Жетісу» - «Атырау»
Талдықорғанның клубы өткен аптада «Оқжетпесті» жеңіп, жанкүйерлерін қуантқан еді, бірақ техникалық жеңіліс алды. Себебі ойнамауы керек Нұрбол Әнуарбековті алаңға шығарып жіберген. Негізі Самат Смақовтың шәкірттері бірде көл, бірде шөл, жеңіс пен жеңілісті қатар көріп жүр. ҚПЛ-да қалу мақсатын орындай алатын шығар, қауіпті аймақтан жеті ұпайға озып тұр. Ал «Атырау» жазда құрамын толық ауыстырып жібергелі бір ғана матчта жеңіске жете алды. Дегенмен соңғы орындағы «мұнайшылар» кейінгі үш матч та бес ұпай алды. Бұл оның алдындағы 17 ойынның ұпайымен бірдей. Жалпы, «Атырау» кез келген турдан кейін соңғы орыннан көтеріліп кетуі мүмкін. Қауіпсіз аймақ та алыс емес. Матч қалай аяқталуы мүмкін? «Атырау» маусымды құтқару үшін барын салып жатыр, сондықтан Талдықорғанда жеңіп кетуі әбден мүмкін.
«Ақтөбе» - «Оқжетпес»
«Ақтөбе» бас бапкерін ауыстырды. Осы маусымда үшінші бапкер келіп отыр. Вячеслав Левчукке көп сын айтылды, себебі «ақ-қызылдар» ҚПЛ-дағы екі матчында жеңіліп қалды. Келесі жылы олар үшін еурокубок болмауы да мүмкін. Алдағы матч Николай Костовтың «Ақтөбедегі» дебюті болады. ҚПЛ-ді өте жақсы білетін маман, бейімделуге уақыт сұрамайды. Маусым алдында «Оқжетпес» «Ақтөбенің» бәсекелесі болады дегенге көбі сенбес еді, бірақ қазір жағдай расымен солай. Биылғы сұрмергендер көшін бастап келе жатқан Дәурен Жұмат және оның командаластары үш ұпай алса, төртінші орынға көтерілуі мүмкін. Бірақ Ақтөбеде Костов карьерасын жеңіспен бастайды деп ойлаймын. Матч тағдырын бір гол ғана шешуі ықтимал.
«Ордабасы» - «Тобыл»
Күнтізбе енді шыққанда командалар бұл турда жүлдеге таласып жатар еді деген ой болған еді. Бірақ олай болмай шықты. Бұл командалардың арасы 10 ұпай, шымкенттіктер жетінші сатыдан жоғарылай алмай жүр. Соңғы екі матчында «Атырау» мен «Қайсарға» бір ұпайдан беріп қойды. Ал «Тобыл» чемпиондық таластан шыққан жоқ. Мүмкіндігі бар. Бұл командалар осы маусымда алғаш рет жолығып жатыр, себебі бірінші айналымдағы матчқа «Ордабасы» рейс кешігуіне байланысты бара алмай қалған еді. Одан бөлек, қыркүйекте ҚР кубогының финалында да кездесуі ықтимал. Бұл ойынға болжам жасау қиындау, бірақ дәл қазіргі ойынға қарап, «Тобыл» жеңеді деп ойлаймын.
«Қайрат» - «Елімай»
«Қайрат» бабындағы клуб, қазір өзіне сенімді. Бұл турдағы басты текетірестердің бірі болмақ. Бірақ «Қайраттың» қандай құраммен ойнайтыны белгісіз. Братиславадағы 120 минуттан кейін алматылықтар келесі аптада Глазгода «Селтикпен» ойнауға дайындалады. Сондықтан Рафаэль Уразбахтин біраз көшбасшысына, тіпті бәріне демалыс беруі мүмкін. Бұл жағдайда «Елімайдың» мүмкіндігі жоғарылайды. Өткен аптадағы «Ақтөбеге» қарсы камбэктен кейін топ-4 қатарына кіруге мүмкіндігін арттырды. «Қайрат» екінші құрамын шығарса, «Елімайдың» тым болмаса бір ұпай алып кетуге мүмкіндігі жоғары.
«Қызылжар» - «Жеңіс»
«Жеңіс» атына заты сай команда екенін көрсетіп жүр. ҚПЛ аясындағы қатарынан тоғыз матчта жеңілмеді. Соңғы рет 3 тамызда «Ақтөбеден» сырт алаңда үш ұпай алған еді, алдағы ойынға жақсы демалыспен келгелі отыр. Петропавлдықтар болса, керісінше, жеңіске өте сирек жетеді. Соңғы 12 матчының біреуінде ғана қарсыласынан басым түсті. Бүгінде бұл командалар турнир кестесінде көрші, бірақ 8-орындағы «Жеңіс» 9-сатыдағы «Қызылжардан» жеті ұпайға алда тұр. 21-тур қорытындысы бойынша «Жеңіс» ұпай айырмашылығын арттырып, қарсыласын қапы қалдырады деген болжамым бар.
