20 жастағы қазақстандық жас жартылай қорғаушы Әбинұр Нұрымбет жазғы трансферлік кезеңде Түркістанның «Тұран» клубынан Павлодардың Ertis командасына ауысты. Футболшы жаңа командасында бірден негізгі құрамнан ойып тұрып орын алды. KFF League тілшісі жас ойыншымен сұхбаттасып, жанкүйерлерді қызықтырған сұрақтарға жауап алды.
– Әбинұр, сенің Ertis-ке ауысуың көптеген отандық футбол жанкүйерлері үшін күтпеген жаңалық болды. Бұл трансфер қалай жүзеге асты?
– Иә, менің Ertis клубына келуім көбісін таң қалдырғанын білемін. Әлеуметтік желіде де біраз пікір жазылды. Бұл ұсыныс клубтың селекцияға жауапты менеджер тарапынан түсті. Ertis-тің алдағы жоспарлары, негізгі мақсаттары туралы айтылды. Әрине, бұның барлығы мені қызықтырмай қоймады. Командамен белестерді бағындырып, жүлделерге қол жеткізуімізді қалаймын.
– Премьер-лига клубтарынан ұсыныстар болды ма? Егер болса, неге дәл Ertis-ті таңдадың?
– Бірқатар клубтан шақырту алдым. Маған сенім артқандардың барлығына алғыс айтамын. Дегенмен, Ertis-ті таңдадым. Бұл сарапталған шешім. Себебі бұл тарихы мол, еліміздегі беделді клуб. Команданың мақсаты айқын. Сол межеге жетуге атсалысу, бұл жеңістердің ажырамас бөлігі болу, мен үшін өте қызықты. Барлығымыз ортақ жетістік үшін барымызды саламыз.
– Маусымның екінші айналымы басталып кетті. Жеке өзіңнің және команданың мақсаты қандай?
– Ertis-тің алдында Премьер-лигаға шығу мақсаты қойылған. Бұл ретте, мен өз-өзіме де мақсат қоямын. Нәтижеге қол жеткізу үшін, командаға барынша пайда әкелу қажет. Павлодарға сол үшін келдім. Артылған үмітті ақтау керекпіз.
– Премьер-лигаға шығу үшін бәсекелестік жоғары – «Каспий», «Шахтер», «Алтай» секілді қарсыластар бар. Ertisтің мүмкіндігін қалай бағалайсың? Бұл клубтың басты артықшылығы неде?
– Чемпионатта барлық қарсылас өз мақсатына жетуге үлкен жауапкершілікпен қарайды, бұған еш күмән жоқ. Бірақ, Ertis биыл 60 жылдық мерейтойын атап өтуде. Жанкүйерлеріміз, бүкіл Павлодар қаласы бізден жақсы хабар күтеді. Әрине, бұл ойыншыларға қосымша жігер-қуат береді. Чемпиондыққа қол жеткізген клуб ардагерлері де біздің жаттығуларға, матчтарға келіп, Ertis-тің қандай команда екендігін еске салып, үлкен қолдау көрсетеді, сенім артады. Стадион трибуналарына жас та, кәрі де жиналып, алға жетелейді. Бұндай атмосфера әр өңірде бар деп айта алмаймын. Бұл жақта Ertis-ке деген халықтың ықыласы, махаббаты ерекше екендігіне көз жеткіздім.
– Бұған дейін Өзбекстанның «Әндіжан» сапында өнер көрсеттің. Өзбекстан мен Қазақстан футболының деңгей жайлы не айтасың?
– Иә, «Әндіжан» сапында ойнап, маусымның тең жартысын өткіздім. Мен сияқты жас ойыншы үшін бұл үлкен тәжірибе деп қабылдадым. Өз ойым, Қазақстан мен Өзбекстан футболында қатты айырмашылық жоқ. Екі елде де, спортты дамыту үшін жағдай жасалып, футболға арналған жаңа бағдарламаларды іске асырып жатыр. Сондықтан ешкімді бөліп жарғым келмейді. Бауырлас халықтар бір-бірін қолдап, жетістіктеріне қуанады.
