Қазақстандық футбол клубтарының жасөспірім ойыншылары халықаралық жарыстарға белсенді қатысып келеді. Бұл – жас футболшылар үшін баға жетпес тәжірибе жинап, шеберліктерін шыңдауға таптырмас мүмкіндік. Мұндай турнирлер оларға үлкен футбол әлеміне жол ашары анық.
Атап айтқанда, Шымкенттің «Ордабасы» командасының 2011 жылы туған ойыншылар командасы, Көкшетаудың «Оқжетпес» футбол клубының 2012 жылы туған жасөспірімдер командасы, Түркістан облысының «Оңтүстік» академиясының 2014 жылы туған командасы және Қостанайдың «Тобыл» клубының 2015 жылы туған балалар командасы 29 мамыр мен 1 маусым аралығында Хорватияда өтетін халықаралық Dalmatinko Cup турнирінде ел намысын қорғайды.
«Ордабасы» командасының қарсыластары (А тобы): HNK Gorica, NK Kustošija, NK Arbanasi және RNK Split 1912 (барлығы – Хорватия).
«Оқжетпес» командасы да А тобында өнер көрсетеді. Қарсыластары – NK Lokomotiva (Хорватия), Gornik Zabrze (Польша) және NK Jadran LP (Хорватия).
«Оңтүстік» академиясының қарсыластары (В тобы): FC Koper, FC Domžale 2 (екеуі де – Словения), NK Ljubuški (Босния және Герцеговина), NK Čaporice, NK Ćiro Academy B, NK Abeceda (үшеуі де – Хорватия).
«Тобыл» клубының қарсыластары (А тобы): NK Istra 1961, NK Devetka, NK Zadarnova, NK Ćiro Academy B (барлығы – Хорватия), SV Strasshof (Аустрия), NK Čelik (Босния және Герцеговина).
Аталған жарыста Еуропаның әйгілі клубтарының жас тәрбиеленушілері – «Фенербахче» (Түркия), «Ференцварош» (Мажарстан), «Генк» (Бельгия), «Хайдук», «Динамо Загреб» (екеуі де – Хорватия), ПАОК (Грекия), «Мидлсбро» (Англия) сынды командалар да бақ сынайды.
Айта кетерлігі, отандық жасөспірімдер командалары бұл додаға клуб пен демеушілердің қолдауымен қатысып жатқанын ерекше атап өткен жөн.
«Ордабасы» клубының ойын күнтізбесі:
30 мамыр, сағат 09:15 – «Ордабасы» – NK Arbanasi
30 мамыр, сағат 11:30 – NK Kustošija – «Ордабасы»
31 мамыр, сағат 10:00 – «Ордабасы» – HNK Gorica
31 мамыр, сағат 11:30 – RNK Split 1912 – «Ордабасы»
«Оқжетпес» клубының ойын күнтізбесі:
30 мамыр, сағат 12:30 – «Оқжетпес» – NK Jadran LP
30 мамыр, сағат 13:25 – NK Lokomotiva – «Оқжетпес»
31 мамыр, сағат 09:15 – Gornik Zabrze – «Оқжетпес»
«Оңтүстік» клубының ойын күнтізбесі:
30 мамыр, сағат 11:00 – «Оңтүстік» – NK Ćiro Academy B
30 мамыр, сағат 12:00 – NK Ljubuški – «Оңтүстік»
30 мамыр, сағат 13:00 – «Оңтүстік» – FC Domžale 2
31 мамыр, сағат 17:30 – NK Abeceda – «Оңтүстік»
31 мамыр, сағат 18:00 – NK Čaporice – «Оңтүстік»
31 мамыр, сағат 19:00 – FC Koper – «Оңтүстік»
«Тобыл» клубының ойын күнтізбесі:
30 мамыр, сағат 08:30 – «Тобыл» – NK Zadarnova
30 мамыр, сағат 09:30 – «Тобыл» – NK Čelik
30 мамыр, сағат 10:30 – SV Strasshof – «Тобыл»
31 мамыр, сағат 15:00 – NK Ćiro Academy B – «Тобыл»
31 мамыр, сағат 15:30 – NK Devetka – «Тобыл»
31 мамыр, сағат 16:30 – «Тобыл» – NK Istra 1961