24 және 25 шілде күндері футболдан Қазақстан чемпионатының Бірінші лига командалары арасындағы 15-турдың матчтары өтеді. Турдың орталық кездесуі Алматыда жоспарланған. «Қайрат-Жастар» өз алаңында Павлодардың «Ertis» командасын қабылдайды.
24 шілде
«Ақтөбе-Ж» (Ақтөбе) – «Екібастұз» (Екібастұз)
Басталуы: 17:00
Өтетін орны: ОМБЖОРСМ стадионы (Ақтөбе)
Жеке кездесулер тарихы:
– Ойын саны: 5
– «Ақтөбе-Ж»-нің жеңісі: 0
– «Екібастұздың» жеңісі: 3
– Тең ойындар: 2
«Екібастұз» турнир кестесінде орта тұсында келе жатыр. Жүлделі орындарға таласудан үмітін үзді. Бірінші лигадан түсіп қалмайтыны да анық. Ал «Ақтөбе» жастары лигада қалу жоспары үшін ойнайды. Егер «Екібастұздан» үш ұпай алатын болса, психологиялық тұрғыдан да оларға көмек болады. Өйткені биыл «Ақтөбе-Ж» бірде-бір ойында жеңіске жетпеген.
Сонымен қатар, ақтөбеліктер бұрын ешқашан «Екібастұзды» жеңіп көрмеген. Дегенмен, бірінші айналымда сырт алаңда «Шахтерге» қарсы лайықты қарсылық көрсеткендерін ескерсек, бұл жолы да сенсацияға талпынуға әбден болады.
«Қайрат-Жастар» (Алматы) – Ertis (Павлодар)
Басталуы: 17:00
Өтетін орны: Сегізбаев атындағы академия стадионы (Алматы)
Жеке кездесулер тарихы:
– Ойын саны: 4
– «Қайрат-Жастардың» жеңісі: 0
– «Ertis»-тің жеңісі: 4
– Тең ойындар: 0
Павлодарлықтардың статистикадағы айқын басымдығына қарамастан, «Қайрат-Жастарды» оңай шағылар жаңғақ деп айтуға келмейді. Сондықтан Алматыдағы «Қайрат-Жастар» мен Ertis матчы тартысты өтуі тиіс. Бұл матчтың 15-турдағы орталық ойын екені сөзсіз.
Екі ұжым осыған дейін төрт рет жолығыпты. Бірақ соның үшеуі кубок жолындағы бәсеке екен. Ол кезде Павлодар командасы Премьер-лигада ғана ойнап қоймай, көшбасшылар қатарында болған.
Ал Бірінші лига аясындағы жалғыз кездесу биылғы жылдың 25 сәуірінде Павлодарда өтті. Ол матч тартысқа толы болған. Ertis екінші минутта гол соғып, сол басымдықты кездесу соңына дейін ұстап тұрған еді. «Қайрат» жастары сол матчта бір ойыншыға кем ойнады. Соған қарамастан есепті теңестіруге тырысты.
Бұл жолы өз алаңында ойнайтын Алматы командасы лигада жоғары орындарға таласып жүрген мықты қарсыласқа лайықты қарсылық көрсетеді дегенге күмән жоқ.
«Оңтүстік» (Шымкент) – «Каспий» (Ақтау)
Басталуы: 17:00
Өтетін орны: «Намыс» стадионы (Шымкент)
Жеке кездесулер тарихы:
– Ойын саны: 4
– «Оңтүстіктің» жеңісі: 0
– «Каспийдің» жеңісі: 3
– Тең ойындар: 1
Бұл матчтың фавориті кім екені анық сияқты. «Каспий» турнир кестесінде жеке-дара көш бастап тұр, ал «Оңтүстік» болса, кестенің орта тұсында орналасқан.
«Теңізшілердің» Шымкентке тек жеңіс үшін келетіндері сөзсіз. Алайда жеңісті алдын ала жоспарлап қою – өте қауіпті.
Алаң иелері соңғы үш турда жеті ұпай жинаған. Сондықтан жеңіліссіз ойындар сериясын тоқтатпауды қалайды.
Сонымен қатар, биылғы маусымда «Оңтүстік» пен «Каспий» Қазақстан Кубогының іріктеу кезеңінде кездесіп, шымкенттіктер тек пенальти сериясында ғана есе жіберген болатын. Бұл жолы да оңай матч болмайтыны анық.
