21–23 шілде аралығында футболдан Қазақстан чемпионатының Екінші лигасындағы 14-тур ойындары өтті. Бұл тур қорытындысы бойынша Батыс Қазақстан облысының жаңадан құрылған «Жайық» клубы «Оңтүстік-Батыс» конференциясында жеке-дара көш бастады.
Матч нәтижелері:
«Солтүстік-шығыс» Конференциясы:
«Тобыл-Ж» – «Шахтер-Ж» – 1:3
«Оқжетпес- Ж» – «Жеңіс- Ж» – 1:1
«Ұлытау-Ж» – «Астана-Ж» – 1:12
SD Family-Ж – «Жетісу-Ж» – 2:1
«Алтай-Ж» – «Қызылжар-Ж» – 2:2.
Қарағандылықтармен матч алдында «Тобыл-Ж» үш ұпайға артта келе жатқан еді. Сондықтан костанайлық жастардың «кеншілерді» қуып жетуге жақсы мүмкіндігі болған. Ол үшін өз алаңында жеңіске жету қажет еді. Алайда «сары-жасылдарға» бір ұпай да бұйырмады. Кездесудің басты қаһарманы – қонақтардың вингері Даниял Таханов болды. Ол осы ойында екі гол соқты. Қорытынды есеп – 1:3.
«Оқжетпес-Ж» пен «Жеңіс-Ж» арасындағы матч турнир кестесінде қатар орналасқан командалардың ойыны екенін байқатты. Екі команданың кездесуі тартысты әрі тең дәрежеде өрбіді. Таблодағы көрсеткіш те соны аңғартты. Қорытынды есеп – 1:1.
SD Family мен «Жетісу-Ж» арасындағы матч шын мәнінде ымырасыз өтті. Бірінші таймда қарсыластар бір-бір голмен алмасты. Екінші тайм басталған соң, талдықорғандық қорғаушы Айбар Талғатқа екінші сары қағаз көрсетіліп, алаңнан қуылды. Астаналықтар сан басымдығын қиындықпен болса да пайдаланып, 2:1 есебімен жеңіске жетті. Бұл олардың қатарынан екінші жеңісі. Жалпы маусымда үш рет ғана үш ұпайдан еншілеген.
Астананың екінші командасы Жезқазғанға қонаққа барды. Жергілікті «Ұлытау» жастарымен ойында еш қиындық көрмеді. Конференция көшбасшысы жезқазғандықтардың қақпасына 12 гол соқты. Оның біреуі автогол болды. Қонақтар тек бір доп өткізіп алды.
Айта кетейік, бірінші айналымда да «Астана-Ж» осы қарсыласын 12:0 есебімен жеңген болатын. Демек, екі матчта олар «Ұлытау-Ж»-нің қақпасын 24 рет дәл көздеп отыр.
«Алтай-Ж» командасы да қаһармандық жасай жаздады. Өскемендік клубтың «Қызылжар-Ж»-мен ойыны сәтсіз басталған. Негізі «Алтай» хаттама бойынша өз алаңында ойнады дегенмен, матч Петропавлдағы Қарасай батыр атындағы стадионда өтті. Кездесудің 9-минутында гол өткізіп алды. Сосын 33-минутта қорғаушы Бақытжан Мәліков алаңнан қуылып, бір адамға аз қалды. Алайда қиындықтарға қарамастан, «Алтай-Ж» тайм соңына дейін есепті теңестіріп қана қоймай, алға шықты. Жеңісті соңына дейін ұстап тұруға сәл ғана уақыт жетпеді. «Қызылжар» жастары бір ойыншы артық болғанының арқасында матч соңында есепті теңестірді. Қорытынды есеп – 2:2.
«Оңтүстік-батыс» Конференциясы:
«Жайық» – «Талас» – 3:0
«Кайсар-Ж» – «Мақтаарал» – 4:0
«Жас-Қыран» – «Атырау-Ж» – 5:0
«Ордабасы-Ж» – «Арыс» – 3:1
«Каспий-Ж» – «Тұран-Ж» – 2:1.
«Оңтүстік-батыс» конференциясының көшін бастап тұрған «Жайық» командасы турдың алғашқы күні-ақ өз позициясын нықтады. Батыс Қазақстан облысының клубы өз алаңында «Таласты» еш қиындықсыз 3:0 есебімен жеңіп, тур қорытындысы бойынша оны ешкім қуып жете алмайтыны белгілі болды.
Алайда «Жайықтың» басты бәсекелестері де өз матчтарын сәтті өткізді. «Қайсар-Ж» «Мақтааралдың» қақпасына жауапсыз төрт гол соғып, 4:0 есебімен айқын жеңіске жетті.
«Жас Қыран» командасы «Атырау-Ж» жастарымен кездесуде одан да сенімді өнер көрсетті. Алматылықтар қарсылас қақпасына бес гол соқты, ал қонақтардың қарымта қайтаруға шамасы жетпеді. Қорытынды есеп – 5:0.
Көшбасшымен ұпай теңестіру мүмкіндігі «Арыс» клубында болған еді. Бірақ бұл мүмкіндікке «Ордабасы-Ж» жол бермеді. Шымкенттіктер өз алаңында 3:1 есебімен сенімді жеңіске жетіп, «Арысты» турнир кестесінің төртінші сатысында қалдырды.
«Каспий-Ж» өз алаңында «Тұран-Ж» командасын жеңіп, ерік-жігер танытты. Ақтаулықтар 72-минутқа дейін есепте қалып келе жатқанымен, ойынның соңғы минуттарын тиімді пайдаланды. Алдымен есепті теңестіріп үлгерді. Сосын жеңіс добын да соқты. Қорытынды есеп – 2:1.
