25 маусымда Қазақстанда жазғы трансферлік терезе ашылды

KFF League 2025 жылғы маусымға арналған Қазақстан Премьер-лигасы мен ел біріншілігіне қатысушы клубтар үшін екінші (жазғы) трансферлік кезең 25 маусымда басталатынын хабарлайды.

Бұл тіркеу кезеңі аясында клубтар Қазақстан футбол федерациясының (ҚФФ) ұйымдастыруымен өтетін жарыстарға қатысу үшін жаңа ойыншыларды қоса алады. Футболшыларды қосымша тіркеу 30 шілде күні қоса алғанда аяқталады.

Командалардың құрамындағы жедел өзгерістер KFF League ресми сайтында клубтардың профильдерінде жарияланып отырады. Бұл ақпараттар кәсіби клубтар арасындағы жарыстарды өткізу дирекциясына тиісті тіркеу құжаттары түскен сәттен бастап қолжетімді болады.