25 шілде
«Шахтер» (Қарағанды) – «Хан-Тәңірі» (Алматы)
Басталуы: 17:00
Өтетін орны: «Шахтер» стадионы (Қарағанды)
Жеке кездесулер тарихы:
– Ойын саны: 1
– «Шахтердің» жеңісі: 1
– «Хан-Тәңірінің» жеңісі: 0
– Тең ойындар: 0
Бұл екі команданың жалғыз өзара кездесуі биылғы біріншіліктің бірінші айналымында өткен. «Шахтер» Алматыда біраз әбігерге түскен еді. Матчтағы жалғыз жеңіс голын «Хан Тәңірінің» бір футболшысы алаңнан қуылғанда ғана соқты.
«Шахтер» кризистен қайта шыға бастағандай. Бұған дейін сырт алаңда SD Family клубын жеңіп, жанкүйерлерін бір серпілтті. Қарсылас болса, соңғы төрт ойында бірде-бір ұпай жинаған жоқ, тіпті бірде-бір гол да соқпады.
«Жетісай» (Жетісай) – «Түркістан» (Түркістан)
Басталуы: 17:00
Өтетін орны: «Орталық» стадион (Жетісай)
Жеке кездесулер тарихы:
– Ойын саны: 4
– «Жетісайдың» жеңісі: 3
– «Түркістанның» жеңісі: 1
– Тең ойындар: 0
Бір облыстың екі клубы жолығады. «Жетісай» кез келген фавориттің жүйкесіне ши жүгірте алатын команда ретінде өзін дәлелдеген. Ал турнир кестесінің соңында тұрған команда туралы не айтуға болады?
«Түркістанға» бұл матчта ұпай еншілеу өте қиын. Оның үстіне, олар «Жетісайдың» алаңынан екі рет ойнап, екеуінде де бос кеткен.
Дегенмен, оңтүстік өңір командалары арасындағы кездесулер көбіне тосын нәтижелерге толы болып жатады. Бәлкім, бұл жолы да күтпеген жаңалықтар орын алар?
«Алтай» (Өскемен) – «Тараз» (Тараз)
Басталуы: 17:00
Өтетін орны: «Восток» стадионы (Өскемен)
Жеке кездесулер тарихы:
– Ойын саны: 7
– «Алтайдың» жеңісі: 1
– «Тараздың» жеңісі: 3
– Тең ойындар: 3
«Алтай» биылғы маусымдағы еңі ірі жеңілісі Тараздағы ойында тіркелген. Сырт алаңда қарсыласынан оңбай ұтылған. Бірақ содан бері жамбылдықтар небәрі бір мәрте жеңіске жетіп, турнир кестесінің төменгі бөлігінде орнығып қалды.
«Алтай» болса, Премьер-лигаға шығу үшін жанталасып жатыр. Қазіргі таңда олар «Шахтермен» үшінші орынды бөлісіп тұр.
Сондықтан өскемендік футболшыларға бұл ойында қосымша мотивация іздеудің қажеті жоқ. Олар бәсекелестерінен қалып қоймауға тиіс. Оның үстіне, реванш алуға деген тілек те айқын.
Дегенмен, «Алтай» бұған дейін өз алаңында әлсіздеу қарсыластардан бірнеше рет ұпай жоғалтқан. Сондықтан Шығыс Қазақстан клубына бұл жолы қарсыласын ешбір жағдайда менсінбей қарауға болмайды.
AKAS (Алматы) – SD Family (Астана)
Басталуы: 19:00
Өтетін орны: «Жас Қыран» стадионы (Алматы)
Жеке кездесулер тарихы:
– Ойын саны: 1
– AKAS жеңісі: 0
– SD Family жеңісі: 1
– Тең ойындар: 0
Чемпионаттың басында астаналық команда алматылықтарды 1:0 есебімен жеңген болатын. Алайда қарымта кездесу алдында AKAS турнир кестесінде SD Family клубынан алты ұпайға және төрт сатыға жоғары орналасқан.
Дегенмен, бұл матчтың фаворитін анықтау өте қиын, себебі ойын екі команда үшін де дерлік өз алаңындағыдай өтеді. Бірінші лиганың дебютанты да, Астанадан келген ұжым да биылғы маусымда өз ойындарын Алматыдағы «Жас Қыран» стадионында өткізуде.
