2-3 тамыз күндері футболдан Қазақстан Премьер-лигасының 19-тур ойындары өтеді.
2 тамыз
«Оқжетпес» (Көкшетау) – «Елімай» (Семей)
Басталуы: 17:00
Өтетін орны: «Оқжетпес» стадионы, Көкшетау
Кездесулер тарихы:
Ойын саны – 1
«Оқжетпестің» жеңісі – 1
«Елімайдың» жеңісі – 0
Тең ойын – 0
«Елімай» мен «Оқжетпес» арасындағы алғашқы кездесу биыл жетінші турда өтіп, семейліктер өз алаңында көкшетаулықтардан 0:2 есебімен ойсырай жеңілді. Содан бері біраз уақыт өтті, «Оқжетпесте» бас бапкер ауысты. Ал «Елімай» дәл қазір турнир кестесінде көкшетаулықтармен бірдей ұпай жинағанымен, қосымша көрсеткіштер бойынша жоғары тұр. Семей командасы өткен турда «Жетісуды» 3:0 есебімен жеңді. Көкшетаулықтар екі айдан кейін алғаш рет өз алаңына оралады.
«Қайрат» (Алматы) – «Ұлытау» (Жезқазған)
Басталуы: 18:00
Өтетін орны: «Орталық» стадион, Алматы
Кездесулер тарихы:
Ойын саны – 1
«Қайраттың» жеңісі – 1
«Ұлытаудың» жеңісі – 0
Тең ойын – 0
«Қайрат» бұл кездесуді Чемпиондар лигасындағы «Слованға» қарсы ойын алдында өткізеді. Абырой болғанда, «Ұлытауды» өз алаңында қабылдайды. Яғни командаға алыс сапарға шығудың қажеті жоқ. ҚПЛ дебютантына қарсы матчта, оның үстіне өз алаңында алматылық клуб фаворит саналады. Жетінші турда «Қайрат» Жезқазғанда «Ұлытауды» 4:1 есебімен тас-талқан еткен.
Бұл турда Рафаэль Уразбахтин негізгі ойыншыларға демалыс берсе де, «Қайрат» бұл матчта фаворит болып қала береді. Дегенмен, аутсайдермен кездесуді елемеуге болмайды. Дәл осындай жағдайда алматылықтар «Қайсармен» тең тең ойнаған еді (1:1).
«Қызылжар» (Петропавл) – «Тобыл» (Қостанай)
Басталуы: 18:00
Өтетін орны: «Қарасай» стадионы, Петропавл
Кездесулер тарихы:
Ойындар саны – 45
«Қызылжардың» жеңісі – 9
«Тобылдың» жеңісі – 8
Тең ойын – 28
Қостанайлықтар статистика бойынша бұл ойында аздаған басымдыққа ие болғанымен, кейінгі төрт кездесудің тек біреуінде ғана жеңіске жеткен. Қос команданың да қазір жағдайы жақсы емес. «Қызылжар» қатарынан екі рет 0:1 есебімен жеңілді. «Тобыл» өткен турда өз алаңында «Қайратқа» 1:3 есебімен жол беріп, ұпай саны бойынша көшбасшылықтан айырылды. Бұл жолы екі командаға да тек жеңіс қажет, тең нәтиже ешқайсысын қанағаттандырмайды.
3 тамыз
«Ордабасы» (Шымкент) – «Атырау» (Атырау)
Басталуы: 20:00
Өтетін орны: Қажымұқан Мұңайтпасов атындағы стадион, Шымкент
Кездесулер тарихы:
Ойындар саны – 56
«Ордабасының» жеңісі – 21
«Атыраудың» жеңісі – 10
Тең ойын – 25
Ұпайдан қағылу бойынша шымкенттіктер бесінші орында тұр. Бірақ олар «Тобылмен» кейінге қалдырылған матчта ұпай жинамаса, жағдай қиындай түсуі мүмкін. «Атырау» әзірге турнир кестесінің соңында келеді. Дегенмен, бір апта бұрын олар «Қызылжарды» жеңіп (1:0), үміт отын қайта жақты. Бұл екі команданың өзара кездесулері жиі тең нәтижемен аяқталып жатады. Алайда бұл жолы тең нәтиже ешқайсысын қанағаттандырмайды. Жанкүйерлерді Шымкентте тартысты ойын күтіп тұр.
«Ақтөбе» (Ақтөбе) – «Жеңіс» (Астана)
Басталуы: 20:00
Өтетін орны: Қобыланды батыр атындағы стадион, Ақтөбе
Кездесулер тарихы:
Ойындар саны – 35
«Ақтөбенің» жеңісі – 17
«Жеңістің» жеңісі – 8
Тең ойын – 10
«Ақтөбе» футболшылары Прагада «Спартаға» қарсы ойында көп күш жұмсады. Ал қарсыластары оңай шағылатын жаңғақ емес. «Жеңіс» командасы Андрей Демченко келгелі жеңілмей келеді. Бұған қоса, елордалықтар осы маусымда «Ақтөбені» Кубок жолындағы жарыста жеңіп, былтырғы чемпиондық атағынан айырған еді. Дегенмен, Премьер-лиганың алғашқы айналымындағы матчта «Ақтөбе» жеңіске жеткен болатын. Сондықтан бұл жолғы кездесу аса тартысты болмақ.
«Жетісу» (Талдықорған) – «Тұран» (Түркістан)
Басталуы: 20:00
Өтетін орны: «Жетісу» стадионы, Талдықорған
Кездесулер тарихы:
Ойындар саны – 9
«Жетісудың» жеңісі – 5
«Тұранның» жеңісі – 1
Тең ойын – 3
Қазіргі таңда ҚПЛ-де «Тұранның» бағы жанбай тұр. Олар қатарынан 10 ойында жеңілді. Ал кейінгі екі ойында 0:11 есебімен ұтылды. Осындай нәтижелердің салдарынан командаға Премьер-лигадан шығып қалу қаупі туындап тұр. Егер жағдайды тез арада түземесе, маусым соңында жоғары топпен қош айтысуы мүмкін.
«Жетісу» болса, Семейдегі ауыр жеңілістен кейін (0:3) бұл ойында жеңіске үмітті. Биыл олар өз алаңында «Ақтөбе» мен «Ордабасыны» жеңіп, «Қайраттан» ұпай ала білді. Алайда Талдықорғанда өткен екі ойында да «Тұранмен» тең түскен (0:0). Сол нәтиже Түркістандағы алғашқы айналымда да тіркелген. Бұл жолы командалар гол соға ала ма екен?
P.S. 19-турға жоспарланған «Астана» мен «Қайсар» арасындағы матч екі клубтың өзара келісімімен белгісіз мерзімге шегерілді.