«Тұран» - «Қайсар»
«Тұран» өткен турда 11 матчқа созылған жеңіліс сериясына нүкте қойды. Бас бапкер Бөрібаев отставкаға кеткеннен кейін «Атыраумен» тең түскен еді. Қаржылық қиындықтарға тап болған «Тұран» жазда құрамын түгел өзгертті. Жаңа құрам жеңісті сағындырып жүр. Қазақстандық футболшылармен ғана ерлеп жүрген «қасқырлар» Түркістанда да азуын көрсететін шығар. Бұл клубты соңғы матчтарда «Қайрат» пен «Ордабасы» өзі жеңе алмады. Қызылордалықтар қауіпті аумақтағы «Тұраннан» алты ұпайға алға кеткен. Дегенмен Түркістандағы матчта жеңілер болса, жағдайы қиындай түседі. Сондықтан сырт алаңда сақ ойнайды деп ойлаймын. Бұл матч тең аяқталуы тиіс.
«Астана» - «Ұлытау»
Елордалықтар бір ғана майданда қалды. Енді ел кубогы да, еурокубок та жоқ. Тек ҚПЛ титулына таласады, бар күшті соған салады. Қазір екінші орында, бірақ «Қайраттан» бір матчы кем. Алматылықтардың екі фронтта бірдей шайқасып жатқанын ескерсек, «Астананың» чемпион атануға мүмкіндігі жоғарылайды. Футболшылары да ҚПЛ-ды сағынып қалған шығар, соңғы рет 18 шілдеде «Тұран» қақпасына жауапсыз жеті гол соққан. Бірақ «Ұлытау» жеті гол жібере қоймас. Иә, Жезқазған клубы жеңбей жүр, алайда бір матчта көп болса бір гол жібереді. Әйтсе де, бұл «Астана» матчқа өте ашулы келеді. «Ұлытауды» екі-үш гол айырмашылығымен жеңеді деп ойлаймын.
«Жетісу» - «Атырау»
Талдықорғанның клубы өткен аптада «Оқжетпесті» жеңіп, жанкүйерлерін қуантқан еді, бірақ техникалық жеңіліс алды. Себебі ойнамауы керек Нұрбол Әнуарбековті алаңға шығарып жіберген. Негізі Самат Смақовтың шәкірттері бірде көл, бірде шөл, жеңіс пен жеңілісті қатар көріп жүр. ҚПЛ-да қалу мақсатын орындай алатын шығар, қауіпті аймақтан жеті ұпайға озып тұр. Ал «Атырау» жазда құрамын толық ауыстырып жібергелі бір ғана матчта жеңіске жете алды. Дегенмен соңғы орындағы «мұнайшылар» кейінгі үш матч та бес ұпай алды. Бұл оның алдындағы 17 ойынның ұпайымен бірдей. Жалпы, «Атырау» кез келген турдан кейін соңғы орыннан көтеріліп кетуі мүмкін. Қауіпсіз аймақ та алыс емес. Матч қалай аяқталуы мүмкін? «Атырау» маусымды құтқару үшін барын салып жатыр, сондықтан Талдықорғанда жеңіп кетуі әбден мүмкін.
«Ақтөбе» - «Оқжетпес»
«Ақтөбе» бас бапкерін ауыстырды. Осы маусымда үшінші бапкер келіп отыр. Вячеслав Левчукке көп сын айтылды, себебі «ақ-қызылдар» ҚПЛ-дағы екі матчында жеңіліп қалды. Келесі жылы олар үшін еурокубок болмауы да мүмкін. Алдағы матч Николай Костовтың «Ақтөбедегі» дебюті болады. ҚПЛ-ді өте жақсы білетін маман, бейімделуге уақыт сұрамайды. Маусым алдында «Оқжетпес» «Ақтөбенің» бәсекелесі болады дегенге көбі сенбес еді, бірақ қазір жағдай расымен солай. Биылғы сұрмергендер көшін бастап келе жатқан Дәурен Жұмат және оның командаластары үш ұпай алса, төртінші орынға көтерілуі мүмкін. Бірақ Ақтөбеде Костов карьерасын жеңіспен бастайды деп ойлаймын. Матч тағдырын бір гол ғана шешуі ықтимал.
«Ордабасы» - «Тобыл»
Күнтізбе енді шыққанда командалар бұл турда жүлдеге таласып жатар еді деген ой болған еді. Бірақ олай болмай шықты. Бұл командалардың арасы 10 ұпай, шымкенттіктер жетінші сатыдан жоғарылай алмай жүр. Соңғы екі матчында «Атырау» мен «Қайсарға» бір ұпайдан беріп қойды. Ал «Тобыл» чемпиондық таластан шыққан жоқ. Мүмкіндігі бар. Бұл командалар осы маусымда алғаш рет жолығып жатыр, себебі бірінші айналымдағы матчқа «Ордабасы» рейс кешігуіне байланысты бара алмай қалған еді. Одан бөлек, қыркүйекте ҚР кубогының финалында да кездесуі ықтимал. Бұл ойынға болжам жасау қиындау, бірақ дәл қазіргі ойынға қарап, «Тобыл» жеңеді деп ойлаймын.
