22–23 мамыр күндері футболдан Бірінші лиганың жетінші тур ойындары өтті.
Матч нәтижелері:
«Қайрат-Жастар» – «Шахтер» – 1:2
SD Family – «Каспий» – 0:3
Ertis – «Оңтүстік» – 2:2
«Ақтөбе-Ж» – AKAS – 1:3
«Екібастұз» – «Жетісай» – 0:1
«Хан-Тәңірі» – «Тараз» – 1:1
«Түркістан» – «Алтай» – 0:3
21 мамыр
«Қайрат-Жастар» – «Шахтер» – 1:2
Голдар: Тұяқбаев, 4 (1:0); Қалыбаев, 40 (пенальтиден – 1:1); Нүсіп, 78 (1:2)
Төреші: Әбдікеров (Қызылорда)
Ескертулер: Махаметжан, Мрынский, Нұрғалиев – Саидов
Алаңнан қуылған: Бижан, 55 («Қайрат»)
Бұл турда жоғары лигаға жолдамаға басты үміткер үш команда – «Шахтер», «Каспий» және Ertis бірінші ойын күнінде жасыл алаңға шықты. Турдың алғашқы матчы «Қайрат-Жастар» мен «Шахтер» арасындағы ойынмен басталды.
Матч тосын нәтижемен басталып, алаң иелері алғашқы шабуылдарының бірінде-ақ есепті ашты. 4-минутта Азамат Тұяқбаев «Қайрат-Жастарды» алға шығарды. Үзіліске санаулы минуттар қалғанда «Шахтер» ойыншысы Диас Қалыбаев пенальтиден гол соғып, есепті теңестірді – 1:1.
Екінші тайм басталысымен «Қайраттың» қорғаушысы Асқар Бижан тікелей қызыл қағаз алып, алаңнан қуылды. Сан басымдығына ие болған «Шахтер» 78-минутта ғана жеңіс добын соға алды. Гол авторы – Арман Нүсіп. Осылайша, «Шахтер» 2:1 есебімен жеңіске жетті.
SD Family – «Каспий» – 0:3
Голдар: Тұрлыбек, 63 (пенальтиден – 0:1); Тұрлыбек, 67 (0:2); Қабылан, 82 (0:3)
Төреші: Нұрдинов (Тараз)
Ескертулер: Еркінбай – Тұрлыбек, Арменов
Алаңнан қуылған: Байтана, 40 («Каспий»)
Турнир кестесіндегі тағы бір көшбасшы – «Каспий» Алматыда елордалық SD Family командасымен кездесіп, айқын басымдықпен жеңіске жетті. Дегенмен, жеңіс қонақтарға оңайға соққан жоқ. Бірінші таймның соңында «Каспийдің» тәжірибелі ойыншысы Бауыржан Байтана алаңнан қуылды.
Соған қарамастан, екінші таймда «Каспий» ойындағы қарқынын үдетіп, Мирас Тұрлыбек төрт минутта екі гол соғып, матч тағдырын шешіп тастады. Ойын соңында Бекзат Қабылан есепті 3:0-ге жеткізіп, ірі жеңісті тіркеді.
Ertis – «Оңтүстік» – 2:2
Голдар: Тоқтабай, 3 (0:1); Смаилов, 18 (1:1); Тоқтабай, 61 (1:2); Есімов, 90+2 (2:2)
Төреші: Никлевич (Петропавл)
Ескертулер: Смаилов, Раскатов, Нырков, Төлеуов – Асқар, Тоқтабай, Алқайдаров, Бабаназаров
Алаңнан қуылған: Асқар, 90+1 («Оңтүстік»)
Ertis клубы жақын бәсекелестері – «Каспий» мен «Шахтерден» қалып қоймау үшін өз алаңында «Оңтүстікті» жеңуі тиіс болатын. Алайда, шымкенттік команда ойынды белсенді бастап, үшінші минутта-ақ есепті ашты. Бірақ қонақтардың қуанышы ұзаққа созылдмады. Арада көп уақыт өтпей павлодарлықтар таразы басын теңестіріп кетті. Екінші таймның 61-минутында Тоқтабай дубль жасап, қонақтарды қайта алға шығарды.
91-минутта «Оңтүстіктің» жартылай қорғаушысы екінші сары қағаз алып, алаңнан қуылды. Содан кейін Ertis шабуылшысы Руслан Есімов 92-минутта гол соғып, командасын жеңілістен құтқарып қалды – 2:2. Осылайша, павлодарлықтар кезекті рет ұпай жоғалтты.
23 мамыр
«Ақтөбе-Ж» – AKAS – 1:3
Голдар: Бұлғақбаев, 37 (0:1); Саутов, 39 (0:2); Гридин, 64 (0:3); Латурнус, 89 (1:3)
Төреші: Жұмашев (Қызылорда)
Ескертулер: Сағынтаев – Әміржанов, Саутов
AKAS осы турда алғаш рет сырт алаңда жеңіске жетті. Бұған дейін «Алтай» мен «Қайрат-Жастардан» ұпай алған «Ақтөбе-Ж» бұл жолы алматылықтардың қарқынына төтеп бере алмады. Қонақтар үш мәрте мергендік танытты. Үш голдың бірін Қазақстан құрамасының бұрынғы шабуылшысы Сергей Гридиннің соққанын айта кеткен жөн. Алаң иелері тек соңғы минуттарда ғана жұбаныш голын соға алды.
«Екібастұз» – «Жетісай» – 0:1
Гол: Рысқұл, 78 (0:1)
Төреші: Аманкелдин (Орал)
«Екібастұз» командасы тур өткен сайын турнир кестесінің төменгі жағына сырғып барады. Бұл жолы олар өз алаңында «Жетісайдан» жеңіліп, маусымда төртінші мәрте ұтылды.
«Хан-Тәңірі» – «Тараз» – 1:1
Голдар: Рахымжанов, 22 (1:0); Рахимов, 42 (1:1)
Төреші: Тасыбаев (Астана)
Ескертулер: Асанбек, Төлеу
Бұл ойында екі команда да бірінші таймда гол соғып, екінші таймда есепті сақтап қалды. Тең нәтижені екі ұжым да қанағат тұтқан сияқты.
«Түркістан» – «Алтай» – 0:3
Голдар: Жанұзақов, 43 (0:1); Дадаев, 55 (0:2). Әділет Омарбек, 87 (0:3).
Төреші: Талапкеров (Орал)
Ескертулер: Аманбай, Қуатбекұлы, Паччаханов – Иванов, Көккеев
Өскеменнің «Алтайы» Түркістанға үш ұпай үшін келіп, өз дегендеріне жетті. Қонақтар бірінші тайм аяқталар тұста және екінші таймның басында бір-бір голдан соғып, жеңіске жетті. Бұл – «Алтайдың» маусымдағы бесінші «құрғақ» ойыны. Нәтижесінде «Алтай» турнир кестесінде үшінші орындағы ұжыммен арадағы айырмашылықты қысқартты. Келесі турда «Алтай» өз алаңында «Шахтерді» қабылдайды.
8-тур ойындары:
28 мамыр:
«Каспий» – «Хан-Тәңірі»
AKAS – «Қайрат-Жастар»
«Түркістан» – SD Family
«Оңтүстік» – «Екібастұз»
29 мамыр:
«Алтай» – «Шахтер»
«Тараз» – Ertis
«Жетісай» – «Ақтөбе-Ж»