KFF League сіздердің назарларыңызға Көкшетаудың «Оқжетпес» командасының бас бапкері Андрей Ферапонтовпен сұхбатты ұсынады. Бұл команда биылғы маусым басталғалы көпшілікті таңқалдырып келеді.
– Андрей Святославович, сіз жаттықтыратын «Оқжетпес» ҚПЛ-дің алғашқы кезеңіндегі басты сенсациялардың бірі болды. Команданың осындай сенімді өнер көрсетуінің себебі неде? Қазір команда бесінші орында келеді. Бұл сіздердің мүмкіндіктеріңіздің шыңы ма?
– Маусымның көктемгі бөлігін бағалар болсам, өзімізге берер бағам – «төрттік». Турнир кестесінде әзірге көрсеткішіміз жаман емес. Бірақ кейбір маңызды ұпайларды жоғалтып алдық. Егер оларды еншілесек, қазір өзімізді әлдеқайда сенімді сезінер едік. Әсіресе, «Тобылмен», «Тұранмен» және «Ақтөбемен» өткен ойындарды айтып отырмын.
Бізге де, кез келген команда сияқты, әлі де өсу керек, даму керек. Ал осындай сәтті бастамаға не себеп болды дегенге келсек, бірнеше факторды айтуға болады. Біріншіден, клубтағы қаржылық тұрақтылық – бұрыңғыдай қиын жағдайлар артта қалды. Екіншіден, маусымаралық кезеңде жақсы іріктеу жұмыстары жүргізілді. Біз былтырғы құрамның негізін сақтап қалдық және нақты позицияларға қажетті ойыншыларды алдық.
Жастар (Әшірбек, Марат) мен тәжірибелі футболшылар (Досмағамбетов, Дарабаев, Дайыров) командаға сәтті қосылып кетті. Бұл – тәжірибе мен жастықтың жақсы үйлесімі болды. Команда ішінде жақсы атмосфера қалыптасты. Бұған жоғарыда аталған ойыншылардың да үлесі зор. Ал үшінші және ең маңызды себеп – ойыншылар, бапкерлер құрамы, медициналық және қызмет көрсету персоналының қажырлы еңбегі. Әрине, клуб басшылығын да атап өткім келеді.
– Маусым басында команда алдына қандай мақсаттар қойылды? Чемпионат барысында ол мақсаттар өзгерді ме?
– Бізге нақты, міндетті мақсаттар қойылған жоқ. Ең бастысы – команданы дұрыс құра білу, оның ойнай алатын стилін табу және сол стильді сіңіру болатын. Бұл стиль көрермендерге де, ойыншыларға да ләззат әкелуі керек. Қазіргі таңда бұл аралық мақсаттарға қол жеткіздік деп ойлаймын.
Дегенмен, өсуге әлеует бар. Ойыншылардың да, бапкерлердің де, басшылық пен жанкүйерлердің де мотивациясы жоғары. Сондықтан біз ең алдымен жақсы футбол көрсетуге тырысамыз. Ал нәтиже – маусым соңында белгілі болады.
– Былтырғы жылы «Оқжетпесті» Бірінші лигада жаттықтырсаңыз, биыл – ҚПЛ-де тізгінді ұстап отырсыз. Екі дивизионның арасындағы басты айырмашылықтар қандай? Қайсысы қиын болды?
– Әрине, екі лиганың айырмашылығы айтарлықтай. Біріншіден, бұл – легионерлердің болуы, бюджеттік айырмашылықтар, инфрақұрылым мәселесі және тағы басқа факторлар. Былтырғы жылы Бірінші лига өте тартысты өтті. Сол кезде 7–8 команда жүлдеге үмітті болды және турнир кестесінің көшбасшысы алма-кезек ауысып отырды.
Бізде ол кезде бірнеше мәселе болды, ең негізгісі – қарыздар. Соның салдарынан «Оқжетпес» чемпионатқа қатыса алмауы да мүмкін еді. Қаржыландыру, құрамды жасақтау, инфрақұрылым мәселелерін шешуге көп күш кетті.
Құрамды да соңғы сәтте жинадық, көп футболшы, әсіресе лимиттегі ойыншылар, басқа клубтармен келісімшартқа қол қойып қойған болатын. Менің Бірінші лигада бапкерлік тәжірибем бар. Өздеріңіз білетіндей, бұған дейін бұл лигада 2012 және 2014 жылдары чемпион болғанмын. Аталған тәжірибем де біршама көмектесті.
Бірақ екі лиганы салыстырсақ, Премьер-лигада жұмыс істеу әлдеқайда қиын. Мұнда қарсыластардың шеберлік деңгейі де, жауапкершілік те, бәсеке де жоғары.
– «Оқжетпес» ойыншылары мен бапкерлері Көкшетауда қаншалықты танымал? Көшеде сіздерді көшеде танып, фотоға түсетіндер бар ма?
– Көкшетау халқы өз командасын өте жақсы көреді! Бізде құрамда жергілікті ойыншылар жеткілікті, ал оларға деген қызығушылық жанкүйерлер арасында өте жоғары. Қала үлкен емес, ықшам. Сондықтан клубқа бейжай қарамайтын, ойыншылардың жағдайына, команданың жоспарына, даму стратегиясына қызығушылық білдіретін адамдарды жиі кездестіреміз.
– Маусым соңында қандай нәтижеге риза болар едіңіз?
– Егер команда «лифт-команда» деген атақтан арылып, барлық бағытта жүйелі түрде дами бастаса, әр қарсылас бізбен санасуға мәжбүр болса, кем дегенде қорықпаса да, құрметпен қарайтын болса – сол кезде мен толықтай риза боламын. Әрине, турнирлік кестеде де лайықты орын алғанымызды қалаймын. Неғұрлым жоғары болса, соғұрлым жақсы.
