«Зиданчик» деген атпен танымал отандық футболды насихаттап жүрген блогер Қасымжан Мұқатаев Қазақстан кубогының ширек финалдық ойындарына қатысты пікір білдірді. Ол KFF League тілшісіне өз болжамын ұсынды.
«Қызылжар» – «Елімай»
Бірінші кезекте командалардың қазіргі жағдайына қарау керек. Бұл ойында маған Семей ұжымы айқын фаворит ретінде көрініп тұр. Сосын мотивация да маңызды. Кубокты құрбандыққа шалып, тек чемпионатқа көңіл бөлетін командалар болады. Меніңше, жартылай финалға «Елімай» өтеді.
«Ордабасы» – «Қайрат»
Андрей Мартин шәкірттері енді-енді бір-бірін түсініп, алаңда ойлағандары жүзеге аса бастады. Қағаз жүзінде «Қайрат» фаворит болып тұр. Алайда ойын Шымкентте өтетінін ұмытпайық. Ол жақта ешкімге оңай емес. Мені қызықтыратыны, «Қайрат» бапкері Дастан Сәтпаевты негізгі құрамда шығара ма екен? Әлде чемпионатқа сақтай ма? Негізгі уақыт тең аяқталып, барлығы қосымша уақытта немесе пенальти сериясында шешілетін секілді.
«Жеңіс» – «Астана»
Елордада дербиге куә боламыз. Былтыр екі команда Алматы, Қарағанды, Түркістан қалаларында өзара бірнеше рет кездесті. Тек Астанада ғана ойнаған жоқ. Осы жолы елордада жолдары түйіседі. Ойыншылардың деңгейі жағынан «Астана» басым. Бірақ «Астанада» қандай мәселе болып жатқанын жақында бас бапкері Григорий Бабаян айтты. Егер сол жағы шешілсе, онда «Астана» оңай жеңеді, егер шешілмесе тартысты ойынға куә боламыз.
«Тұран» – «Тобыл»
Екі команда өте қызықты футбол көрсетіп жүр. «Тұран» бапкердің қолтаңбасы бар команда. «Тобылдың» құрамы қарымды. Бәлкім көп гол көруіміз ықтимал. Қостанай ұжымы сәл басым көрінгенімен, ойын Түркістанда өтеді. Осы жағын ұмытпауымыз керек. Жартылай финалға «Тобылдың» мүмкіндігі көбірек, дегенмен «Тұранның» да оңайшылықпен келісе салуы қиын екенін айтқым келеді.
«Қызылжар» – «Елімай»
Бірінші кезекте командалардың қазіргі жағдайына қарау керек. Бұл ойында маған Семей ұжымы айқын фаворит ретінде көрініп тұр. Сосын мотивация да маңызды. Кубокты құрбандыққа шалып, тек чемпионатқа көңіл бөлетін командалар болады. Меніңше, жартылай финалға «Елімай» өтеді.
«Ордабасы» – «Қайрат»
Андрей Мартин шәкірттері енді-енді бір-бірін түсініп, алаңда ойлағандары жүзеге аса бастады. Қағаз жүзінде «Қайрат» фаворит болып тұр. Алайда ойын Шымкентте өтетінін ұмытпайық. Ол жақта ешкімге оңай емес. Мені қызықтыратыны, «Қайрат» бапкері Дастан Сәтпаевты негізгі құрамда шығара ма екен? Әлде чемпионатқа сақтай ма? Негізгі уақыт тең аяқталып, барлығы қосымша уақытта немесе пенальти сериясында шешілетін секілді.
«Жеңіс» – «Астана»
Елордада дербиге куә боламыз. Былтыр екі команда Алматы, Қарағанды, Түркістан қалаларында өзара бірнеше рет кездесті. Тек Астанада ғана ойнаған жоқ. Осы жолы елордада жолдары түйіседі. Ойыншылардың деңгейі жағынан «Астана» басым. Бірақ «Астанада» қандай мәселе болып жатқанын жақында бас бапкері Григорий Бабаян айтты. Егер сол жағы шешілсе, онда «Астана» оңай жеңеді, егер шешілмесе тартысты ойынға куә боламыз.
«Тұран» – «Тобыл»
Екі команда өте қызықты футбол көрсетіп жүр. «Тұран» бапкердің қолтаңбасы бар команда. «Тобылдың» құрамы қарымды. Бәлкім көп гол көруіміз ықтимал. Қостанай ұжымы сәл басым көрінгенімен, ойын Түркістанда өтеді. Осы жағын ұмытпауымыз керек. Жартылай финалға «Тобылдың» мүмкіндігі көбірек, дегенмен «Тұранның» да оңайшылықпен келісе салуы қиын екенін айтқым келеді.