«Тобыл» әйелдер командасының бас бапкері Виктор Чечет KFF League сайтына берген сұхбатында Қостанайдағы әйелдер футболының дамуы және әйелдер мен ерлер футболындағы ойын ерекшеліктері туралы айтты.
– Виктор Владимирович, 12-турда «Жетісумен» өткен ойындағы сенімді жеңіспен құттықтаймыз! Талдықорғандық командамен өткен ойындағы табыстың негізгі факторларын атап өтсеңіз.
– Рақмет. Бұл – қыздардың алаңдағы тәртіп пен тапсырманы нақты орындауының нәтижесі. Біз матчқа жақсы дайындалдық, қарсыласымыздың әлсіз тұстарын талдап, өз ойынымызды сенімді түрде жүргізе білдік. Алғашқы таймда-ақ басымдықты өз қолымызға алдық, бұл әрі қарай матчтың барысын бақылауда ұстауға көмектесті.
Әрине, «Тобыл» сапындағы өзгерістерді де атап өту керек – құрамымызға тәжірибелі ойыншылар қосылды. командада қажетті баланс пайда болды. Енді ойын тағдырын жаңа ойыншылар арқылы да өзгертуге мүмкіндік бар.
Бірақ тағы да қайталап айтқым келеді: бұл жеңіс, ең алдымен, ойыншылардың жанкешті еңбегінің арқасы. Бірінші таймда екі гол соқтық, тағы да бірнеше гол салуға болар еді. Әзірге бізге сәл-пәл мүмкіндіктерді іске асыру жетіспей тұр.
Әрине, бастысы үш ұпай қалтамызда. Өз қақпамызға гол өткізбедік. Алда «Тобылды» екі сырт алаңдағы қиын матч күтіп тұр. Ол ойындардан да ұпай алуға тырысамыз.
– Қостанай футболы деген бірінші кезекте «Тобылдың» ерлер құрамасы еске түседі. Қалада әйелдер командасы қаншалықты танымал? Өз жанкүйерлері пайда болды ма?
– Иә, Қостанайда әйелдер футболы әлі жаңа бағыт. 2019 жылы барлық футбол орталықтары жанынан қыздарға арналған бөлімшелер ашыла бастады. Сол кезде біз алғаш рет қыздар арасындағы жарыстарға – дәлірек айтқанда, футбол орталықтары командалары арасындағы чемпионатқа қатыстық. Осыған дейін солай жүрдік.
Ал биыл толыққанды ересектер арасындағы кәсіби команда құрылды. Біздің команданың негізгі құрамын осыдан алты жыл бұрын клубқа келген қыздар құрап отыр. Әрине, уақыт өте келе қатарымызға жаңадан қосылғандар болды, сондай-ақ бұған дейін балалар мен жасөспірімдер спорт мектебінде (ДЮСШ) ойнаған жасы үлкендеу футболшы қыздарды да шақырдық.
Тек қана жергілікті ойыншыларға сенім артамыз деуге болмайды – бізде басқа қалалардан келген қыздар да бар. Бірінші айналымда алтауы болды, қазір тағы екі ойыншы қосылды. Яғни біз құрамды нақты бағытта күшейтуге тырысамыз. Бірақ соған қарамастан, клубта алғаш футбол орталығынан бастап өскен жергілікті қыздарға сенім артып, оларға көбірек ойын тәжірибесін беруге тырысамыз.
Қостанайда әйелдер футболы қаншалықты танымал дегенге келсек, матчтарға ата-аналар, туыстар, достар, таныстар келіп, қолдау көрсетіп тұрады. Бізге «Тобылдың» фан-секторы да қолдау білдіреді, жігіттер арнайы келіп жанкүйер болады – оларға үлкен рақмет! Уақыт өте келе жанкүйерлеріміздің қатары көбейе түседі деген үміттеміз.
– Сіз ерлер командасымен жұмыс істеп көрдіңіз бе? Ал егер ондай тәжірибеңіз болса, қыздардың жаттықтыруыңыздың қандай да бір ерекшелігі бар ма?
– Ерлер командасында жұмыс істеген жоқпын. Бұған дейін тек 15–16 жастағы ұлдарды жаттықтырдым. Сосын жаңадан бейімделіп, 2009 жылы әйелдер командасына көмекші бапкер ретінде шақырылдым. Міне, осы уақыттан бері арулармен ғана жұмыс істеп жүрмін.