– Биылғы Бірінші лига маусымының жалпы деңгейін қалай бағалайсың? Нені ерекше атап өте аласың?
– Бірінші лига көп күшті қажет ететін, физикаға негізделген футболы басым жарыс екендігі баршаға мәлім. Жыл сайын бұл чемпионаттағы командалардың деңгейі артып келеді, әр клуб жоғары мақсаттар қояды, бәсеке жоғары. Сәйкесінше футбол ойнау өте қызықты, жанкүйерлер үшін де ойындар тартымды деп ойлаймын.
– Алдағы қыркүйек айында жастар құрамасы Англиямен ойнайды. Бұл кездесу Ақтөбеде өтеді. Осы матчтан не күтесің?
– Англия жастарына қарсы біз жақсы футбол көрсетеміз деп үміттенемін. Оған қоса, маңызды кездесудің Ақтөбеде ұйымдастырылуы қуантады. Қазақстан жастар құрамасында өте мықты қолдау болады деген сөз. Жанкүйерлері ерекше қала ғой, сондықтан елімізге жеңіс сыйлау үшін еңбектенеміз. Оған дейін әрбір ойыншы өз клубында көп жұмыс істеп, ел намысын қорғау үшін бабында болуы тиіс. Мен Ertis-те ойнап жүріп, жастар құрамасына шақырылуымды абырой деп білемін.
– Сенің ойыңша, Ertis тек Премьер-лигаға шығып қана қоймай, келесі маусымда лайықты өнер көрсете ала ма?
– Дәл қазір біздің басты мақсатымыз - Ertis-ті Премьер-лигаға шығару. Павлодарлық клуб әрқашанда жоғары дивизионда өнер көрсетіп, тек тұғырдың ең жоғары сатысы үшін күрескен. Қазіргі кезде, командаға деген аймақ басшылығының, жанкүйерлердің қолдауын негізге алса, клуб Премьер-лигаға шыққан кезде де жоғары деңгейде өнер көрсетеді деп сеніммен айта аламын.
– Әбинұр, сенің Ertis-ке ауысуың көптеген отандық футбол жанкүйерлері үшін күтпеген жаңалық болды. Бұл трансфер қалай жүзеге асты?
– Иә, менің Ertis клубына келуім көбісін таң қалдырғанын білемін. Әлеуметтік желіде де біраз пікір жазылды. Бұл ұсыныс клубтың селекцияға жауапты менеджер тарапынан түсті. Ertis-тің алдағы жоспарлары, негізгі мақсаттары туралы айтылды. Әрине, бұның барлығы мені қызықтырмай қоймады. Командамен белестерді бағындырып, жүлделерге қол жеткізуімізді қалаймын.
– Премьер-лига клубтарынан ұсыныстар болды ма? Егер болса, неге дәл Ertis-ті таңдадың?
– Бірқатар клубтан шақырту алдым. Маған сенім артқандардың барлығына алғыс айтамын. Дегенмен, Ertis-ті таңдадым. Бұл сарапталған шешім. Себебі бұл тарихы мол, еліміздегі беделді клуб. Команданың мақсаты айқын. Сол межеге жетуге атсалысу, бұл жеңістердің ажырамас бөлігі болу, мен үшін өте қызықты. Барлығымыз ортақ жетістік үшін барымызды саламыз.
– Маусымның екінші айналымы басталып кетті. Жеке өзіңнің және команданың мақсаты қандай?
– Ertis-тің алдында Премьер-лигаға шығу мақсаты қойылған. Бұл ретте, мен өз-өзіме де мақсат қоямын. Нәтижеге қол жеткізу үшін, командаға барынша пайда әкелу қажет. Павлодарға сол үшін келдім. Артылған үмітті ақтау керекпіз.