Қалай десек те, матч қызықты болуы тиіс.
24 шілде
«Ақтөбе-Ж» (Ақтөбе) – «Екібастұз» (Екібастұз)
Басталуы: 17:00
Өтетін орны: ОМБЖОРСМ стадионы (Ақтөбе)
Жеке кездесулер тарихы:
– Ойын саны: 5
– «Ақтөбе-Ж»-нің жеңісі: 0
– «Екібастұздың» жеңісі: 3
– Тең ойындар: 2
«Екібастұз» турнир кестесінде орта тұсында келе жатыр. Жүлделі орындарға таласудан үмітін үзді. Бірінші лигадан түсіп қалмайтыны да анық. Ал «Ақтөбе» жастары лигада қалу жоспары үшін ойнайды. Егер «Екібастұздан» үш ұпай алатын болса, психологиялық тұрғыдан да оларға көмек болады. Өйткені биыл «Ақтөбе-Ж» бірде-бір ойында жеңіске жетпеген.
Сонымен қатар, ақтөбеліктер бұрын ешқашан «Екібастұзды» жеңіп көрмеген. Дегенмен, бірінші айналымда сырт алаңда «Шахтерге» қарсы лайықты қарсылық көрсеткендерін ескерсек, бұл жолы да сенсацияға талпынуға әбден болады.
«Қайрат-Жастар» (Алматы) – Ertis (Павлодар)
Басталуы: 17:00
Өтетін орны: Сегізбаев атындағы академия стадионы (Алматы)
Жеке кездесулер тарихы:
– Ойын саны: 4
– «Қайрат-Жастардың» жеңісі: 0
– «Ertis»-тің жеңісі: 4
– Тең ойындар: 0
Павлодарлықтардың статистикадағы айқын басымдығына қарамастан, «Қайрат-Жастарды» оңай шағылар жаңғақ деп айтуға келмейді. Сондықтан Алматыдағы «Қайрат-Жастар» мен Ertis матчы тартысты өтуі тиіс. Бұл матчтың 15-турдағы орталық ойын екені сөзсіз.
Екі ұжым осыған дейін төрт рет жолығыпты. Бірақ соның үшеуі кубок жолындағы бәсеке екен. Ол кезде Павлодар командасы Премьер-лигада ғана ойнап қоймай, көшбасшылар қатарында болған.
Ал Бірінші лига аясындағы жалғыз кездесу биылғы жылдың 25 сәуірінде Павлодарда өтті. Ол матч тартысқа толы болған. Ertis екінші минутта гол соғып, сол басымдықты кездесу соңына дейін ұстап тұрған еді. «Қайрат» жастары сол матчта бір ойыншыға кем ойнады. Соған қарамастан есепті теңестіруге тырысты.
Бұл жолы өз алаңында ойнайтын Алматы командасы лигада жоғары орындарға таласып жүрген мықты қарсыласқа лайықты қарсылық көрсетеді дегенге күмән жоқ.
«Оңтүстік» (Шымкент) – «Каспий» (Ақтау)
Басталуы: 17:00
Өтетін орны: «Намыс» стадионы (Шымкент)
Жеке кездесулер тарихы:
– Ойын саны: 4
– «Оңтүстіктің» жеңісі: 0
– «Каспийдің» жеңісі: 3
– Тең ойындар: 1
Бұл матчтың фавориті кім екені анық сияқты. «Каспий» турнир кестесінде жеке-дара көш бастап тұр, ал «Оңтүстік» болса, кестенің орта тұсында орналасқан.
«Теңізшілердің» Шымкентке тек жеңіс үшін келетіндері сөзсіз. Алайда жеңісті алдын ала жоспарлап қою – өте қауіпті.
Алаң иелері соңғы үш турда жеті ұпай жинаған. Сондықтан жеңіліссіз ойындар сериясын тоқтатпауды қалайды.
Сонымен қатар, биылғы маусымда «Оңтүстік» пен «Каспий» Қазақстан Кубогының іріктеу кезеңінде кездесіп, шымкенттіктер тек пенальти сериясында ғана есе жіберген болатын. Бұл жолы да оңай матч болмайтыны анық.
