26-27 маусым күндері футболдан Қазақстан Бірінші лигасының 11-тур ойындары өтеді. Бұл жолы көшбасындағы үш команда өздеріңнен төмен тұрған клубтармен кездеседі.
26 маусым
«Екібастұз» (Екібастұз) – «Түркістан» (Түркістан)
Басталуы: 17:00
Өтетін орны: «Шахтер» стадионы (Екібастұз)
Жеке кездесулер тарихы:
– Ойындар саны: 7
– «Екібастұздың» жеңісі: 3
– «Түркістанның» жеңісі: 1
– Тең ойындар: 3
Осы турдың шымылдық ашар матчын Екібастұзда қаламен аттас команда мен «Түркістан» футболшылары бастайды. Екі команда да биылғы маусымды сәтті өткізіп жатыр дей алмаймыз. Әсіресе, бұл «Түркістанға» қатысты. Команда небәрі 3 ұпай жинап, қатарынан 5 ойында жеңілді. Турнир кестесінің соңғы сатысында келе жатыр.
«Екібастұз» кішкене ес жиып, қатарынан екі матчта 6 ұпай алған. Бірақ соңғы ойында турнир көшбасшысы «Каспийге» есе жіберді. Енді олар қайтадан жеңіс сериясын бастағысы келеді. Былтыр5ы маусымда екі ойында да «Түркістан» қақпасына жауапсыз 6 гол соққанын ескерсек, бұл мақсат орындалуы әбден мүмкін.
«Ақтөбе-Ж» (Ақтөбе) – «Каспий» (Ақтау)
Басталуы: 17:00
Өтетін орны: ОМБЖОРСМ стадионы (Ақтөбе)
Жеке кездесулер тарихы:
– Ойындар саны: 2
– «Ақтөбе-Ж»-ның жеңісі: 1
– «Каспийдің» жеңісі: 1
– Тең ойындар: жоқ
«Ақтөбе-Ж» – биыл жеңіс дәмін татпаған жалғыз команда. Ал «Каспий» қатарынан матчта 5 жеңіске жетіп, турнир кестесінде жеке-дара көш бастап тұр.
Фаворит анық – «Каспий». Алайда, былтырғы жылы да тура осындай жағдайда ақтаулықтар күтпеген жерден жеңіліп, Премьер-лига жолдамасынан айырылып қалғанын ұмытпауы тиіс.
«Қайрат-Жастар» (Алматы) – «Тараз» (Тараз)
Басталуы: 17:00
Өтетін орны: Т. Сегізбаев атындағы академия стадионы (Алматы)
Жеке кездесулер тарихы:
– Ойындар саны: 7
– «Қайрат-Жастардың» жеңісі: 3
– «Тараздың» жеңісі: 4
– Тең ойындар: жоқ
«Қайраттың» жастары» соңғы турда «Оңтүстік» академиясын 5:3 есебімен жеңді. Ал «Тараз» екі айдан астам уақыт бойы үш ұпай ала алмай жүр. Былтыр дәл осы жерде олар жеңіске жеткен еді. Бұл жолы да сол жетістікті қайталай ала ма? Тағы бір қызықты факт – бұл командалар арасындағы кездесулерде әлі тең нәтиже тіркелмеген.
AKAS (Алматы) – «Жетісай» (Жетісай)
Басталуы: 19:00
Өтетін орны: «Жас Қыран» стадионы (Алматы)
Жеке кездесулер тарихы: Бұған дейін кездеспеген
AKAS – биыл Бірінші лигаға жаңадан қосылған команда. Былтырғы жылғы «Жетісайдың» жетістігін қайталауға жақын. Естеріңізде болса, 2024 жылы «Жетісай» Бірінші лига шыға салысымен, біраз команданы өзімен санасуға мәжбүр еткен.
AKAS осы маусымда сол «Жетісайдың» жолын қайталап келеді. Олар арасында фавориттерден де ұпай алып жүр. Бұған дейін «Қайрат-Жастарды» ірі есеппен жеңіп, «Алтайдың» 5 ойындық жеңіс сериясын тоқтатты. Ал «Жетісаймен» бұрын-сонды кездеспеген.
