28-29 маусым күндері Қазақстан Премьер-лигасының 14-туры өтеді. Чемпионат экваторынан асты, сөйтіп екінші айналым басталады.
28 маусым
«Ұлытау» (Жезқазған) – «Жетісу» (Талдықорған)
Басталуы: 17:00
Өтетін орны: «Металлург» стадионы (Жезқазған қ.)
Жеке кездесулер тарихы:
Ойындар саны – 1
«Ұлытаудың» жеңісі– 0
«Жетісудың» жеңісі– 0
Тең нәтижелер – 1
Бұл командалар алғаш рет 2025 жылғы ҚПЛ-дің екінші турында кездескен еді. Наурызда Талдықорғанда өткен матч 0:0 есебімен тең аяқталған. Сөйтіп «Ұлытау» Премьер-лигадағы алғашқы ұпайын еншілеген болатын. Енді өз алаңында өтетін ойында жезқазғандықтар «Жетісудан» екі саты жоғары тұр және сонша ұпай артық жинаған. «Ұлытаудың» қатарынан төрт ойын бойы жеңілмеген сериясы бар, ал «Жетісу» үш тур қатарынан үш ұпай ала алмай жүр. Иван Азовскийдің командасын бұл кездесудің фавориті деуге болады. Дегенмен, талдықорғандықтардың ұпай айырмашылығы тым үлкен емес, ал сырт алаңда жеңіске жетсе, олар «Ұлытауды» басып озады.
«Атырау» (Атырау) – «Оқжетпес» (Көкшетау)
Басталуы: 18:00
Өтетін орны: «Мұнайшы» стадионы (Атырау қ.)
Жеке кездесулер тарихы:
Ойындар саны – 37
«Атыраудың» жеңісі– 21
«Оқжетпестің» жеңісі– 11
Тең нәтижелер – 5
Қазіргі таңда «Атырау» үшін әр матч – финал іспетті. Турнир кестесіндегі жағдайы өте қиын, бірақ үміт үзілді деуге келмес. Олар қалған 11 матчта барынша тырысып көреді. Бұл жолы Көкшетаудың «Оқжетпес» клубымен маңызды ойын. Көктемде жарқ еткен бұл ұжым жаз басталғалы бәсеңдеп, соңғы екі ойында жеңіліп қалды. Бұған қоса, екі команда арасындағы тарих та «Атыраудың» пайдасына: олар қарсыласынан екі есе көп жеңіске жеткен. Дегенмен, соңғы жылдары «Оқжетпес» жақсы қарқын көрсетіп, кейінгі алты ойында «Атырауға» жеңілмей келеді. Былтырғы маусымда Атырауда өткен кездесу 0:4 есебімен аяқталып, алаң иелері ойсырай жеңілген болатын.
29 маусым
«Тұран» (Түркістан) – «Ақтөбе» (Ақтөбе)
Басталуы: 18:00
Өтетін орны: «Түркістан Арена» (Түркістан қ.)
Жеке кездесулер тарихы:
Ойындар саны – 9
«Тұранның» жеңісі– 1
«Ақтөбенің» жеңісі– 8
Тең нәтижелер – 0
«Ақтөбе» қиын кезеңге тап болды. Соңғы төрт турда бірде-бір ойында жеңіске жете алмай келеді. Тек бір ұпай еншілеп, турнир кестесінде төртінші орынға сырғыды. Бұл тығырықтан шығу үшін Игорь Левщук шәкірттеріне «Тұраннан» қолайлы қарсылас табу қиын. Ақтөбеліктер Түркістанда өткен төрт матчтың бәрінде де жеңіске жеткен. Алайда, «Тұран» да жағдайды түзетуі тиіс. Команда 10 мамырдан бері ұпай ала алмай келеді, ал «Ақтөбеден» жеңілсе, ҚПЛ-ден түсіп қалу қаупі төнеді.
«Тобыл» (Қостанай) – «Жеңіс» (Астана)
Басталуы: 20:00
Өтетін орны: «Орталық» стадион (Қостанай қ.)