Бір кезде институт командасында еңбек еттім. Ал футбол орталығы ашылған соң «Тобылға» келдім. Бастапқыда жасөспірім қыздарды жаттықтырдым, кейін біртіндеп ересектер командасына дейін жеттім. Айта кету керек, қазіргі ересек команданың негізін футбол орталығында жұмыс істеген қыздар құрап отыр.
Ал ерекшелігіне келсек, меніңше, қыздар командасы – шыдамды, еңбекқор, табанды. Мысалы, жігіттерде бірдеңе шықпай жатса, футболды тастап кетуі мүмкін, ал қыздар керісінше, соңына дейін тырысады. Техникалық жағынан әлсіздеу болса да, оны мінезбен, қайсарлықпен толықтыра алады.
– Ал енді алдыңғы сұрақты жалғастыра отырып, әйелдер футболы мен ерлер футболының басты айырмашылықтарын атап өтсеңіз.
– Ең алдымен, бұл – жылдамдық. Қыздардың үйлесімді қимыл-қозғалысы ерлерге қарағанда әлдеқайда баяу. Тағы бір айырмашылық – техника. Бұл көбінесе қыз балалардың футболға кешірек келетіндігіне байланысты. Олар 12, 14, тіпті 17 жастан бастап жаттығуға қосылады. Ал ұлдар футболмен 5–6 жастан айналыса бастайды, кейде жекеменшік мектептерде 3–4 жастан бастап та үйретеді. Бірақ ойлау қабілеті жағынан қыздар кейде ұлдардан да асып түседі.
– «Тобыл» футболшы қыздарының қандай да бір спорттық армандары бар ма? Футболшы аруларымыз жоспарларымен сізбен бөлісе ме?
– Әрине, әрбір футболшы қыз ұлттық құраманың жейдесін киюді армандайды. Сонымен қатар, Қазақстаннан әйелдер арасындағы Чемпиондар лигасына екі команда қатысатынын ескерсек, олар да өздерін осы турнирде сынап көргісі келеді. Бірақ ол үшін алдымен ел чемпионатында жүлдегер атануымыз қажет.
– Виктор Владимирович, 12-турда «Жетісумен» өткен ойындағы сенімді жеңіспен құттықтаймыз! Талдықорғандық командамен өткен ойындағы табыстың негізгі факторларын атап өтсеңіз.
– Рақмет. Бұл – қыздардың алаңдағы тәртіп пен тапсырманы нақты орындауының нәтижесі. Біз матчқа жақсы дайындалдық, қарсыласымыздың әлсіз тұстарын талдап, өз ойынымызды сенімді түрде жүргізе білдік. Алғашқы таймда-ақ басымдықты өз қолымызға алдық, бұл әрі қарай матчтың барысын бақылауда ұстауға көмектесті.
Әрине, «Тобыл» сапындағы өзгерістерді де атап өту керек – құрамымызға тәжірибелі ойыншылар қосылды. командада қажетті баланс пайда болды. Енді ойын тағдырын жаңа ойыншылар арқылы да өзгертуге мүмкіндік бар.
Бірақ тағы да қайталап айтқым келеді: бұл жеңіс, ең алдымен, ойыншылардың жанкешті еңбегінің арқасы. Бірінші таймда екі гол соқтық, тағы да бірнеше гол салуға болар еді. Әзірге бізге сәл-пәл мүмкіндіктерді іске асыру жетіспей тұр.
Әрине, бастысы үш ұпай қалтамызда. Өз қақпамызға гол өткізбедік. Алда «Тобылды» екі сырт алаңдағы қиын матч күтіп тұр. Ол ойындардан да ұпай алуға тырысамыз.
– Қостанай футболы деген бірінші кезекте «Тобылдың» ерлер құрамасы еске түседі. Қалада әйелдер командасы қаншалықты танымал? Өз жанкүйерлері пайда болды ма?
– Иә, Қостанайда әйелдер футболы әлі жаңа бағыт. 2019 жылы барлық футбол орталықтары жанынан қыздарға арналған бөлімшелер ашыла бастады. Сол кезде біз алғаш рет қыздар арасындағы жарыстарға – дәлірек айтқанда, футбол орталықтары командалары арасындағы чемпионатқа қатыстық. Осыған дейін солай жүрдік.