– Андрей Святославович, сіз жаттықтыратын «Оқжетпес» ҚПЛ-дің алғашқы кезеңіндегі басты сенсациялардың бірі болды. Команданың осындай сенімді өнер көрсетуінің себебі неде? Қазір команда бесінші орында келеді. Бұл сіздердің мүмкіндіктеріңіздің шыңы ма?
– Маусымның көктемгі бөлігін бағалар болсам, өзімізге берер бағам – «төрттік». Турнир кестесінде әзірге көрсеткішіміз жаман емес. Бірақ кейбір маңызды ұпайларды жоғалтып алдық. Егер оларды еншілесек, қазір өзімізді әлдеқайда сенімді сезінер едік. Әсіресе, «Тобылмен», «Тұранмен» және «Ақтөбемен» өткен ойындарды айтып отырмын.
Бізге де, кез келген команда сияқты, әлі де өсу керек, даму керек. Ал осындай сәтті бастамаға не себеп болды дегенге келсек, бірнеше факторды айтуға болады. Біріншіден, клубтағы қаржылық тұрақтылық – бұрыңғыдай қиын жағдайлар артта қалды. Екіншіден, маусымаралық кезеңде жақсы іріктеу жұмыстары жүргізілді. Біз былтырғы құрамның негізін сақтап қалдық және нақты позицияларға қажетті ойыншыларды алдық.
Жастар (Әшірбек, Марат) мен тәжірибелі футболшылар (Досмағамбетов, Дарабаев, Дайыров) командаға сәтті қосылып кетті. Бұл – тәжірибе мен жастықтың жақсы үйлесімі болды. Команда ішінде жақсы атмосфера қалыптасты. Бұған жоғарыда аталған ойыншылардың да үлесі зор. Ал үшінші және ең маңызды себеп – ойыншылар, бапкерлер құрамы, медициналық және қызмет көрсету персоналының қажырлы еңбегі. Әрине, клуб басшылығын да атап өткім келеді.
– Маусым басында команда алдына қандай мақсаттар қойылды? Чемпионат барысында ол мақсаттар өзгерді ме?
– Бізге нақты, міндетті мақсаттар қойылған жоқ. Ең бастысы – команданы дұрыс құра білу, оның ойнай алатын стилін табу және сол стильді сіңіру болатын. Бұл стиль көрермендерге де, ойыншыларға да ләззат әкелуі керек. Қазіргі таңда бұл аралық мақсаттарға қол жеткіздік деп ойлаймын.
Дегенмен, өсуге әлеует бар. Ойыншылардың да, бапкерлердің де, басшылық пен жанкүйерлердің де мотивациясы жоғары. Сондықтан біз ең алдымен жақсы футбол көрсетуге тырысамыз. Ал нәтиже – маусым соңында белгілі болады.
– Былтырғы жылы «Оқжетпесті» Бірінші лигада жаттықтырсаңыз, биыл – ҚПЛ-де тізгінді ұстап отырсыз. Екі дивизионның арасындағы басты айырмашылықтар қандай? Қайсысы қиын болды?
– Әрине, екі лиганың айырмашылығы айтарлықтай. Біріншіден, бұл – легионерлердің болуы, бюджеттік айырмашылықтар, инфрақұрылым мәселесі және тағы басқа факторлар. Былтырғы жылы Бірінші лига өте тартысты өтті. Сол кезде 7–8 команда жүлдеге үмітті болды және турнир кестесінің көшбасшысы алма-кезек ауысып отырды.
Бізде ол кезде бірнеше мәселе болды, ең негізгісі – қарыздар. Соның салдарынан «Оқжетпес» чемпионатқа қатыса алмауы да мүмкін еді. Қаржыландыру, құрамды жасақтау, инфрақұрылым мәселелерін шешуге көп күш кетті.
Құрамды да соңғы сәтте жинадық, көп футболшы, әсіресе лимиттегі ойыншылар, басқа клубтармен келісімшартқа қол қойып қойған болатын. Менің Бірінші лигада бапкерлік тәжірибем бар. Өздеріңіз білетіндей, бұған дейін бұл лигада 2012 және 2014 жылдары чемпион болғанмын. Аталған тәжірибем де біршама көмектесті.
Бірақ екі лиганы салыстырсақ, Премьер-лигада жұмыс істеу әлдеқайда қиын. Мұнда қарсыластардың шеберлік деңгейі де, жауапкершілік те, бәсеке де жоғары.
– «Оқжетпес» ойыншылары мен бапкерлері Көкшетауда қаншалықты танымал? Көшеде сіздерді көшеде танып, фотоға түсетіндер бар ма?
– Көкшетау халқы өз командасын өте жақсы көреді! Бізде құрамда жергілікті ойыншылар жеткілікті, ал оларға деген қызығушылық жанкүйерлер арасында өте жоғары. Қала үлкен емес, ықшам. Сондықтан клубқа бейжай қарамайтын, ойыншылардың жағдайына, команданың жоспарына, даму стратегиясына қызығушылық білдіретін адамдарды жиі кездестіреміз.
– Маусым соңында қандай нәтижеге риза болар едіңіз?
– Егер команда «лифт-команда» деген атақтан арылып, барлық бағытта жүйелі түрде дами бастаса, әр қарсылас бізбен санасуға мәжбүр болса, кем дегенде қорықпаса да, құрметпен қарайтын болса – сол кезде мен толықтай риза боламын. Әрине, турнирлік кестеде де лайықты орын алғанымызды қалаймын. Неғұрлым жоғары болса, соғұрлым жақсы.