21 және 22 маусым күндері Қазақстан Премьер-лигасының 13-тур матчтары өтті. Осылайша чемпионаттың бірінші айналымы ресми түрде аяқталды.
Матч нәтижелері:
21 маусым
· «Қайрат» – «Қызылжар» – 1:0
· «Жеңіс» – «Атырау» – 2:0
· «Тобыл» – «Жетісу» – 2:1
· «Елімай» – «Тұран» – 2:1
· «Оқжетпес» – «Ордабасы» – 0:1
22 маусым
· «Қайсар» – «Ұлытау» – 1:1
· «Ақтөбе» – «Астана» – 0:1
Матчтарға шолу
«Қайрат» (Алматы) – «Қызылжар» (Петропавл) – 1:0 (0:0)
Гол: Громыко, 75 (1:0)
Алаңнан қуылды: Жангылышбай, 31 («Қызылжар»)
Бас төреші: Қарабаев (Астана).
«Қайрат» бұл ойында жеңіске жеткен жағдайда турнирлік кестеде уақытша көш бастайтын еді. Сол мүмкіндікті пайдаланды. Оған қонақтар өздері жағдай жасап берді. Матчтың 31-минутында Токтар Жангылышбай қарсыласын шынтақпен итеріп жібергені үшін алаңнан қуылды.
Алматылықтар қанша тырысқанымен, біразға дейін гол соға алмай жүрді. Тек 75-минутта Валерий Громыко алыстан соққан керемет голымен командасына маңызды үш ұпай сыйлады.
«Жеңіс» (Астана) – «Атырау» (Атырау) – 2:0 (0:0)
Голдар: Шараванья, 62 (1:0); Балтабеков, 90+2 (2:0)
Бас төреші: Кучма (Көкшетау).
Бұған дейін «Тұранды» жеңген «Жеңіс» бұл жолы өз алаңында «Атырауды» тізе бүктіріп, чемпионаттағы екінші жеңісіне қол жеткізді. Дегенмен астаналықтарға үш ұпай оңайшылықпен келген жоқ. Соңғы орында келе жатқан «Мұнайшылар» барынша қарсылық көрсетті.
Алаң иелері тек 62-минутта есеп аша алды. «Атырау» кемі бір ұпай алып кетуді көздеп, алға атойлап шыққан. Бірақ төреші қосқан қосымша минутта екінші голды өткізіп алды. Қорытынды есеп – 2:0.
«Тобыл» (Қостанай) – «Жетісу» (Талдықорған) – 2:1 (1:0)
Голдар: Жұмашев, 19 (1:0); Чесноков, 72 (2:0); Болов, 81 (2:1)
Бас төреші: Тевяшов (Орал).
Талай жыл ойыншы ретінде алаңда қарсылас болған Самат Смақов пен Нұрбол Жұмасқалиевтің жолдары бапкер ретінде де түйісті.
Қостанай командасы есепті 19-минутта ашты. Мергендігімен көзге түскен Жасұлан Жұмашев болды. Бірақ екінші голды көп күтті. Тек 72-минутта ұлттық құрама ойыншысы Ислам Чесноков мергендік танытты. «Жетісу» соңына дейін ойнауға тырысып, есеп айырмасын бір допқа қысқартты. Бірақ одан әріге шамалары жетпеді.
«Елімай» (Семей) – «Тұран» (Туркестан) – 2:1 (1:0)
Голдар: Плакка, 42 (1:0); Сәрсенбай, 76 (1:1); Пайруз, 90+1 (2:1)
Бас төреші: Суликанов (Актөбе).
Түркістанның «Елімай» клубы осының алдында «Жеңіспен» кездесуге қатыспаған футболшыларының біразын Семейге апарды. Негізгі құрамның көптеген ойыншысы қатарға қосылған соң, «Тұран» алаң иелеріне біршама қарсылық көрсетті. Дегенмен есепті «Елімай» ашты. Фессу Плакка үзіліске дейін командасын алға шығарды.
Екінші таймда қонақтар таразы басын теңестіре алды. Матчтың 76-минутында Ерасыл Сәрсенбайдың алыстан тепкен соққысы қақпадан табылды. «Тұран» Семейден бір ұпай алып кетуге жақын тұрған. Алайда бұған Жан Әли Пайруз келіспеді. 25 жастағы жартылай қорғаушы жеке шеберлігін паш етіп, есепті 2:1-ге жеткізді.
«Оқжетпес» (Кокшетау) – «Ордабасы» (Шымкент) – 0:1 (0:0)
Гол: Тұрсынбай, 90+4 (0:1)
Бас төреші: Есмұратов (Астана).
«Ордабасы» хаттама бойынша сырт алаңда ойнады. Бірақ матч Шымкентте өтті. Өйткені «Оқжетпестің» стадионы жөндеу жұмыстарына жабылған.
Ойынға келсек, тең дәрежеде өрбіді. Қауіпті шабуылдар аз болды. Матч 0:0 аяқталуға жақын болған. Бірақ төреші қосқан қосымша минутта Сағадат Тұрсынбай «Ордабасыға» жеңіс сыйлады.