Екінші лиганың 15-тур ойындары 29-30 шілде күндері өтеді.
Матч нәтижелері:
«Солтүстік-шығыс» Конференциясы:
«Тобыл-Ж» – «Шахтер-Ж» – 1:3
«Оқжетпес- Ж» – «Жеңіс- Ж» – 1:1
«Ұлытау-Ж» – «Астана-Ж» – 1:12
SD Family-Ж – «Жетісу-Ж» – 2:1
«Алтай-Ж» – «Қызылжар-Ж» – 2:2.
Қарағандылықтармен матч алдында «Тобыл-Ж» үш ұпайға артта келе жатқан еді. Сондықтан костанайлық жастардың «кеншілерді» қуып жетуге жақсы мүмкіндігі болған. Ол үшін өз алаңында жеңіске жету қажет еді. Алайда «сары-жасылдарға» бір ұпай да бұйырмады. Кездесудің басты қаһарманы – қонақтардың вингері Даниял Таханов болды. Ол осы ойында екі гол соқты. Қорытынды есеп – 1:3.
«Оқжетпес-Ж» пен «Жеңіс-Ж» арасындағы матч турнир кестесінде қатар орналасқан командалардың ойыны екенін байқатты. Екі команданың кездесуі тартысты әрі тең дәрежеде өрбіді. Таблодағы көрсеткіш те соны аңғартты. Қорытынды есеп – 1:1.
SD Family мен «Жетісу-Ж» арасындағы матч шын мәнінде ымырасыз өтті. Бірінші таймда қарсыластар бір-бір голмен алмасты. Екінші тайм басталған соң, талдықорғандық қорғаушы Айбар Талғатқа екінші сары қағаз көрсетіліп, алаңнан қуылды. Астаналықтар сан басымдығын қиындықпен болса да пайдаланып, 2:1 есебімен жеңіске жетті. Бұл олардың қатарынан екінші жеңісі. Жалпы маусымда үш рет ғана үш ұпайдан еншілеген.
Астананың екінші командасы Жезқазғанға қонаққа барды. Жергілікті «Ұлытау» жастарымен ойында еш қиындық көрмеді. Конференция көшбасшысы жезқазғандықтардың қақпасына 12 гол соқты. Оның біреуі автогол болды. Қонақтар тек бір доп өткізіп алды.
Айта кетейік, бірінші айналымда да «Астана-Ж» осы қарсыласын 12:0 есебімен жеңген болатын. Демек, екі матчта олар «Ұлытау-Ж»-нің қақпасын 24 рет дәл көздеп отыр.
«Алтай-Ж» командасы да қаһармандық жасай жаздады. Өскемендік клубтың «Қызылжар-Ж»-мен ойыны сәтсіз басталған. Негізі «Алтай» хаттама бойынша өз алаңында ойнады дегенмен, матч Петропавлдағы Қарасай батыр атындағы стадионда өтті. Кездесудің 9-минутында гол өткізіп алды. Сосын 33-минутта қорғаушы Бақытжан Мәліков алаңнан қуылып, бір адамға аз қалды. Алайда қиындықтарға қарамастан, «Алтай-Ж» тайм соңына дейін есепті теңестіріп қана қоймай, алға шықты. Жеңісті соңына дейін ұстап тұруға сәл ғана уақыт жетпеді. «Қызылжар» жастары бір ойыншы артық болғанының арқасында матч соңында есепті теңестірді. Қорытынды есеп – 2:2.
«Оңтүстік-батыс» Конференциясы:
«Жайық» – «Талас» – 3:0
«Кайсар-Ж» – «Мақтаарал» – 4:0
«Жас-Қыран» – «Атырау-Ж» – 5:0
«Ордабасы-Ж» – «Арыс» – 3:1
«Каспий-Ж» – «Тұран-Ж» – 2:1.
«Оңтүстік-батыс» конференциясының көшін бастап тұрған «Жайық» командасы турдың алғашқы күні-ақ өз позициясын нықтады. Батыс Қазақстан облысының клубы өз алаңында «Таласты» еш қиындықсыз 3:0 есебімен жеңіп, тур қорытындысы бойынша оны ешкім қуып жете алмайтыны белгілі болды.
Алайда «Жайықтың» басты бәсекелестері де өз матчтарын сәтті өткізді. «Қайсар-Ж» «Мақтааралдың» қақпасына жауапсыз төрт гол соғып, 4:0 есебімен айқын жеңіске жетті.
«Жас Қыран» командасы «Атырау-Ж» жастарымен кездесуде одан да сенімді өнер көрсетті. Алматылықтар қарсылас қақпасына бес гол соқты, ал қонақтардың қарымта қайтаруға шамасы жетпеді. Қорытынды есеп – 5:0.
Көшбасшымен ұпай теңестіру мүмкіндігі «Арыс» клубында болған еді. Бірақ бұл мүмкіндікке «Ордабасы-Ж» жол бермеді. Шымкенттіктер өз алаңында 3:1 есебімен сенімді жеңіске жетіп, «Арысты» турнир кестесінің төртінші сатысында қалдырды.
«Каспий-Ж» өз алаңында «Тұран-Ж» командасын жеңіп, ерік-жігер танытты. Ақтаулықтар 72-минутқа дейін есепте қалып келе жатқанымен, ойынның соңғы минуттарын тиімді пайдаланды. Алдымен есепті теңестіріп үлгерді. Сосын жеңіс добын да соқты. Қорытынды есеп – 2:1.
Екінші лиганың 15-тур ойындары 29-30 шілде күндері өтеді.