7–9 шілде аралығында футболдан Қазақстан чемпионатының Екінші лигасы командалары арасындағы 12-тур ойындары өтті. Елорда дербиінде күтпеген нәтиже тіркелді, Қарсыластарына ұпай ұстатпай келе жатқан «Астана-Ж» биыл алғаш рет жеңіске жете алмады.
Матчтардың нәтижесі:
«Солтүстік-Шығыс» конференциясы
«Тобыл-Ж» – «Қызылжар-Ж» – 1:1
«Астана-Ж» – «Жеңіс-Ж» – 3:3
«Оқжетпес-Ж» – «Елім-ай-Ж» – 1:1
SD Family-Ж – «Шахтер-Ж» – 0:1
«Жетісу-Ж» – «Ұлытау-Ж» – 12:1
Тур «Тобыл-Ж» мен «Қызылжар-Ж» жастары арасындағы матчпен басталды.
Ойын жұма күні Қостанайда өтті. Кездесуге дейін бұл екі команда турнир кестесінде қатар тұрған болатын, ойыннан кейін де сол орындарын сақтап қалды. Матч 1:1 есебімен тең аяқталды.
Ал турдың екінші күнінде нағыз сенсацияға куә болдық. «Астана-Ж» бұған дейін барлық он ойында жеңіске жетіп, ұпай жоғалтпаған еді. Оның үстіне, бұл жеңістердің сегізі – ірі есеппен аяқталған. Алайда «Жеңіс» жастарымен өткен елорда дербиінде көшбасшының ойлағанының бәрі бірдей бола бермеді.
Ойын басында-ақ «Астана-Ж» бір ойыншысынан айырылып, аз құраммен қалды. Екінші таймның басында «Жеңіс» сан басымдығын тиімді пайдаланып, есепті ашты. Бірақ ойынның ең қызған сәті соңғы минуттарға тұспа-тұс келді.
12 минут ішінде:
«Астана-Ж» алға шықты,
кейін өз қақпасына гол соғып алды,
«Жеңіс» тағы да алға шықты,
соңында «Астана» есепті теңестірді.
Нәтижесінде — 3:3 есебімен өте тартысты, драмалық тең ойын тіркелді. Үш ұпай алмаса да «Астана-Ж» бәрібір де турнир кестесіндегі бірінші орнын сақтап қалды. Ал «Жеңіс» жастар командасы үшін бұл ойын жігіттердің рухын көтеріп, сенімділік берді.
«Оқжетпес-Ж» конференция көшбасшыларының бірі «Елімай-Ж» командасына лайықты қарсылық көрсетті.
Көкшетаулықтар турнирлік кестеде әлдеқайда жоғары тұрған семейліктерден ұпай еншілей алды. Матч 1:1 есебімен тең нәтиже аяқталды. Сөйтіп «Елімай» жастары елорда командасының ұпай жоғалтқанын тиімді пайдалана алмады.
«Шахтер-Ж» сырт алаңда «Солтүстік-шығыс» аймағының аутсайдері – SD Family-Ж командасын жеңіп кетті.
Қарағандылықтарға жеңіс әкелген жалғыз голды Ансар Есімғали бірінші таймның соңына таман соқты. Ойын оңай болмағанымен, маңызды үш ұпай «Шахтер-Ж»-ның еншісінде.
Ал «Жетісу-Ж» мен «Ұлытау-Ж» арасындағы матч нағыз гол шоуына айналды!
Талдықорғандық жастар қарсыластың қақпасына 12 (!) гол соқты. Рас, олардың бірі – автогол, ал жезқазғандықтар да бір мәрте жауап бере алды. Қорытынды есеп – 12:1. Бұл – маусымдағы ең ірі жеңіс.
Шыңғыс Ануарбек бұл ойында хет-трик авторы атанды.
«Оңтүстік-Батыс» конференциясы
«Ордабасы-Ж» – «Атырау- Ж» – 5:2
«Каспий- Ж» – «Талас» – 1:1
«Жас-Қыран» – Джейран – 7:3
«Мақтаарал» – «Арыс» – 0:2
«Қайсар- Ж» – «Тұран- Ж» – 1:1
«Ордабасы» мен «Атырау» жастар командалары Шымкентте тартысты кездесу өткізді. Алғашқы тайм ойынның көп гол соғылатын матч болатынын немесе «мұнайшылардың» ірі жеңілісін мүлде аңғартпаған еді. Қонақтар есеп ашты, ал алаң иелері үзіліске дейін таразы басын теңестіріп үлгерді. Алайда екінші таймның ортасында шымкенттіктер 13 минуттың ішінде төрт мәрте дәл соққымен көзге түсті. Тек осы басымдық айқын болған соң ғана атыраулықтар есеп айырмасын қысқарта алды. Тағы бір айта кететін жайт, «мұнайшылар» ойынды толық құрамда аяқтай алмады. Қосымша уақытта Бейбіт Кереев екінші сары қағаз алып, алаңнан қуылды.