Жеке кездесулер тарихы:
Ойындар саны – 41
«Тобылдың» жеңісі– 14
«Жеңістің» жеңісі– 18
Тең нәтижелер – 9
25 маусымда бұл командалар Қазақстан кубогының жартылай финалында Қостанайда кездесіп, «Тобыл» 2:1 есебімен жеңіске жетті. Бірақ матч олар үшін қиынға соқты. Айтпақшы, Қостанай командасы «Жеңіс» Премьер-лигаға оралғаннан кейін оларды алғаш рет жеңіп отыр. Дегенмен, жалпы статистикада астаналықтар әлі де басым. Сонымен қатар, Премьер-лигада да «Жеңіс» биыл да, былтыр да «Тобылдан» жеңілген жоқ. Астаналықтар чемпионаттағы алғашқы жеңістерін ұзақ күткен. Дегенмен Түркістанда «Тұранды», кейін өз алаңында «Атырауды» жеңіп, жағдайларын біраз реттеп алды. Сондықтан Қостанайдағы матч та өте тартысты өтетіні анық.
«Қайсар» (Қызылорда) – «Елімай» (Семей)
Басталуы: 20:00
Өтетін орны: Ғани Мұратбаев атындағы стадион (Қызылорда қ.)
Жеке кездесулер тарихы:
Ойындар саны – 3
«Қайсардың» жеңісі– 1
«Елімайдың» жеңісі– 2
Тең нәтижелер – 0
«Елімай» Премьер-лигаға оралғалы бері бұл екі команда үш рет кездескен. Қызығы – әр матчта алаң иесі жеңіске жеткен. Былтырғы жылы семейлік ұжым Қызылордаға келген сапарында есе жіберді. Олар алғашқы минуттарда есеп ашқанымен, көп ұзамай «Қайсар» таразы басын теңестірді. Одан кейін Қызылорда клубының бір футболшысы қуылған. Бірақ соған қарамастан қонақтар мүмкіндікті мүлт жіберді. Оның үстіне, қосымша уақытта тағы бір гол өткізіп, матчта жеңіліп қалды. Биылғы кездесу қалай өрбитіні көбісіне қызық. Жанкүйерлер ойынды тағатсыз күтуде.
«Ордабасы» (Шымкент) – «Қайрат» (Алматы)
Басталуы: 20:00
Өтетін орны: Қажымұқан Мұңайтпасов атындағы стадион (Шымкент қ.)
Жеке кездесулер тарихы:
Ойындар саны – 84
«Ордабасының» жеңісі– 25
«Қайраттың» жеңісі– 36
Тең нәтижелер – 23
Бұл турдың басты матчы деуге болады! Соңғы екі маусымның чемпиондары Шымкентте кездеседі. Айта кетейік, бұл командалар биыл да осы қалада – Қазақстан кубогында – жолыққан болатын. Мамырдағы ширек финалдық ойында «Ордабасы» 1:0 есебімен жеңіске жеткен. Енді «Қайрат» чемпионатта қарымта қайтаруға тырысады, бірақ Шымкентте жеңіске жету оларға оңай соқпайды. Соңғы алты сырт алаңдағы кездесудің төртеуінде «Ордабасы» басым түскен. Тек екеуі ғана алматылықтардың пайдасына аяқталған. «Қайрат» көш бастап келе жатқан «Астананы» қуып жетуді көздейді, сондықтан олар үшін бұл матчтағы ұпай өте маңызды. Бірақ «Ордабасының» да өз жоспары бар.
«Астана» (Астана) – «Қызылжар» (Петропавл)
Басталуы: 20:00
Өтетін орны: «Астана Арена» (Астана қ.)
Жеке кездесулер тарихы:
Ойындар саны – 17
«Астананың» жеңісі– 15
«Қызылжардың» жеңісі– 2
Тең нәтижелер – 0
«Астана» мықты қарқын алып, қатарынан бес рет жеңіске жетіп, чемпионат көшбасшылығын өз қолына алды. Команда бұл нәтижесін әрі қарай жалғастыруды көздейді. Келесі қарсыласы – өзіне қолайлы «Қызылжар». Бабаян шәкірттері бұл ұжымды өз алаңында өткізген сегіз матчтың барлығында жеңіп, оның бесеуінде қақпасына гол да өткізбеген. Қызығы, бұл екі команда арасындағы 17 ойынның бірде-біреуі тең аяқталмаған екен.
