Кәсіби клубтар арасында жарыстар өткізу дирекциясының басшысы Бақытжан Пазылхайыр жұмыс сапарымен Ақтөбе облысына барды.
Дирекция жетекшісі сапар барысында Ақтөбе облысының әкімі Асхат Шахаровтың қабылдауында болып, өңірдегі футбол инфрақұрылымының даму барысы мен алдағы жоспарларды талқылады.
Дирекция жетекшісі сапар барысында Ақтөбе облысының әкімі Асхат Шахаровтың қабылдауында болып, өңірдегі футбол инфрақұрылымының даму барысы мен алдағы жоспарларды талқылады.
«Федерация басшысы Марат Омаровтың тапсырмасымен Ақтөбе өңіріне жұмыс сапарымен барып, облыс әкімі Асхат Берлешұлының қабылдауында болдым.Өңір басшысы әлеуметтік бастамалармен қатар, бұқаралық және кәсіби спортты дамыту ісіне ерекше көңіл бөліп отыр. Әкім жанкүйерлермен тікелей байланыс орнатып, футболды қолдап, барлық деңгейде жүйелі жұмыс жүргізуде. Ақтөбе қаласында нағыз спорттық рух қалыптасқан. Бұл — әкімдік тарапынан жасалып жатқан нақты қолдау мен бастамалардың нәтижесі.Кездесу барысында ең басты мәселелердің бірі — жаңа футбол стадионының құрылысы талқыланды. Ақтөбе — елдегі алғашқы өңірлердің бірі ретінде халықаралық талаптарға сай жаңа стадион салуға жақын арада кіріседі. Бұл — Мемлекет басшысының тапсырмасын орындаудың нақты үлгісі.Қазақстан футбол федерациясы стадион құрылысының барлық кезеңдерінде консультациялық қолдау көрсетуге дайын.Сондай-ақ, «Есет Батыр» атындағы облыстық мамандандырылған мектеп-интернатында «Алаң» бағдарламасы аясында футбол алаңының төсеніші жаңартылады. Интернат басшылығы футбол кластарын ашып, ауыл-аймақтардан келген дарынды балаларды оқытып, кәсіби футболшылар дайындауға ниетті. Бұл жұмыстардың барлығы Ақтөбе өңірінде футболды жаңа деңгейге көтеруге бағытталған маңызды қадам», - дейді Бақытжан Пазылхайыр.Дирекция басшысы бұған дейін Қызылорда, Қарағанды, Маңғыстау және т.б өңірлерге де барып, аймақтардағы футболдың дамуымен танысқан еді.