– Премьер-лигаға шығу үшін бәсекелестік жоғары – «Каспий», «Шахтер», «Алтай» секілді қарсыластар бар. Ertisтің мүмкіндігін қалай бағалайсың? Бұл клубтың басты артықшылығы неде?
– Чемпионатта барлық қарсылас өз мақсатына жетуге үлкен жауапкершілікпен қарайды, бұған еш күмән жоқ. Бірақ, Ertis биыл 60 жылдық мерейтойын атап өтуде. Жанкүйерлеріміз, бүкіл Павлодар қаласы бізден жақсы хабар күтеді. Әрине, бұл ойыншыларға қосымша жігер-қуат береді. Чемпиондыққа қол жеткізген клуб ардагерлері де біздің жаттығуларға, матчтарға келіп, Ertis-тің қандай команда екендігін еске салып, үлкен қолдау көрсетеді, сенім артады. Стадион трибуналарына жас та, кәрі де жиналып, алға жетелейді. Бұндай атмосфера әр өңірде бар деп айта алмаймын. Бұл жақта Ertis-ке деген халықтың ықыласы, махаббаты ерекше екендігіне көз жеткіздім.
– Бұған дейін Өзбекстанның «Әндіжан» сапында өнер көрсеттің. Өзбекстан мен Қазақстан футболының деңгей жайлы не айтасың?
– Иә, «Әндіжан» сапында ойнап, маусымның тең жартысын өткіздім. Мен сияқты жас ойыншы үшін бұл үлкен тәжірибе деп қабылдадым. Өз ойым, Қазақстан мен Өзбекстан футболында қатты айырмашылық жоқ. Екі елде де, спортты дамыту үшін жағдай жасалып, футболға арналған жаңа бағдарламаларды іске асырып жатыр. Сондықтан ешкімді бөліп жарғым келмейді. Бауырлас халықтар бір-бірін қолдап, жетістіктеріне қуанады.
– Биылғы Бірінші лига маусымының жалпы деңгейін қалай бағалайсың? Нені ерекше атап өте аласың?
– Бірінші лига көп күшті қажет ететін, физикаға негізделген футболы басым жарыс екендігі баршаға мәлім. Жыл сайын бұл чемпионаттағы командалардың деңгейі артып келеді, әр клуб жоғары мақсаттар қояды, бәсеке жоғары. Сәйкесінше футбол ойнау өте қызықты, жанкүйерлер үшін де ойындар тартымды деп ойлаймын.
– Алдағы қыркүйек айында жастар құрамасы Англиямен ойнайды. Бұл кездесу Ақтөбеде өтеді. Осы матчтан не күтесің?
– Англия жастарына қарсы біз жақсы футбол көрсетеміз деп үміттенемін. Оған қоса, маңызды кездесудің Ақтөбеде ұйымдастырылуы қуантады. Қазақстан жастар құрамасында өте мықты қолдау болады деген сөз. Жанкүйерлері ерекше қала ғой, сондықтан елімізге жеңіс сыйлау үшін еңбектенеміз. Оған дейін әрбір ойыншы өз клубында көп жұмыс істеп, ел намысын қорғау үшін бабында болуы тиіс. Мен Ertis-те ойнап жүріп, жастар құрамасына шақырылуымды абырой деп білемін.
– Сенің ойыңша, Ertis тек Премьер-лигаға шығып қана қоймай, келесі маусымда лайықты өнер көрсете ала ма?
– Дәл қазір біздің басты мақсатымыз - Ertis-ті Премьер-лигаға шығару. Павлодарлық клуб әрқашанда жоғары дивизионда өнер көрсетіп, тек тұғырдың ең жоғары сатысы үшін күрескен. Қазіргі кезде, командаға деген аймақ басшылығының, жанкүйерлердің қолдауын негізге алса, клуб Премьер-лигаға шыққан кезде де жоғары деңгейде өнер көрсетеді деп сеніммен айта аламын.