Әйелдер арасындағы футболдан Қазақстан чемпионатының 16-туры аясында «Ақтөбе» сырт алаңда "Жеңісті" 3:0 есебімен айқын жеңді. Осы ойында дубль авторы атанған шабуылшы Алина Литвиненко KFF League-ке берген сұхбатында матчтан алған әсері мен чемпиондыққа деген мүмкіндіктері туралы ойымен бөлісті.
– Алина, жеңіспен құттықтаймыз! Ойыннан алған әсеріңіз қандай?
– Көп рақмет. Бастысы – үш ұпайды көздеп келдік, біз соған қол жеткіздік. Иә, бәрі бірдей ойдағыдай бола қойған жоқ, футбол тілімен айтсақ, қарсыласты көп кешірген секілдіміз. Бірақ жалпы матч жақсы өтті. «Жеңіс» әр матч сайын бабына келіп, ойынын жақсарта бастаған. Алда тағы бір ауыр ойын тұр. Бұл бізге және қарсыласқа да оңай болмасы анық («Ақтөбе» 7 тамызда Қызылордада «Қайсармен» ойнайды).
– Көп рақмет. Бастысы – үш ұпайды көздеп келдік, біз соған қол жеткіздік. Иә, бәрі бірдей ойдағыдай бола қойған жоқ, футбол тілімен айтсақ, қарсыласты көп кешірген секілдіміз. Бірақ жалпы матч жақсы өтті. «Жеңіс» әр матч сайын бабына келіп, ойынын жақсарта бастаған. Алда тағы бір ауыр ойын тұр. Бұл бізге және қарсыласқа да оңай болмасы анық («Ақтөбе» 7 тамызда Қызылордада «Қайсармен» ойнайды).
– Бүгін дубль жасадыңыз, ал маусымдағы голдарыңыздың саны 38-ге жетті. Мұндай нәтиже ойнаудың сыры неде?
– Бұл шабуылшының басты міндеті – гол соғатын сәтті сезіп, қажет кезде, қажет жерде болу және жауапкершілікті өз мойнына алу. Әрине, команданың қолдауы болмаса, мұның бірі де болмас еді. Қыздарға үлкен алғыс – оларсыз мұнша гол соғу мүмкін емес еді.
– Қолыңыздан жарақат алған секілдісіз. Не болды?
– Ауыр жарақат емес деп үміттенемін. Бәлкім, жай ғана созылып кеткен болар. Доп қолыма тиді, ойыншылардың арасынан көрмей қалдым. Ауырсындым, бірақ бәрі жақсы болады деп ойлаймын.
– Өткен турда еліміздің бірнеше дүркін чемпионы «БИІК-Шымкент» командасын жеңдіңіздер. Көпшілік бұл нәтижені чемпиондық үшін күрестегі шешуші кезең деп бағалап жатыр. Бұған не айтасыз?
– Әрине, бұл – чемпиондыққа қарай үлкен қадам. Бірақ екінші айналымның жартысы әлі алда. Босаңсуға мүлде болмайды. Қарқыннан сәл тайсақ, өзімізге зиян тигіземіз. Қазір бәрі тек өзімізге байланысты. Жеңсек – чемпион боламыз. Жеңілсек, мүмкіндікті беріп қоямыз. Қазір чемпиондық тағдыры БИІК-тің емес, біздің қолымызда. Сондықтан өз ойынымызды ұту керек.