30-31 мамыр күндері футболдан Қазақстан Премьер-лигасының 11-тур матчтары өтеді. Бұл турда көрермендердің ерекше қызығушылығын «Ақтөбе» – «Қайрат» және «Елімай» – «Астана» кездесулері тудырады.
30 мамыр
«Елімай» (Семей) – «Астана» (Астана)
Матч басталуы – 18:00
Өтетін орны: «Спартак» стадионы (Семей қаласы)
Жеке кездесулер тарихы:
Ойындар саны – 4
«Елімайдың» жеңісі – 1
«Астананың» жеңісі – 1
Тең ойындар – 2
Бұл қарсыластардың теке-тіресі былтырғы маусымнан басталады. Бір жыл ішінде «Елімай» мен «Астана» төрт мәрте кездескен. Лига кубогы аясында екі мәрте ойнап, екеуі де 0:0 есебімен аяқталған. Ал чемпионат аясында командалар сырт алаңда бір-бір мәрте жеңіске жеткен. Биылғы маусымға жоспарланған алғашқы кездесу алдында қарсыластар турнир кестесінде жақын орналасқан. «Астана» – екінші, «Елімай» – бесінші орында тұр. Екі команданы жеті ұпай ажыратып тұр. Дегенмен, «Елімай» бір ойын кем ойнағандықтан, айырмашылық соншалықты көп емес. Егер алаң иелері осы ойында жеңіске жетіп жатса, айырмашылық азаяды. Ал «Астана» жеңіске жетсе, турнир кестесінде топ бастауы мүмкін.
«Жеңіс» (Астана) – «Ордабасы» (Шымкент)
Матч басталуы – 18:00
Өтетін орны: «Астана Арена» стадионы (Астана қаласы)
Жеке кездесулер тарихы:
Ойындар саны – 30
«Жеңістің» жеңісі – 14
«Ордабасының» жеңісі – 11
Тең ойындар – 5
Астананың тағы бір клубы «Жеңіс» өз алаңында «Ордабасыны» қабылдайды. Өткен маусымда командалар бір-бірінің алаңында жеңіске жеткен. Бұл турда екі ұжымға да жеңіс ауадай қажет. Өйткені өткен турда екеуі де қарсыластарынан жеңіліп қалған еді.
«Тобыл» (Қостанай) – «Атырау» (Атырау)
Матч басталуы – 18:30
Өтетін орны: «Орталық» стадионы (Қостанай қаласы)
Жеке кездесулер тарихы:
Ойындар саны – 70
«Тобылдың» жеңісі – 38
«Атыраудың» жеңісі – 17
Тең ойындар – 15
Қостанайда Премьер-лига көшбасшыларының бірі мен турнир кестесінің соңында тұрған команда кездеседі. «Тобыл» «Атыраудан» 16 ұпай көп жинаған, сондай-ақ «сары-жасылдар» үш матч кем өткізді. Ойынның фавориті айқын болса да, статистика тосын нәтиже тіркелуі мүмкін екенін көрсетіп отыр. Кейінгі үш кездесуде «Тобыл» «Атырауды» жеңе алмаған. Былтырғы біріншілікте командалар екі рет тең ойнап, кубок жолында «Атырау» 4:0 есебімен жеңіске жеткен.
«Ақтөбе» (Ақтөбе) – «Қайрат» (Алматы)
Матч басталуы – 20:00
Өтетін орны: Қобыланды батыр атындағы стадион (Ақтөбе қаласы)
Жеке кездесулер тарихы:
Жеке кездесулер тарихы:
Ойындар саны – 77
«Ақтөбенің» жеңісі – 31
«Қайраттың» жеңісі – 35
Тең ойындар – 11
Бұл матч – 11-турдың ғана емес, бірінші айналымның басты кездесуі деуге болады. Қазіргі таңда «Қайрат» турнир кестесінде үшінші орында тұр, көш бастап тұрған «Ақтөбеден» екі ұпайға артта келеді. Егер қонақтар жеңіске жетсе, бірінші орынға шығу мүмкіндігі бар. Алайда «Қайратқа» «Ақтөбені» жеңу оңайға соқпас. Себебі «Қайрат» 2021 жылғы қазаннан бері Ақтөбеде жеңіске жете алмай келеді.
«Қайрат» клубы былтырғы маусымда жеңіске жетсе, тек «Ақтөбе» ғана сол кезде чемпионнан барлық ұпайды (6 ұпай) ала білді. Сонымен бірге жуырда «Қайрат» Суперкубок үшін кездесуде «Ақтөбені» айқын жеңген. Алайда екеуі де соңғы турда күтпеген жеңілістерге ұшырады. «Ақтөбе» – «Жетісуға», «Қайрат» – «Оқжетпеске» жол берді.
31 мамыр
«Ұлытау» (Жезқазған) – «Тұран» (Түркістан)
Матч басталуы – 16:00
Өтетін орны: «Металлург» стадионы (Жезқазған қаласы)
Жеке кездесулер тарихы: Бұған дейін кездеспеген
Қос команданың тарихтағы бірінші кездесуіне екі команда әртүрлі көңіл-күйде келеді. «Ұлытау» өткен аптада «Ордабасыны» Шымкентте жеңіп, сенсация жасады. Ал «Тұран» ауыр дағдарыста. Қазақстан кубогын қоса есептегенде, қатарынан үш ойында жеңілді. Дегенмен, «Ұлытау» гол соғу бойынша ең нашар командалардың бірі.
«Оқжетпес» (Көкшетау) – «Қызылжар» (Петропавл)
Матч басталуы – 16:00
Өтетін орны: «Оқжетпес» стадионы (Көкшетау қаласы)
Жеке кездесулер тарихы:
Ойындар саны – 36
«Оқжетпестің» жеңісі – 12
«Қызылжардың» жеңісі – 16
Тең ойындар – 8
Бұл турда жанкүйерлер көшбасшылардың тартысынан бөлек, Солтүстік дербиге де куә болады. «Оқжетпес» пен «Қызылжар» соңғы уақытта жақсы формада және тәуір өнер көрсетіп жүр. Көкшетаулықтар өткен турда Алматыда чемпион «Қайратты» жеңді. Дегенмен, «Қызылжар» – «Оқжетпес» үшін қиын қарсылас. Тарихта Петропавл командасы көбірек жеңіске жеткен, ал өткен маусымда Көкшетау алаңынан жеңіспен қайтқан.
«Қайсар» (Қызылорда) – «Жетісу» (Талдықорған)
Матч басталуы – 20:00
Өтетін орны: Ғани Мұратбаев атындағы стадион (Қызылорда қаласы)
Жеке кездесулер тарихы:
Ойындар саны – 25
«Қайсардың» жеңістері – 8
«Жетісудың» жеңістері – 13
Тең ойындар – 4
Екі команда ақырындап турнир кестесіндегі жағдайын жақсартып келеді. Ал «Қайсар» қатарынан екі ойында жеңіске жетіп, турнир кестесінде бірінші ондыққа көтеріліп алды. «Жетісу» әзірге 11-орында тұр. «Қайсардан» екі ұпайға қалып отыр және бір ойынын кем өткізген. Сонымен қатар, «жетісулықтар» өткен турда «Ақтөбені» ұтқан соң бұл ойынға көтеріңкі көңіл-күйде келетіні белгілі.