«Қайсар» (Қызылорда) – «Ұлытау» (Жезқазған) – 1:1 (0:1)
Голдар: Молдақараев, 16 (0:1); Ағзамбаев, 87 (1:1)
Бас төреші: Чеховский (Астана).
Алаңнан қуылды: Мансилия, 36 («Ұлытау»).
Қызылордадағы матч тартысқа толы болды. Бірінші таймда «Ұлытау» күтпеген жерден есепте алға шықты. Шабуылшы Жасұлан Молдақараев 16-минутта мергендігімен көзге түсті. Осыдан кейін де қонақтар қарымта шабуылда қауіпті ойын көрсетуге тырысты. Бірақ тағы да «Ұлытау» бірінші таймда бір ойыншыға аз қалды. Осының алдында «Атыраумен» ойын солай болған. Бұл жолы 36-минутта Қуаныш Қалмұратовты құлатты деп, қорғаушы Хосе Мансилия қызыл қағаз алды.
Екінші таймда «Қайсар» допқа көбірек иелік етіп, сан басымдығын пайдалануға тырысқан. Дегенмен Дмитро Непогодов қақпасынан саңылау табуға оңай соқты. Тек 87-минутта ғана Нұрдәулет Ағзамбаев таразы басын теңестіруге үлгерді. Қорытынды есеп 1:1. «Ұлытаудың» үш матчқа созылған жеңіс сериясы аяқталды.
«Ақтөбе» (Ақтөбе) – «Астана» (Астана) – 0:1 (0:0)
Гол: Грипши, 84-пенальтиден (0:1)
Бас төреші: Абдуллаев (Қаратау).
«Астана» тең түссе де, бірінші орында қалар еді. Тек «Ақтөбе» жеңгенде ғана «Қайрат» көш басында болатын. Бірақ қонақтар Қобыланды батыр стадионынан үш ұпай еншіледі.
Екі команда да матчты өте сақ бастады. Бір-бірінің қателескенін күтіп жүрді. Матчтың соңғы бөлігінде «Ақтөбе» қорғаушысы Марин Томасовқа қарсы ереже бұзып, төреші пенальти белгіледі. Нүктеге келген Назми Грипши мүлт кетпеді. Осылайша, «Астана» бірінші айналымның жеңімпазы атанды.
14-турда кездесетіндер:
28 маусым
«Ұлытау» – «Жетісу»
«Атырау» – «Оқжетпес»
29 маусым
«Тұран» – «Ақтөбе»
«Тобыл» – «Жеңіс»
«Қайсар» – «Елімай»
«Ордабасы» – «Қайрат»
«Астана» – «Қызылжар».
Матч нәтижелері:
21 маусым
· «Қайрат» – «Қызылжар» – 1:0
· «Жеңіс» – «Атырау» – 2:0
· «Тобыл» – «Жетісу» – 2:1
· «Елімай» – «Тұран» – 2:1
· «Оқжетпес» – «Ордабасы» – 0:1
22 маусым
· «Қайсар» – «Ұлытау» – 1:1
· «Ақтөбе» – «Астана» – 0:1
Матчтарға шолу
«Қайрат» (Алматы) – «Қызылжар» (Петропавл) – 1:0 (0:0)
Гол: Громыко, 75 (1:0)
Алаңнан қуылды: Жангылышбай, 31 («Қызылжар»)
Бас төреші: Қарабаев (Астана).
«Қайрат» бұл ойында жеңіске жеткен жағдайда турнирлік кестеде уақытша көш бастайтын еді. Сол мүмкіндікті пайдаланды. Оған қонақтар өздері жағдай жасап берді. Матчтың 31-минутында Токтар Жангылышбай қарсыласын шынтақпен итеріп жібергені үшін алаңнан қуылды.
Алматылықтар қанша тырысқанымен, біразға дейін гол соға алмай жүрді. Тек 75-минутта Валерий Громыко алыстан соққан керемет голымен командасына маңызды үш ұпай сыйлады.
«Жеңіс» (Астана) – «Атырау» (Атырау) – 2:0 (0:0)
Голдар: Шараванья, 62 (1:0); Балтабеков, 90+2 (2:0)
Бас төреші: Кучма (Көкшетау).
Бұған дейін «Тұранды» жеңген «Жеңіс» бұл жолы өз алаңында «Атырауды» тізе бүктіріп, чемпионаттағы екінші жеңісіне қол жеткізді. Дегенмен астаналықтарға үш ұпай оңайшылықпен келген жоқ. Соңғы орында келе жатқан «Мұнайшылар» барынша қарсылық көрсетті.
Алаң иелері тек 62-минутта есеп аша алды. «Атырау» кемі бір ұпай алып кетуді көздеп, алға атойлап шыққан. Бірақ төреші қосқан қосымша минутта екінші голды өткізіп алды. Қорытынды есеп – 2:0.
«Тобыл» (Қостанай) – «Жетісу» (Талдықорған) – 2:1 (1:0)
Голдар: Жұмашев, 19 (1:0); Чесноков, 72 (2:0); Болов, 81 (2:1)
Бас төреші: Тевяшов (Орал).