28 маусым
«Ұлытау» (Жезқазған) – «Жетісу» (Талдықорған)
Басталуы: 17:00
Өтетін орны: «Металлург» стадионы (Жезқазған қ.)
Жеке кездесулер тарихы:
Ойындар саны – 1
«Ұлытаудың» жеңісі– 0
«Жетісудың» жеңісі– 0
Тең нәтижелер – 1
Бұл командалар алғаш рет 2025 жылғы ҚПЛ-дің екінші турында кездескен еді. Наурызда Талдықорғанда өткен матч 0:0 есебімен тең аяқталған. Сөйтіп «Ұлытау» Премьер-лигадағы алғашқы ұпайын еншілеген болатын. Енді өз алаңында өтетін ойында жезқазғандықтар «Жетісудан» екі саты жоғары тұр және сонша ұпай артық жинаған. «Ұлытаудың» қатарынан төрт ойын бойы жеңілмеген сериясы бар, ал «Жетісу» үш тур қатарынан үш ұпай ала алмай жүр. Иван Азовскийдің командасын бұл кездесудің фавориті деуге болады. Дегенмен, талдықорғандықтардың ұпай айырмашылығы тым үлкен емес, ал сырт алаңда жеңіске жетсе, олар «Ұлытауды» басып озады.
«Атырау» (Атырау) – «Оқжетпес» (Көкшетау)
Басталуы: 18:00
Өтетін орны: «Мұнайшы» стадионы (Атырау қ.)
Жеке кездесулер тарихы:
Ойындар саны – 37
«Атыраудың» жеңісі– 21
«Оқжетпестің» жеңісі– 11
Тең нәтижелер – 5
Қазіргі таңда «Атырау» үшін әр матч – финал іспетті. Турнир кестесіндегі жағдайы өте қиын, бірақ үміт үзілді деуге келмес. Олар қалған 11 матчта барынша тырысып көреді. Бұл жолы Көкшетаудың «Оқжетпес» клубымен маңызды ойын. Көктемде жарқ еткен бұл ұжым жаз басталғалы бәсеңдеп, соңғы екі ойында жеңіліп қалды. Бұған қоса, екі команда арасындағы тарих та «Атыраудың» пайдасына: олар қарсыласынан екі есе көп жеңіске жеткен. Дегенмен, соңғы жылдары «Оқжетпес» жақсы қарқын көрсетіп, кейінгі алты ойында «Атырауға» жеңілмей келеді. Былтырғы маусымда Атырауда өткен кездесу 0:4 есебімен аяқталып, алаң иелері ойсырай жеңілген болатын.
29 маусым
«Тұран» (Түркістан) – «Ақтөбе» (Ақтөбе)
Басталуы: 18:00
Өтетін орны: «Түркістан Арена» (Түркістан қ.)
Жеке кездесулер тарихы:
Ойындар саны – 9
«Тұранның» жеңісі– 1
«Ақтөбенің» жеңісі– 8
Тең нәтижелер – 0
«Ақтөбе» қиын кезеңге тап болды. Соңғы төрт турда бірде-бір ойында жеңіске жете алмай келеді. Тек бір ұпай еншілеп, турнир кестесінде төртінші орынға сырғыды. Бұл тығырықтан шығу үшін Игорь Левщук шәкірттеріне «Тұраннан» қолайлы қарсылас табу қиын. Ақтөбеліктер Түркістанда өткен төрт матчтың бәрінде де жеңіске жеткен. Алайда, «Тұран» да жағдайды түзетуі тиіс. Команда 10 мамырдан бері ұпай ала алмай келеді, ал «Ақтөбеден» жеңілсе, ҚПЛ-ден түсіп қалу қаупі төнеді.
«Тобыл» (Қостанай) – «Жеңіс» (Астана)
Басталуы: 20:00
Өтетін орны: «Орталық» стадион (Қостанай қ.)
