30 мамыр күні футболдан Қазақстан Премьер-лигасының 11-турының алғашқы жарыс күнінде Семейде орталық матчтардың бірі өтпек.
Жергілікті «Елімай» клубы Қазақстанның жеті дүркін чемпионы «Астана» клубын қабылдайды. Екі команданың бұл бар болғаны өзара бесінші матчы ғана болмақ. Былтыр «Елімай» мен «Астана» төрт рет жолыққан. Оған дейін екі клубтың жолдары мүлдем түйіспеген. Оның өзіндік себептері бар. Семей клубы дүркіреп тұрған 90-жылдары «Астана» мүлдем құрылмаған. Кейін «Астананың» атағы шыққан кезде Семейде Премьер-лигада ойнайтын команда болмады. Енді, міне, Абай облысы құрылып, даңқты «Елімай» қайта жаңғырды. «Астана» да еліміздегі ең үздік ұжымдардың бірі. Қазақстанның жеті дүркін чемпионы. Сондықтан екі команда арасыындағы ойын жанкүйерлерді бей-жай қалдырмасы анық.
Былтыр чемпионатта бірінші матчта «Елімай», екіншісінде «Астана» жеңген. Осы жолы жанкүйерлер де, футбол мамандары да тартысты ойынды күтіп отыр.
«Астана» турнир кестесінде 11 матчтан кейін 24 ұпай жинап, екінші орында келе жатыр. Ал «Елімай» 10 ойынның қорытындысы бойынша 17 ұпаймен бесінші орында тұр.
Семей клубынан ойынға беларусь жартылай қорғаушысы Никита Корзун қатыспайды. Өйткені ол соңғы «Қызылжармен» кездесуде төртінші рет ескертуге ие болған. Амал жоқ, «Астанамен» ойынды трибунадан тамашалауына тура келеді.
«Астананың» сол қапталдағы қорғаушысы Дмитрий Шомко былтыр «Елімайда» ойнаған. Алаң иелерінің капитаны Серікжан Мұжықов ұзақ жыл «Астананың» намысын қорғады. Сондай-ақ шабуылшы Роман Мұртазаев та бір кездері елордада доп тепкен.
«Елімай» командасынан осы маусымда ең көп голды бельгиялық Фессу Плакка мен сербиялық Фейсал Мулич соққан. Екеуінің де еншісінде үш доптан бар. «Астананың» үздік сұрмергені – тәжірибелі Марин Томасов болып тұр. Ол биыл Пермьер-лигада алты рет көзге түсті.
Семей клубы мамыр айында өз алаңына оралды. Осы аралықта екі ойын өткізіп үлгерді. Алдымен Көкшетаудың «Оқжетпес» клубына есе жіберсе, одан кейін Алматының «Қайратын» соңғы минутта ұтып кетті.
Жергілікті «Елімай» клубы Қазақстанның жеті дүркін чемпионы «Астана» клубын қабылдайды. Екі команданың бұл бар болғаны өзара бесінші матчы ғана болмақ. Былтыр «Елімай» мен «Астана» төрт рет жолыққан. Оған дейін екі клубтың жолдары мүлдем түйіспеген. Оның өзіндік себептері бар. Семей клубы дүркіреп тұрған 90-жылдары «Астана» мүлдем құрылмаған. Кейін «Астананың» атағы шыққан кезде Семейде Премьер-лигада ойнайтын команда болмады. Енді, міне, Абай облысы құрылып, даңқты «Елімай» қайта жаңғырды. «Астана» да еліміздегі ең үздік ұжымдардың бірі. Қазақстанның жеті дүркін чемпионы. Сондықтан екі команда арасыындағы ойын жанкүйерлерді бей-жай қалдырмасы анық.
Былтыр чемпионатта бірінші матчта «Елімай», екіншісінде «Астана» жеңген. Осы жолы жанкүйерлер де, футбол мамандары да тартысты ойынды күтіп отыр.
«Астана» турнир кестесінде 11 матчтан кейін 24 ұпай жинап, екінші орында келе жатыр. Ал «Елімай» 10 ойынның қорытындысы бойынша 17 ұпаймен бесінші орында тұр.
Семей клубынан ойынға беларусь жартылай қорғаушысы Никита Корзун қатыспайды. Өйткені ол соңғы «Қызылжармен» кездесуде төртінші рет ескертуге ие болған. Амал жоқ, «Астанамен» ойынды трибунадан тамашалауына тура келеді.
«Астананың» сол қапталдағы қорғаушысы Дмитрий Шомко былтыр «Елімайда» ойнаған. Алаң иелерінің капитаны Серікжан Мұжықов ұзақ жыл «Астананың» намысын қорғады. Сондай-ақ шабуылшы Роман Мұртазаев та бір кездері елордада доп тепкен.
«Елімай» командасынан осы маусымда ең көп голды бельгиялық Фессу Плакка мен сербиялық Фейсал Мулич соққан. Екеуінің де еншісінде үш доптан бар. «Астананың» үздік сұрмергені – тәжірибелі Марин Томасов болып тұр. Ол биыл Пермьер-лигада алты рет көзге түсті.
Семей клубы мамыр айында өз алаңына оралды. Осы аралықта екі ойын өткізіп үлгерді. Алдымен Көкшетаудың «Оқжетпес» клубына есе жіберсе, одан кейін Алматының «Қайратын» соңғы минутта ұтып кетті.