25 маусымда Қазақстан Кубогының жартылай финалының алғашқы матчтары өтті. Екі ойында да финалдың жолдамасын алдын ала шешіп тастаған ешкім болмады. Барлығы қарымта матчтан кейін анықталады.
«Қызылжар» (Петропавл) – «Ордабасы» (Шымкент) – 0:0
Бас төреші: Сахи (Қызылорда)
Ескерту алғандар: Васильев, Валиуллин, Сабино – Мораес.
«Қызылжар» мен «Ордабасы» осы маусымда бұған дейін де кездескен. Дегенмен, ол кезде турнир басқа – чемпионат болатын, ал ойын Шымкентте өткен. Қызығы сол, екі команда бір-біріне 180 минут бойы гол соға алмай жүр. Бұл жолы да матч 0:0 есебімен аяқталды. Бұл нәтиже екі командаға да финалға шығуға тең мүмкіндік қалдырды. «Қызылжар» мен «Ордабасы» әлі үміттерін үзген жоқ. Барлық мәселе енді Шымкентте шешіледі.
«Тобыл» (Қостанай) – «Жеңіс» (Астана) – 2:1 (1:1)
Голдар: Зуев, 5 (1:0); Адилио, 27 (1:1); Жагоров, 73 (2:1)
Бас төреші: Сариев (Орал)
Ескерту алғандар: Ндиайе, Миладинович, Асранқұлов – Совет, Әділ, Қуат.
Қостанайдағы матч Петропавлдағы ойынмен салыстырғанда әлдеқайда қызығырақ және тартысқа толы болды.
«Тобыл» мен Қазақстан құрамасының шабуылшы жартылай қорғаушысы Александр Зуев ойынның басында-ақ алаң иелерін алға шығарды. Ол «Жеңіс» қақпашысы Сергей Игнатовичтің өрескел қателігін тиімді пайдаланды.
Бірақ астаналықтар еңселерін түсірмей, бірінші таймның ортасында есепті теңестірді. Дінмұхамед Қараман айып соққысынан дәл пас беріп, бразилиялық Адилио Корреа Дос Сантос баспен тамаша гол соқты.
Дегенмен, «Жеңіс» тең нәтижені сақтап қала алмады. 73-минутта «Тобыл» жойқын шабуыл ұйымдастырып, Наурызбек Жагоров екінші мүмкіндігін мүлт жібермей, допты қонақтардың қақпасына тоғытты.
Сөйтіп «Тобыл» 2:1 есебімен жеңіске жетті. Алайда бұл есеп Нұрбол Жұмасқалиев шәкірттеріне финал жолдамасына кепілдік бере алмайды. «Жеңістің» екі ойын қорытындысы бойынша келесі кезеңге өтуге мүмкіндігі жеткілікті.
Жауапты жартылай финалдық матчтар тамыз айының соңында Шымкент пен Астанада өтеді.
«Қызылжар» (Петропавл) – «Ордабасы» (Шымкент) – 0:0
Бас төреші: Сахи (Қызылорда)
Ескерту алғандар: Васильев, Валиуллин, Сабино – Мораес.
«Қызылжар» мен «Ордабасы» осы маусымда бұған дейін де кездескен. Дегенмен, ол кезде турнир басқа – чемпионат болатын, ал ойын Шымкентте өткен. Қызығы сол, екі команда бір-біріне 180 минут бойы гол соға алмай жүр. Бұл жолы да матч 0:0 есебімен аяқталды. Бұл нәтиже екі командаға да финалға шығуға тең мүмкіндік қалдырды. «Қызылжар» мен «Ордабасы» әлі үміттерін үзген жоқ. Барлық мәселе енді Шымкентте шешіледі.
«Тобыл» (Қостанай) – «Жеңіс» (Астана) – 2:1 (1:1)
Голдар: Зуев, 5 (1:0); Адилио, 27 (1:1); Жагоров, 73 (2:1)
Бас төреші: Сариев (Орал)
Ескерту алғандар: Ндиайе, Миладинович, Асранқұлов – Совет, Әділ, Қуат.
Қостанайдағы матч Петропавлдағы ойынмен салыстырғанда әлдеқайда қызығырақ және тартысқа толы болды.
«Тобыл» мен Қазақстан құрамасының шабуылшы жартылай қорғаушысы Александр Зуев ойынның басында-ақ алаң иелерін алға шығарды. Ол «Жеңіс» қақпашысы Сергей Игнатовичтің өрескел қателігін тиімді пайдаланды.
Бірақ астаналықтар еңселерін түсірмей, бірінші таймның ортасында есепті теңестірді. Дінмұхамед Қараман айып соққысынан дәл пас беріп, бразилиялық Адилио Корреа Дос Сантос баспен тамаша гол соқты.
Дегенмен, «Жеңіс» тең нәтижені сақтап қала алмады. 73-минутта «Тобыл» жойқын шабуыл ұйымдастырып, Наурызбек Жагоров екінші мүмкіндігін мүлт жібермей, допты қонақтардың қақпасына тоғытты.
Сөйтіп «Тобыл» 2:1 есебімен жеңіске жетті. Алайда бұл есеп Нұрбол Жұмасқалиев шәкірттеріне финал жолдамасына кепілдік бере алмайды. «Жеңістің» екі ойын қорытындысы бойынша келесі кезеңге өтуге мүмкіндігі жеткілікті.
Жауапты жартылай финалдық матчтар тамыз айының соңында Шымкент пен Астанада өтеді.