«Каспий-Ж» өз алаңында «Таласты» қабылдап, алғашқы таймның ортасында есеп ашты. Үзілістен кейін бірден қонақтар таразы басын теңестірді, ал көп ұзамай «Каспийдің» бір ойыншысы қуылды. Алайда қонақтар бұл басымдықты пайдалана алмады. Актаулықтар бір ойыншыға аз ойнаса да, тең нәтижені сақтап қалды.
Jeyran командасы биылғы маусымда алғаш рет үш гол соқты. Бірақ бұл да ірі жеңілістен құтқара алмады. Алматылық дербиде Екінші лиганың дебютанты тәжірибелі «Жас Қыранға» қарсы тұра алмады. Асхат Қадырқұлов шәкірттері жеті голмен жауап беріп, қарсыласын 7:3 есебімен ойсырата жеңді. Бұл жеңіс «Жас Қыранды» «Оңтүстік-батыс» конференциясының уақытша көшбасшысына айналдырды. Ал Jeyran болса әлі күнге дейін бірінші ұпайын ала алмай жүр.
Дегенмен, «Жас Қыранның» турнир кестесінің бірінші орында тұрған уақыты ұзаққа созылмады, Бұл мәртебе «Мақтаарал» мен «Арыс» арасындағы матч аяқталғанша ғана сақталды. «Мақтаарал» бір сағат бойы қонақтармен тең дәрежеде ойнап келді, бірақ төрт минут ішінде екі гол өткізіп алды. «Арыс» 2:0 есебімен жеңіп, қайтадан алматылықтарды басып озды.
12-турдың соңғы ойыны Қызылордада өтті. Жергілікті «Қайсар-Ж» «Тұран-Ж» командасын қабылдады. Қызылордалықтар бірінші таймда есеп ашты, ал екінші таймның басында қонақтар есепті теңестірді. Одан кейінгі он минутта «Тұран» сан басымдығына ие болды, бірақ оны пайдаланып, жеңісті жұлып әкете алмады . Сөйтіп матч 1:1 есебімен тең аяқталды.
Екінші лиганың 13-тур ойындары 15 және 16 шілде күндері өтеді.
Матчтардың нәтижесі:
«Солтүстік-Шығыс» конференциясы
«Тобыл-Ж» – «Қызылжар-Ж» – 1:1
«Астана-Ж» – «Жеңіс-Ж» – 3:3
«Оқжетпес-Ж» – «Елім-ай-Ж» – 1:1
SD Family-Ж – «Шахтер-Ж» – 0:1
«Жетісу-Ж» – «Ұлытау-Ж» – 12:1
Тур «Тобыл-Ж» мен «Қызылжар-Ж» жастары арасындағы матчпен басталды.
Ойын жұма күні Қостанайда өтті. Кездесуге дейін бұл екі команда турнир кестесінде қатар тұрған болатын, ойыннан кейін де сол орындарын сақтап қалды. Матч 1:1 есебімен тең аяқталды.
Ал турдың екінші күнінде нағыз сенсацияға куә болдық. «Астана-Ж» бұған дейін барлық он ойында жеңіске жетіп, ұпай жоғалтпаған еді. Оның үстіне, бұл жеңістердің сегізі – ірі есеппен аяқталған. Алайда «Жеңіс» жастарымен өткен елорда дербиінде көшбасшының ойлағанының бәрі бірдей бола бермеді.
Ойын басында-ақ «Астана-Ж» бір ойыншысынан айырылып, аз құраммен қалды. Екінші таймның басында «Жеңіс» сан басымдығын тиімді пайдаланып, есепті ашты. Бірақ ойынның ең қызған сәті соңғы минуттарға тұспа-тұс келді.
12 минут ішінде:
«Астана-Ж» алға шықты,
кейін өз қақпасына гол соғып алды,
«Жеңіс» тағы да алға шықты,
соңында «Астана» есепті теңестірді.
Нәтижесінде — 3:3 есебімен өте тартысты, драмалық тең ойын тіркелді. Үш ұпай алмаса да «Астана-Ж» бәрібір де турнир кестесіндегі бірінші орнын сақтап қалды. Ал «Жеңіс» жастар командасы үшін бұл ойын жігіттердің рухын көтеріп, сенімділік берді.
