14-15 тамыз күндері футболдан Бірінші лиганың 18-тур ойындары өтеді. Турдың басты кездесуі Алматыда жергілікті «Қайрат-Жастар» мен Өскеменнің «Алтайы» арасында болмақ.
14 тамыз
«Екібастұз» (Екібастұз) – AKAS (Алматы)
Басталуы: 17:00
Өтетін жері: «Шахтер» стадионы, Екібастұз
Өзара кездесулер тарихы:
Ойындар саны – 1
«Екібастұздың» жеңісі – 0
AKAS-тың жеңісі – 1
Тең ойын – 0
Тур Екібастұздағы матчпен басталады. Қос ұжым Бірінші лигада алғаш рет 6-турда кездескен. Сол ойында алматылықтар 2:0 есебімен жеңіске жеткен болатын. Өткен турда екі команда да ауыр жеңіліске ұшырады. Бір апта бұрын «кеншілер» Қарағандыда «Шахтерден» 0:4 есебімен жеңілсе, AKAS өз алаңында Ertis-ке 2:5 есебімен есе жіберді.
«Ақтөбе-Ж» (Ақтөбе) – «Шахтер» (Қарағанды)
Басталуы: 17:00
Өтетін жері: ОСДЮСШОР стадионы, Ақтөбе
Өзара кездесулер тарихы:
Ойындар саны – 1
«Ақтөбе-Ж» жеңісі – 0
«Шахтердің» жеңісі – 1
Тең ойын – 0
Бұл командалар да 2025 жылғы маусымға дейін кездеспеген. Алғашқы ойында қарағандылықтар 3:1 есебімен жеңіске жеткен. «Шахтер» – бұл матчтың айқын фавориті, бірақ қарсыласты бағаламауға болмайды. Өткен турда дәл осы қателікті «Қайрат-Жастар» жіберіп, «Ақтөбе-Ж» ұжымымен 2:2 есебімен тең түскен.
SD Family (Астана) – «Тараз» (Тараз)
Басталуы: 19:00
Өтетін жері: «Шахтер» стадионы, Қарағанды
Өзара кездесулер тарихы:
Ойындар саны – 3
SD Family-дің жеңісі – 0
«Тараздың» жеңісі – 1
Тең ойын – 2
SD Family бұл кездесуді «Сыдықбек Аренада» өткізуді жоспарлаған, бірақ елордадағы ауа райының қолайсыздығына байланысты алаңды сақтау үшін матч Қарағандыда өтетін болды. Астаналықтар турнир кестесінде қарсыласынан бір саты жоғары тұр, бірақ тарихта «Таразды» жеңбеген.
«Хан-Тәңірі» (Алматы) – «Оңтүстік» (Шымкент)
Басталуы: 19:00
Өтетін жері: «Хан-Тәңірі» стадионы, Алматы
Өзара кездесулер тарихы:
Ойындар саны – 3
«Хан-Тәңірінің» жеңісі – 2
«Оңтүстіктің» жеңісі – 1
Тең ойын – 0
Екі команда жасыл алаңда алғаш рет 2024 жылы жолыққан. Былтырғы маусымда «Хан-Тәңірі» қарсыласын екі ойында да ірі есеппен ұтқан (жалпы есеп – 7:1). Бірақ биыл алматылықтар сегіз ойын қатарынан жеңіліп, бірде-бір гол соқпай, өз қақпасына 23 гол жіберіп алған. Ал «Оңтүстік» соңғы турда SD Family-ді 5:2 есебімен ойсырата жеңді және бірінші айналымда да «Хан-Тәңірін» 4:2 есебімен ұтқан.
15 тамыз
«Түркістан» (Түркістан) – «Каспий» (Ақтау)
Басталуы: 17:00
Өтетін жері: Октябрь Жарылқапов атындағы стадион, Түркістан
Өзара кездесулер тарихы:
Ойындар саны – 3
«Түркістанның» жеңісі – 0
«Каспийдің» жеңісі – 2
Тең ойын – 1
Бұл – турнир кестесінде бірінші және соңғы орында тұрған командалардың кездесуі. Қағаз жүзінде «Каспий» фаворит болғанымен, өткен турда олар сырт алаңда «Алтайдан» 1:5 есебімен жеңілді. Былтырғы маусымда Түркістанда өткен кездесуде 2:2 есебі тіркелген.
Турдың орталық матчы
«Қайрат-Жастар» (Алматы) – «Алтай» (Өскемен)
Басталуы: 19:00
Өтетін жері: Т. Сегізбаев атындағы академия стадионы, Алматы
Өзара кездесулер тарихы:
Ойындар саны – 8
«Қайрат-Жастардың» жеңісі – 2
«Алтайдың» жеңісі – 5
Тең ойын – 1
«Қайрат-Жастар» соңғы үй матчында аутсайдер «Ақтөбе-Ж» клубымен әрең тең ойнап (2:2), ұпай жоғалтты. Бұл жолғы қарсылас – қатарынан бес ойын жеңіске жеткен жоғары лиганың жолдамасына үміткер «Алтай» клубы болмақ. Өткен турда олар турнир көшбасшысы «Каспийді» 5:1 есебімен тас-талқан етті. Бірінші айналымда да «Алтай» 2:0 есебімен жеңіске жеткен. Дегенмен, өткен жылғы Алматыдағы кездесу дәл осы есеппен «Қайрат-Жастардың» пайдасына шешілген болатын.
Ertis (Павлодар) – «Жетісай» (Жетісай)
Басталуы: 19:00
Өтетін жері: «Орталық» стадион, Павлодар
Өзара кездесулер тарихы:
Ойындар саны – 1
Ertis-тің жеңісі – 0
«Жетісайдың» жеңісі – 0
Тең ойын – 1
Лига фавориттерінің бірі өз алаңында «Жетісайды» қабылдайды. Бірінші айналымдағы кездесу 1:1 есебімен аяқталған. Павлодарлықтар үшін қазір әр ұпай маңызды. Бірақ «Жетісай» да жақсы формада. Соңғы үш матчта қарсыластарын 16:3 есебімен жеңіп, оның алдында «Каспиймен» сырт алаңда 2:2 тең түскен.