ҚПЛ: Маусым айының үздіктері анықталды

Кәсіби клубтар арасында жарыстар өткізу дирекциясы футболдан Қазақстан Премьер-лигасының 2025 жылғы маусым айының үздік ойыншысы мен үздік бапкерін жариялайды.

«Үздік ойыншы» номинациясының иегері турнирге қатысушы командалардың капитандары мен бапкерлерінің дауыс беруі арқылы анықталды. Ал «Үздік бапкерді» командалардың бас бапкерлері өзара дауыс беру арқылы таңдады.

 Нәтижесінде маусым айының үздік футболшысы болып, Қостанайдың «Тобыл» клубы мен Қазақстан ұлттық құрамасының шабуылшысы Ислам Чесноков танылды.

Ислам маусым айында Премьер-лигада 3 матчқа қатысып, 2 гол соқты және бір нәтижелі пас берді. 

Айта кетейік, наурыз айында «Қайраттың» жас жұлдызы Дастан Сәтпаев пен «Астана» клубының хорватиялық ойыншысы Марин Томасовпен бірге үздік ойыншы атанған еді. Одан кейін сәуір және мамыр айларында Дастан Сәтпаев жеке-дара үздік болған. 

 Ал айдың үздік бапкері атағын «Астана» клубының жаттықтырушысы Григорий Бабаян  иеленді.

 Бабаянның бапкерлігімен «Астана» клубы маусым айында үш матч өткізіп, екеуінде жеңіске жетті және бір ойын тең аяқталды. Қазір клуб чемпионатта көш басында келе жатыр.