Талай жыл ойыншы ретінде алаңда қарсылас болған Самат Смақов пен Нұрбол Жұмасқалиевтің жолдары бапкер ретінде де түйісті.
Қостанай командасы есепті 19-минутта ашты. Мергендігімен көзге түскен Жасұлан Жұмашев болды. Бірақ екінші голды көп күтті. Тек 72-минутта ұлттық құрама ойыншысы Ислам Чесноков мергендік танытты. «Жетісу» соңына дейін ойнауға тырысып, есеп айырмасын бір допқа қысқартты. Бірақ одан әріге шамалары жетпеді.
«Елімай» (Семей) – «Тұран» (Туркестан) – 2:1 (1:0)
Голдар: Плакка, 42 (1:0); Сәрсенбай, 76 (1:1); Пайруз, 90+1 (2:1)
Бас төреші: Суликанов (Актөбе).
Түркістанның «Елімай» клубы осының алдында «Жеңіспен» кездесуге қатыспаған футболшыларының біразын Семейге апарды. Негізгі құрамның көптеген ойыншысы қатарға қосылған соң, «Тұран» алаң иелеріне біршама қарсылық көрсетті. Дегенмен есепті «Елімай» ашты. Фессу Плакка үзіліске дейін командасын алға шығарды.
Екінші таймда қонақтар таразы басын теңестіре алды. Матчтың 76-минутында Ерасыл Сәрсенбайдың алыстан тепкен соққысы қақпадан табылды. «Тұран» Семейден бір ұпай алып кетуге жақын тұрған. Алайда бұған Жан Әли Пайруз келіспеді. 25 жастағы жартылай қорғаушы жеке шеберлігін паш етіп, есепті 2:1-ге жеткізді.
«Оқжетпес» (Кокшетау) – «Ордабасы» (Шымкент) – 0:1 (0:0)
Гол: Тұрсынбай, 90+4 (0:1)
Бас төреші: Есмұратов (Астана).
«Ордабасы» хаттама бойынша сырт алаңда ойнады. Бірақ матч Шымкентте өтті. Өйткені «Оқжетпестің» стадионы жөндеу жұмыстарына жабылған.
Ойынға келсек, тең дәрежеде өрбіді. Қауіпті шабуылдар аз болды. Матч 0:0 аяқталуға жақын болған. Бірақ төреші қосқан қосымша минутта Сағадат Тұрсынбай «Ордабасыға» жеңіс сыйлады.
«Қайсар» (Қызылорда) – «Ұлытау» (Жезқазған) – 1:1 (0:1)
Голдар: Молдақараев, 16 (0:1); Ағзамбаев, 87 (1:1)
Бас төреші: Чеховский (Астана).
Алаңнан қуылды: Мансилия, 36 («Ұлытау»).
Қызылордадағы матч тартысқа толы болды. Бірінші таймда «Ұлытау» күтпеген жерден есепте алға шықты. Шабуылшы Жасұлан Молдақараев 16-минутта мергендігімен көзге түсті. Осыдан кейін де қонақтар қарымта шабуылда қауіпті ойын көрсетуге тырысты. Бірақ тағы да «Ұлытау» бірінші таймда бір ойыншыға аз қалды. Осының алдында «Атыраумен» ойын солай болған. Бұл жолы 36-минутта Қуаныш Қалмұратовты құлатты деп, қорғаушы Хосе Мансилия қызыл қағаз алды.
Екінші таймда «Қайсар» допқа көбірек иелік етіп, сан басымдығын пайдалануға тырысқан. Дегенмен Дмитро Непогодов қақпасынан саңылау табуға оңай соқты. Тек 87-минутта ғана Нұрдәулет Ағзамбаев таразы басын теңестіруге үлгерді. Қорытынды есеп 1:1. «Ұлытаудың» үш матчқа созылған жеңіс сериясы аяқталды.
«Ақтөбе» (Ақтөбе) – «Астана» (Астана) – 0:1 (0:0)
Гол: Грипши, 84-пенальтиден (0:1)
Бас төреші: Абдуллаев (Қаратау).
«Астана» тең түссе де, бірінші орында қалар еді. Тек «Ақтөбе» жеңгенде ғана «Қайрат» көш басында болатын. Бірақ қонақтар Қобыланды батыр стадионынан үш ұпай еншіледі.
Екі команда да матчты өте сақ бастады. Бір-бірінің қателескенін күтіп жүрді. Матчтың соңғы бөлігінде «Ақтөбе» қорғаушысы Марин Томасовқа қарсы ереже бұзып, төреші пенальти белгіледі. Нүктеге келген Назми Грипши мүлт кетпеді. Осылайша, «Астана» бірінші айналымның жеңімпазы атанды.
14-турда кездесетіндер:
28 маусым
«Ұлытау» – «Жетісу»
«Атырау» – «Оқжетпес»
29 маусым
«Тұран» – «Ақтөбе»
«Тобыл» – «Жеңіс»
«Қайсар» – «Елімай»
«Ордабасы» – «Қайрат»
«Астана» – «Қызылжар».