25 шілде
«Шахтер» (Қарағанды) – «Хан-Тәңірі» (Алматы)
Басталуы: 17:00
Өтетін орны: «Шахтер» стадионы (Қарағанды)
Жеке кездесулер тарихы:
– Ойын саны: 1
– «Шахтердің» жеңісі: 1
– «Хан-Тәңірінің» жеңісі: 0
– Тең ойындар: 0
Бұл екі команданың жалғыз өзара кездесуі биылғы біріншіліктің бірінші айналымында өткен. «Шахтер» Алматыда біраз әбігерге түскен еді. Матчтағы жалғыз жеңіс голын «Хан Тәңірінің» бір футболшысы алаңнан қуылғанда ғана соқты.
«Шахтер» кризистен қайта шыға бастағандай. Бұған дейін сырт алаңда SD Family клубын жеңіп, жанкүйерлерін бір серпілтті. Қарсылас болса, соңғы төрт ойында бірде-бір ұпай жинаған жоқ, тіпті бірде-бір гол да соқпады.
«Жетісай» (Жетісай) – «Түркістан» (Түркістан)
Басталуы: 17:00
Өтетін орны: «Орталық» стадион (Жетісай)
Жеке кездесулер тарихы:
– Ойын саны: 4
– «Жетісайдың» жеңісі: 3
– «Түркістанның» жеңісі: 1
– Тең ойындар: 0
Бір облыстың екі клубы жолығады. «Жетісай» кез келген фавориттің жүйкесіне ши жүгірте алатын команда ретінде өзін дәлелдеген. Ал турнир кестесінің соңында тұрған команда туралы не айтуға болады?
«Түркістанға» бұл матчта ұпай еншілеу өте қиын. Оның үстіне, олар «Жетісайдың» алаңынан екі рет ойнап, екеуінде де бос кеткен.
Дегенмен, оңтүстік өңір командалары арасындағы кездесулер көбіне тосын нәтижелерге толы болып жатады. Бәлкім, бұл жолы да күтпеген жаңалықтар орын алар?
«Алтай» (Өскемен) – «Тараз» (Тараз)
Басталуы: 17:00
Өтетін орны: «Восток» стадионы (Өскемен)
Жеке кездесулер тарихы:
– Ойын саны: 7
– «Алтайдың» жеңісі: 1
– «Тараздың» жеңісі: 3
– Тең ойындар: 3
«Алтай» биылғы маусымдағы еңі ірі жеңілісі Тараздағы ойында тіркелген. Сырт алаңда қарсыласынан оңбай ұтылған. Бірақ содан бері жамбылдықтар небәрі бір мәрте жеңіске жетіп, турнир кестесінің төменгі бөлігінде орнығып қалды.
«Алтай» болса, Премьер-лигаға шығу үшін жанталасып жатыр. Қазіргі таңда олар «Шахтермен» үшінші орынды бөлісіп тұр.
Сондықтан өскемендік футболшыларға бұл ойында қосымша мотивация іздеудің қажеті жоқ. Олар бәсекелестерінен қалып қоймауға тиіс. Оның үстіне, реванш алуға деген тілек те айқын.
Дегенмен, «Алтай» бұған дейін өз алаңында әлсіздеу қарсыластардан бірнеше рет ұпай жоғалтқан. Сондықтан Шығыс Қазақстан клубына бұл жолы қарсыласын ешбір жағдайда менсінбей қарауға болмайды.
AKAS (Алматы) – SD Family (Астана)
Басталуы: 19:00
Өтетін орны: «Жас Қыран» стадионы (Алматы)
Жеке кездесулер тарихы:
– Ойын саны: 1
– AKAS жеңісі: 0
– SD Family жеңісі: 1
– Тең ойындар: 0
Чемпионаттың басында астаналық команда алматылықтарды 1:0 есебімен жеңген болатын. Алайда қарымта кездесу алдында AKAS турнир кестесінде SD Family клубынан алты ұпайға және төрт сатыға жоғары орналасқан.
Дегенмен, бұл матчтың фаворитін анықтау өте қиын, себебі ойын екі команда үшін де дерлік өз алаңындағыдай өтеді. Бірінші лиганың дебютанты да, Астанадан келген ұжым да биылғы маусымда өз ойындарын Алматыдағы «Жас Қыран» стадионында өткізуде.
Қалай десек те, матч қызықты болуы тиіс.