Ал биыл толыққанды ересектер арасындағы кәсіби команда құрылды. Біздің команданың негізгі құрамын осыдан алты жыл бұрын клубқа келген қыздар құрап отыр. Әрине, уақыт өте келе қатарымызға жаңадан қосылғандар болды, сондай-ақ бұған дейін балалар мен жасөспірімдер спорт мектебінде (ДЮСШ) ойнаған жасы үлкендеу футболшы қыздарды да шақырдық.
Тек қана жергілікті ойыншыларға сенім артамыз деуге болмайды – бізде басқа қалалардан келген қыздар да бар. Бірінші айналымда алтауы болды, қазір тағы екі ойыншы қосылды. Яғни біз құрамды нақты бағытта күшейтуге тырысамыз. Бірақ соған қарамастан, клубта алғаш футбол орталығынан бастап өскен жергілікті қыздарға сенім артып, оларға көбірек ойын тәжірибесін беруге тырысамыз.
Қостанайда әйелдер футболы қаншалықты танымал дегенге келсек, матчтарға ата-аналар, туыстар, достар, таныстар келіп, қолдау көрсетіп тұрады. Бізге «Тобылдың» фан-секторы да қолдау білдіреді, жігіттер арнайы келіп жанкүйер болады – оларға үлкен рақмет! Уақыт өте келе жанкүйерлеріміздің қатары көбейе түседі деген үміттеміз.
– Сіз ерлер командасымен жұмыс істеп көрдіңіз бе? Ал егер ондай тәжірибеңіз болса, қыздардың жаттықтыруыңыздың қандай да бір ерекшелігі бар ма?
– Ерлер командасында жұмыс істеген жоқпын. Бұған дейін тек 15–16 жастағы ұлдарды жаттықтырдым. Сосын жаңадан бейімделіп, 2009 жылы әйелдер командасына көмекші бапкер ретінде шақырылдым. Міне, осы уақыттан бері арулармен ғана жұмыс істеп жүрмін.
Бір кезде институт командасында еңбек еттім. Ал футбол орталығы ашылған соң «Тобылға» келдім. Бастапқыда жасөспірім қыздарды жаттықтырдым, кейін біртіндеп ересектер командасына дейін жеттім. Айта кету керек, қазіргі ересек команданың негізін футбол орталығында жұмыс істеген қыздар құрап отыр.
Ал ерекшелігіне келсек, меніңше, қыздар командасы – шыдамды, еңбекқор, табанды. Мысалы, жігіттерде бірдеңе шықпай жатса, футболды тастап кетуі мүмкін, ал қыздар керісінше, соңына дейін тырысады. Техникалық жағынан әлсіздеу болса да, оны мінезбен, қайсарлықпен толықтыра алады.
– Ал енді алдыңғы сұрақты жалғастыра отырып, әйелдер футболы мен ерлер футболының басты айырмашылықтарын атап өтсеңіз.
– Ең алдымен, бұл – жылдамдық. Қыздардың үйлесімді қимыл-қозғалысы ерлерге қарағанда әлдеқайда баяу. Тағы бір айырмашылық – техника. Бұл көбінесе қыз балалардың футболға кешірек келетіндігіне байланысты. Олар 12, 14, тіпті 17 жастан бастап жаттығуға қосылады. Ал ұлдар футболмен 5–6 жастан айналыса бастайды, кейде жекеменшік мектептерде 3–4 жастан бастап та үйретеді. Бірақ ойлау қабілеті жағынан қыздар кейде ұлдардан да асып түседі.
– «Тобыл» футболшы қыздарының қандай да бір спорттық армандары бар ма? Футболшы аруларымыз жоспарларымен сізбен бөлісе ме?
– Әрине, әрбір футболшы қыз ұлттық құраманың жейдесін киюді армандайды. Сонымен қатар, Қазақстаннан әйелдер арасындағы Чемпиондар лигасына екі команда қатысатынын ескерсек, олар да өздерін осы турнирде сынап көргісі келеді. Бірақ ол үшін алдымен ел чемпионатында жүлдегер атануымыз қажет.