Премьер-лигада биылғы маусымның басты жаңалығы – «Оқжетпес» командасының жартылай қорғаушысы Дәурен Жұмат болып тұр. Ол қазіргі кезде 12 матчта 7 гол соғып, сұрмегендер көшінде алғашқы үштікте. «Астанамен» сырт алаңдағы ойыннан кейін Дәурен KFF League тілшісіне сұхбат берді.
– Дәурен, алдымен бүгіннен ойыннан бастасақ. Не жетіспеді?
– Бірінші таймда өз мүмкіндіктерімізді жақсы пайдаландық, соның арқасында екі гол соқтық. Одан кейін «Астана» қарқынын күшейтті, ал біз сәл бәсеңдеп қалдық. Дегенмен, «Астана» – топ клуб, Қазақстандағы ең мықты командалардың бірі. Олар өз шеберлігін көрсетті, сәттерін тиімді пайдаланып, матчтың тағдырын шешіп кетті.
– Осындай жеңілістерден кейін өзіңізді қалай сабырға шақырасыз?
– Ойынды қайта қарап, қателіктерімізді талдаймыз, әрі қарай келесі матчтарға дайындала береміз. Қатты қайғырудың қажеті жоқ – бұл да бір жақсы тәжірибе болды.
– 12 матчта 7 гол. Мұндай нәтиже күттіңіз бе?
– Нақты осылай бастаймын деп ойламадым. Дегенмен гол соғып, командаға көмектесу деген мақсат қойғаным рас. Бәрі еңбектің, жаттығудың және командаластарымның арқасы. Әрдайым алғыс білдіремін.
– Жақында ұлттық құраманың ойыны алдында тараздық футболшылар кездесіпті. Ағаларыңыздан қолдау сөздер естідіңіз бе?
– Иә, кездестім. Ол жерде Ұлан, Бауыржан ағаларымыз келіп, қолдау білдірді. Мұндай тәжірибелі ойыншылардан қолдау алу біз үшін маңызды. Кеңестерін тыңдаймыз.
– Жалпы, «Оқжетпестен» шақырту қалай түсті?
– Қазіргі бапкеріміз Андрей Святославович Ферапонтов шақырды. Бұрын «Мақтааралда» жүргенімде қаралымға шақырған, сол кезде келіп едім.
– Командада кіммен жақын араласасыз?
– Ең жақын араласатын командаласым – Арсен Әшірбек.
– Қай ойын стилі сізге жақын?
– Допты бақылап, көбірек иелік ету арқылы ойнаған ұнайды. Әрине, әрқашан жүзеге аса бермейді, бірақ мықты қарсыластарға қарсы ойында қарымта шабуылға мән береміз.
– Бұрын «Оқжетпесті» лифт-команда деп атайтын, өйткені жиі Бірінші лигаға түсіп, қайта көтерілетін. Алайда биыл команда жақсы ойын көрсетіп, еурокубок жолдамасына үміт артып отыр. Бұған не дейсіз?
– Біз әр матчта жеңіске жетуге тырысамыз. Соның арқасында турнирлік кестеде бесінші орында келеміз. Алла қаласа, маусымды сәтті аяқтап, Еуропада ойнағымыз келеді.
– Дәурен, алдымен бүгіннен ойыннан бастасақ. Не жетіспеді?
– Бірінші таймда өз мүмкіндіктерімізді жақсы пайдаландық, соның арқасында екі гол соқтық. Одан кейін «Астана» қарқынын күшейтті, ал біз сәл бәсеңдеп қалдық. Дегенмен, «Астана» – топ клуб, Қазақстандағы ең мықты командалардың бірі. Олар өз шеберлігін көрсетті, сәттерін тиімді пайдаланып, матчтың тағдырын шешіп кетті.
– Осындай жеңілістерден кейін өзіңізді қалай сабырға шақырасыз?
– Ойынды қайта қарап, қателіктерімізді талдаймыз, әрі қарай келесі матчтарға дайындала береміз. Қатты қайғырудың қажеті жоқ – бұл да бір жақсы тәжірибе болды.
– 12 матчта 7 гол. Мұндай нәтиже күттіңіз бе?
– Нақты осылай бастаймын деп ойламадым. Дегенмен гол соғып, командаға көмектесу деген мақсат қойғаным рас. Бәрі еңбектің, жаттығудың және командаластарымның арқасы. Әрдайым алғыс білдіремін.
– Жақында ұлттық құраманың ойыны алдында тараздық футболшылар кездесіпті. Ағаларыңыздан қолдау сөздер естідіңіз бе?
– Иә, кездестім. Ол жерде Ұлан, Бауыржан ағаларымыз келіп, қолдау білдірді. Мұндай тәжірибелі ойыншылардан қолдау алу біз үшін маңызды. Кеңестерін тыңдаймыз.
– Жалпы, «Оқжетпестен» шақырту қалай түсті?
– Қазіргі бапкеріміз Андрей Святославович Ферапонтов шақырды. Бұрын «Мақтааралда» жүргенімде қаралымға шақырған, сол кезде келіп едім.
– Командада кіммен жақын араласасыз?
– Ең жақын араласатын командаласым – Арсен Әшірбек.
– Қай ойын стилі сізге жақын?
– Допты бақылап, көбірек иелік ету арқылы ойнаған ұнайды. Әрине, әрқашан жүзеге аса бермейді, бірақ мықты қарсыластарға қарсы ойында қарымта шабуылға мән береміз.
– Бұрын «Оқжетпесті» лифт-команда деп атайтын, өйткені жиі Бірінші лигаға түсіп, қайта көтерілетін. Алайда биыл команда жақсы ойын көрсетіп, еурокубок жолдамасына үміт артып отыр. Бұған не дейсіз?
– Біз әр матчта жеңіске жетуге тырысамыз. Соның арқасында турнирлік кестеде бесінші орында келеміз. Алла қаласа, маусымды сәтті аяқтап, Еуропада ойнағымыз келеді.