27 маусым
«Шахтер» (Қарағанды) – «Оңтүстік» (Шымкент)
Басталуы: 17:00
Өтетін орны: «Шахтер» стадионы (Қарағанды)
Жеке кездесулер тарихы: Бұған дейін кездеспеген
Қарағандылықтар көшбасшы «Каспийдің» ізін суытпай келеді. Бұл турда олар тұрақсыз өнер көрсетіп жүрген «Оңтүстікпен» ойнайды. Шымкент клубын түсіну қиын. Кейде үш матч қатарынан жеңіс сериясын жалғауы мүмкін. Сосын қатарынан үш-төрт ойында ұтыла салуы да оңай.
Қонақтар қалай десек те, «Шахтерге» оңайшылықпен үш ұпай ұстата салмайтыны анық.
Ertis (Павлодар) – SD Family (Астана)
Басталуы: 19:00
Өтетін орны: «Орталық» стадион (Павлодар)
Жеке кездесулер тарихы:
– Ойындар саны: 1
– «Ertis-тің» жеңісі:1
– SD Family-дің жеңісі: 0
– Тең ойын: жоқ
Бұл командалар биыл Қазақстан Кубогында кездесіп, «Ertis» 2:1 есебімен жеңіске жеткен.
Павлодарлықтар маусым басындағы дағдарыстан шығып келеді. Жаңа бапкермен олар өткен турда «Түркістанды» 7:1 есебімен ойсырата жеңді.
Ал SD Family соңғы екі ойында да жеңіліп, гол соға алмай жүр. Сондықтан бұл матчтың фавориті – «Ertis».
«Хан-Тәңірі» (Алматы) – «Алтай» (Өскемен)
Басталуы: 20:00
Өтетін орны: «Хан-Тәңірі» стадионы (Алматы)
Жеке кездесулер тарихы:
– Ойындар саны: 2
– «Хан-Тәңірінің» жеңісі: 2
– «Алтайдың» жеңісі: 0
– Тең ойындар: жоқ
«Алтайдың» бес матчқа созылған жеңіс сериясы өткен турда аяқталды. Вахид Масудов шәкірттері өз алаңында Алматының AKAS командасына есе жіберді. Өскемен ұжымы бұл жолы өздері Алматыға барады. Қарсыласы – тағы бір алматылық ұжым «Хан-Тәңірі.
Былтырғы жылғы екі кездесуде де «Хан-Тәңірі» жеңіске жеткен.
26 маусым
«Екібастұз» (Екібастұз) – «Түркістан» (Түркістан)
Басталуы: 17:00
Өтетін орны: «Шахтер» стадионы (Екібастұз)
Жеке кездесулер тарихы:
– Ойындар саны: 7
– «Екібастұздың» жеңісі: 3
– «Түркістанның» жеңісі: 1
– Тең ойындар: 3
Осы турдың шымылдық ашар матчын Екібастұзда қаламен аттас команда мен «Түркістан» футболшылары бастайды. Екі команда да биылғы маусымды сәтті өткізіп жатыр дей алмаймыз. Әсіресе, бұл «Түркістанға» қатысты. Команда небәрі 3 ұпай жинап, қатарынан 5 ойында жеңілді. Турнир кестесінің соңғы сатысында келе жатыр.
«Екібастұз» кішкене ес жиып, қатарынан екі матчта 6 ұпай алған. Бірақ соңғы ойында турнир көшбасшысы «Каспийге» есе жіберді. Енді олар қайтадан жеңіс сериясын бастағысы келеді. Былтыр5ы маусымда екі ойында да «Түркістан» қақпасына жауапсыз 6 гол соққанын ескерсек, бұл мақсат орындалуы әбден мүмкін.
«Ақтөбе-Ж» (Ақтөбе) – «Каспий» (Ақтау)
Басталуы: 17:00
Өтетін орны: ОМБЖОРСМ стадионы (Ақтөбе)
Жеке кездесулер тарихы:
– Ойындар саны: 2
– «Ақтөбе-Ж»-ның жеңісі: 1
– «Каспийдің» жеңісі: 1
– Тең ойындар: жоқ
«Ақтөбе-Ж» – биыл жеңіс дәмін татпаған жалғыз команда. Ал «Каспий» қатарынан матчта 5 жеңіске жетіп, турнир кестесінде жеке-дара көш бастап тұр.
Фаворит анық – «Каспий». Алайда, былтырғы жылы да тура осындай жағдайда ақтаулықтар күтпеген жерден жеңіліп, Премьер-лига жолдамасынан айырылып қалғанын ұмытпауы тиіс.