«Оқжетпес-Ж» конференция көшбасшыларының бірі «Елімай-Ж» командасына лайықты қарсылық көрсетті.
Көкшетаулықтар турнирлік кестеде әлдеқайда жоғары тұрған семейліктерден ұпай еншілей алды. Матч 1:1 есебімен тең нәтиже аяқталды. Сөйтіп «Елімай» жастары елорда командасының ұпай жоғалтқанын тиімді пайдалана алмады.
«Шахтер-Ж» сырт алаңда «Солтүстік-шығыс» аймағының аутсайдері – SD Family-Ж командасын жеңіп кетті.
Қарағандылықтарға жеңіс әкелген жалғыз голды Ансар Есімғали бірінші таймның соңына таман соқты. Ойын оңай болмағанымен, маңызды үш ұпай «Шахтер-Ж»-ның еншісінде.
Ал «Жетісу-Ж» мен «Ұлытау-Ж» арасындағы матч нағыз гол шоуына айналды!
Талдықорғандық жастар қарсыластың қақпасына 12 (!) гол соқты. Рас, олардың бірі – автогол, ал жезқазғандықтар да бір мәрте жауап бере алды. Қорытынды есеп – 12:1. Бұл – маусымдағы ең ірі жеңіс.
Шыңғыс Ануарбек бұл ойында хет-трик авторы атанды.
«Оңтүстік-Батыс» конференциясы
«Ордабасы-Ж» – «Атырау- Ж» – 5:2
«Каспий- Ж» – «Талас» – 1:1
«Жас-Қыран» – Джейран – 7:3
«Мақтаарал» – «Арыс» – 0:2
«Қайсар- Ж» – «Тұран- Ж» – 1:1
«Ордабасы» мен «Атырау» жастар командалары Шымкентте тартысты кездесу өткізді. Алғашқы тайм ойынның көп гол соғылатын матч болатынын немесе «мұнайшылардың» ірі жеңілісін мүлде аңғартпаған еді. Қонақтар есеп ашты, ал алаң иелері үзіліске дейін таразы басын теңестіріп үлгерді. Алайда екінші таймның ортасында шымкенттіктер 13 минуттың ішінде төрт мәрте дәл соққымен көзге түсті. Тек осы басымдық айқын болған соң ғана атыраулықтар есеп айырмасын қысқарта алды. Тағы бір айта кететін жайт, «мұнайшылар» ойынды толық құрамда аяқтай алмады. Қосымша уақытта Бейбіт Кереев екінші сары қағаз алып, алаңнан қуылды.
«Каспий-Ж» өз алаңында «Таласты» қабылдап, алғашқы таймның ортасында есеп ашты. Үзілістен кейін бірден қонақтар таразы басын теңестірді, ал көп ұзамай «Каспийдің» бір ойыншысы қуылды. Алайда қонақтар бұл басымдықты пайдалана алмады. Актаулықтар бір ойыншыға аз ойнаса да, тең нәтижені сақтап қалды.
Jeyran командасы биылғы маусымда алғаш рет үш гол соқты. Бірақ бұл да ірі жеңілістен құтқара алмады. Алматылық дербиде Екінші лиганың дебютанты тәжірибелі «Жас Қыранға» қарсы тұра алмады. Асхат Қадырқұлов шәкірттері жеті голмен жауап беріп, қарсыласын 7:3 есебімен ойсырата жеңді. Бұл жеңіс «Жас Қыранды» «Оңтүстік-батыс» конференциясының уақытша көшбасшысына айналдырды. Ал Jeyran болса әлі күнге дейін бірінші ұпайын ала алмай жүр.
Дегенмен, «Жас Қыранның» турнир кестесінің бірінші орында тұрған уақыты ұзаққа созылмады, Бұл мәртебе «Мақтаарал» мен «Арыс» арасындағы матч аяқталғанша ғана сақталды. «Мақтаарал» бір сағат бойы қонақтармен тең дәрежеде ойнап келді, бірақ төрт минут ішінде екі гол өткізіп алды. «Арыс» 2:0 есебімен жеңіп, қайтадан алматылықтарды басып озды.
12-турдың соңғы ойыны Қызылордада өтті. Жергілікті «Қайсар-Ж» «Тұран-Ж» командасын қабылдады. Қызылордалықтар бірінші таймда есеп ашты, ал екінші таймның басында қонақтар есепті теңестірді. Одан кейінгі он минутта «Тұран» сан басымдығына ие болды, бірақ оны пайдаланып, жеңісті жұлып әкете алмады . Сөйтіп матч 1:1 есебімен тең аяқталды.
Екінші лиганың 13-тур ойындары 15 және 16 шілде күндері өтеді.