Жеке кездесулер тарихы:
Ойындар саны – 41
«Тобылдың» жеңісі– 14
«Жеңістің» жеңісі– 18
Тең нәтижелер – 9
25 маусымда бұл командалар Қазақстан кубогының жартылай финалында Қостанайда кездесіп, «Тобыл» 2:1 есебімен жеңіске жетті. Бірақ матч олар үшін қиынға соқты. Айтпақшы, Қостанай командасы «Жеңіс» Премьер-лигаға оралғаннан кейін оларды алғаш рет жеңіп отыр. Дегенмен, жалпы статистикада астаналықтар әлі де басым. Сонымен қатар, Премьер-лигада да «Жеңіс» биыл да, былтыр да «Тобылдан» жеңілген жоқ. Астаналықтар чемпионаттағы алғашқы жеңістерін ұзақ күткен. Дегенмен Түркістанда «Тұранды», кейін өз алаңында «Атырауды» жеңіп, жағдайларын біраз реттеп алды. Сондықтан Қостанайдағы матч та өте тартысты өтетіні анық.
«Қайсар» (Қызылорда) – «Елімай» (Семей)
Басталуы: 20:00
Өтетін орны: Ғани Мұратбаев атындағы стадион (Қызылорда қ.)
Жеке кездесулер тарихы:
Ойындар саны – 3
«Қайсардың» жеңісі– 1
«Елімайдың» жеңісі– 2
Тең нәтижелер – 0
«Елімай» Премьер-лигаға оралғалы бері бұл екі команда үш рет кездескен. Қызығы – әр матчта алаң иесі жеңіске жеткен. Былтырғы жылы семейлік ұжым Қызылордаға келген сапарында есе жіберді. Олар алғашқы минуттарда есеп ашқанымен, көп ұзамай «Қайсар» таразы басын теңестірді. Одан кейін Қызылорда клубының бір футболшысы қуылған. Бірақ соған қарамастан қонақтар мүмкіндікті мүлт жіберді. Оның үстіне, қосымша уақытта тағы бір гол өткізіп, матчта жеңіліп қалды. Биылғы кездесу қалай өрбитіні көбісіне қызық. Жанкүйерлер ойынды тағатсыз күтуде.
«Ордабасы» (Шымкент) – «Қайрат» (Алматы)
Басталуы: 20:00
Өтетін орны: Қажымұқан Мұңайтпасов атындағы стадион (Шымкент қ.)
Жеке кездесулер тарихы:
Ойындар саны – 84
«Ордабасының» жеңісі– 25
«Қайраттың» жеңісі– 36
Тең нәтижелер – 23
Бұл турдың басты матчы деуге болады! Соңғы екі маусымның чемпиондары Шымкентте кездеседі. Айта кетейік, бұл командалар биыл да осы қалада – Қазақстан кубогында – жолыққан болатын. Мамырдағы ширек финалдық ойында «Ордабасы» 1:0 есебімен жеңіске жеткен. Енді «Қайрат» чемпионатта қарымта қайтаруға тырысады, бірақ Шымкентте жеңіске жету оларға оңай соқпайды. Соңғы алты сырт алаңдағы кездесудің төртеуінде «Ордабасы» басым түскен. Тек екеуі ғана алматылықтардың пайдасына аяқталған. «Қайрат» көш бастап келе жатқан «Астананы» қуып жетуді көздейді, сондықтан олар үшін бұл матчтағы ұпай өте маңызды. Бірақ «Ордабасының» да өз жоспары бар.
«Астана» (Астана) – «Қызылжар» (Петропавл)
Басталуы: 20:00
Өтетін орны: «Астана Арена» (Астана қ.)
Жеке кездесулер тарихы:
Ойындар саны – 17
«Астананың» жеңісі– 15
«Қызылжардың» жеңісі– 2
Тең нәтижелер – 0
«Астана» мықты қарқын алып, қатарынан бес рет жеңіске жетіп, чемпионат көшбасшылығын өз қолына алды. Команда бұл нәтижесін әрі қарай жалғастыруды көздейді. Келесі қарсыласы – өзіне қолайлы «Қызылжар». Бабаян шәкірттері бұл ұжымды өз алаңында өткізген сегіз матчтың барлығында жеңіп, оның бесеуінде қақпасына гол да өткізбеген. Қызығы, бұл екі команда арасындағы 17 ойынның бірде-біреуі тең аяқталмаған екен.