«Қайрат-Жастар» (Алматы) – «Тараз» (Тараз)
Басталуы: 17:00
Өтетін орны: Т. Сегізбаев атындағы академия стадионы (Алматы)
Жеке кездесулер тарихы:
– Ойындар саны: 7
– «Қайрат-Жастардың» жеңісі: 3
– «Тараздың» жеңісі: 4
– Тең ойындар: жоқ
«Қайраттың» жастары» соңғы турда «Оңтүстік» академиясын 5:3 есебімен жеңді. Ал «Тараз» екі айдан астам уақыт бойы үш ұпай ала алмай жүр. Былтыр дәл осы жерде олар жеңіске жеткен еді. Бұл жолы да сол жетістікті қайталай ала ма? Тағы бір қызықты факт – бұл командалар арасындағы кездесулерде әлі тең нәтиже тіркелмеген.
AKAS (Алматы) – «Жетісай» (Жетісай)
Басталуы: 19:00
Өтетін орны: «Жас Қыран» стадионы (Алматы)
Жеке кездесулер тарихы: Бұған дейін кездеспеген
AKAS – биыл Бірінші лигаға жаңадан қосылған команда. Былтырғы жылғы «Жетісайдың» жетістігін қайталауға жақын. Естеріңізде болса, 2024 жылы «Жетісай» Бірінші лига шыға салысымен, біраз команданы өзімен санасуға мәжбүр еткен.
AKAS осы маусымда сол «Жетісайдың» жолын қайталап келеді. Олар арасында фавориттерден де ұпай алып жүр. Бұған дейін «Қайрат-Жастарды» ірі есеппен жеңіп, «Алтайдың» 5 ойындық жеңіс сериясын тоқтатты. Ал «Жетісаймен» бұрын-сонды кездеспеген.
27 маусым
«Шахтер» (Қарағанды) – «Оңтүстік» (Шымкент)
Басталуы: 17:00
Өтетін орны: «Шахтер» стадионы (Қарағанды)
Жеке кездесулер тарихы: Бұған дейін кездеспеген
Қарағандылықтар көшбасшы «Каспийдің» ізін суытпай келеді. Бұл турда олар тұрақсыз өнер көрсетіп жүрген «Оңтүстікпен» ойнайды. Шымкент клубын түсіну қиын. Кейде үш матч қатарынан жеңіс сериясын жалғауы мүмкін. Сосын қатарынан үш-төрт ойында ұтыла салуы да оңай.
Қонақтар қалай десек те, «Шахтерге» оңайшылықпен үш ұпай ұстата салмайтыны анық.
Ertis (Павлодар) – SD Family (Астана)
Басталуы: 19:00
Өтетін орны: «Орталық» стадион (Павлодар)
Жеке кездесулер тарихы:
– Ойындар саны: 1
– «Ertis-тің» жеңісі:1
– SD Family-дің жеңісі: 0
– Тең ойын: жоқ
Бұл командалар биыл Қазақстан Кубогында кездесіп, «Ertis» 2:1 есебімен жеңіске жеткен.
Павлодарлықтар маусым басындағы дағдарыстан шығып келеді. Жаңа бапкермен олар өткен турда «Түркістанды» 7:1 есебімен ойсырата жеңді.
Ал SD Family соңғы екі ойында да жеңіліп, гол соға алмай жүр. Сондықтан бұл матчтың фавориті – «Ertis».
«Хан-Тәңірі» (Алматы) – «Алтай» (Өскемен)
Басталуы: 20:00
Өтетін орны: «Хан-Тәңірі» стадионы (Алматы)
Жеке кездесулер тарихы:
– Ойындар саны: 2
– «Хан-Тәңірінің» жеңісі: 2
– «Алтайдың» жеңісі: 0
– Тең ойындар: жоқ
«Алтайдың» бес матчқа созылған жеңіс сериясы өткен турда аяқталды. Вахид Масудов шәкірттері өз алаңында Алматының AKAS командасына есе жіберді. Өскемен ұжымы бұл жолы өздері Алматыға барады. Қарсыласы – тағы бір алматылық ұжым «Хан-Тәңірі.
Былтырғы жылғы екі кездесуде де «Хан-Тәңірі» жеңіске жеткен.