29.04.2025
Әйелдер лигасының 3-туры: «Қайрат» еңсе тіктеп, көшбасшылар тең түсті
Футболдан әйелдер лигасының үшінші тур ойындары өтті. 28 сәуір дүйсенбі күнге жоспарланған жеті матчтың қорытындысын назарларыңызға ұсынамыз.
Матч нәтижелері:
«Оқжетпес» – «Қайрат» – 1:14
«Жетісу» – «Атырау» – 3:2
«Ұлытау» – «Астана» – 1:0
«Елімай» – «Қызылжар» – 1:3
«Қайсар» – «Жеңіс» – 1:1
«БИИК-Шымкент» – «Ақтөбе» – 2:2
«Тобыл» – «Томирис-Тұран» – 0:8
Бұл турдың шымылдық ашар матчы Көкшетауда өтті. Жергілікті «Оқжетпес» Алматыдан келген «Қайратты» қабылдады. Өткен турда алматылық өз алаңында «Елімайдан» жеңіліп қалған (0:2). «Таз ашуын тырнадан алады» дегендей, сол кеткен есені осы жолы «Оқжетпестен» қайтарды. Үзіліске дейін 8 гол салған қонақтар, екінші кезеңде тағы рет мергендік танытты. Осы ойында «Қайрат» футболшысы Әнел Досболова пента-триктің авторы атанды. Алаң иелері тек бір доппен ғана жауап қайтарды.
Осы турдағы тартысқа толы матчтың бірі Талдықорғанда болды. «Жетісу» өз алаңында «Атырауды» қабылдаған. Жанкүйерлер камбэк көрді. Өйткені қонақтар үзіліске екі доп айырмашылығымен шыққан. Бірақ екінші таймда алаң иелері үш доп соғып, жеңісті жұлып алды. Соңғы гол төреші қосқан қосымша минутта соғылды. Сөйтіп «Жетісу» осы маусымдағы алғашқы үш ұпайына қол жеткізді.
Жезқазғанның «Ұлытау» клубы осы маусымда алғаш рет жеңіске жетті. Олар өз алаңында елордадан келген «Астананы» қабылдаған. Әзірге қонақтар биылғы маусымда гол соқпаған жалғыз команда болып тұр. Матчтың 17-минутында Әсел Жолболат соққан жалғыз гол Жезқазған командасына жеңіс әкелді.
Шымкентте осы маусымның орталық ойыны өтті. Еліміздің бірнеше дүркін чемпионы «БИІК» құрамы жоғары деңгейлі ойыншылармен жасақталған «Ақтөбені» қабылдады. Матч жанкүйерлер күткендей тартысқа толы өтті. Кездесудің жетінші минутында-ақ қарсыластар бір-бір голдан алмасып үлгерді. Қонақтар жалпы бұл матчта төрт голдың үшеуін кіргізді. Тек біреуін өз қақпаларына соғып алды. Қорытынды есеп – 2:2.
Тағы бір тең ойынға Қызылордада куә болдық. «Қайсар» мен «Жеңіс» 1:1 есебімен тең тарқасты. Премьер-лигадағы ерлер командасы кездескенде де «Қайсар» мен «Жеңіс» тең ойнаған болатын.
Енді «БИІК» пен «Ақтөбенің» қатарына 7 ұпай жинағандардан «Томирис-Тұран» қосылды. Түркістан клубы бұл жолы өз алаңында «Тобылды» 8:0 есебімен жеңді. Тіпті, доп айырмасы бойынша қазір бірінші орында тұр.
Семейдің «Елімай» командасы өткен турда Алматыда «Қайратты» жеңіп, бір сенсация жасаған. Бірақ бұл жолы Петрпавлдың «Қызылжар» клубына есе жіберді. Негізі алаң иелері бірінші таймда есеп, үзіліске жеңімпаз болып шыққан. Бірақ екінші кезеңде жағдай өзгеріп, қонақтар қатарынан үш гол салды. Осылайша, жеңісті жұлып алды.
Матч нәтижелері:
«Оқжетпес» – «Қайрат» – 1:14
«Жетісу» – «Атырау» – 3:2
«Ұлытау» – «Астана» – 1:0
«Елімай» – «Қызылжар» – 1:3
«Қайсар» – «Жеңіс» – 1:1
«БИИК-Шымкент» – «Ақтөбе» – 2:2
«Тобыл» – «Томирис-Тұран» – 0:8
Бұл турдың шымылдық ашар матчы Көкшетауда өтті. Жергілікті «Оқжетпес» Алматыдан келген «Қайратты» қабылдады. Өткен турда алматылық өз алаңында «Елімайдан» жеңіліп қалған (0:2). «Таз ашуын тырнадан алады» дегендей, сол кеткен есені осы жолы «Оқжетпестен» қайтарды. Үзіліске дейін 8 гол салған қонақтар, екінші кезеңде тағы рет мергендік танытты. Осы ойында «Қайрат» футболшысы Әнел Досболова пента-триктің авторы атанды. Алаң иелері тек бір доппен ғана жауап қайтарды.
Осы турдағы тартысқа толы матчтың бірі Талдықорғанда болды. «Жетісу» өз алаңында «Атырауды» қабылдаған. Жанкүйерлер камбэк көрді. Өйткені қонақтар үзіліске екі доп айырмашылығымен шыққан. Бірақ екінші таймда алаң иелері үш доп соғып, жеңісті жұлып алды. Соңғы гол төреші қосқан қосымша минутта соғылды. Сөйтіп «Жетісу» осы маусымдағы алғашқы үш ұпайына қол жеткізді.
Жезқазғанның «Ұлытау» клубы осы маусымда алғаш рет жеңіске жетті. Олар өз алаңында елордадан келген «Астананы» қабылдаған. Әзірге қонақтар биылғы маусымда гол соқпаған жалғыз команда болып тұр. Матчтың 17-минутында Әсел Жолболат соққан жалғыз гол Жезқазған командасына жеңіс әкелді.
Шымкентте осы маусымның орталық ойыны өтті. Еліміздің бірнеше дүркін чемпионы «БИІК» құрамы жоғары деңгейлі ойыншылармен жасақталған «Ақтөбені» қабылдады. Матч жанкүйерлер күткендей тартысқа толы өтті. Кездесудің жетінші минутында-ақ қарсыластар бір-бір голдан алмасып үлгерді. Қонақтар жалпы бұл матчта төрт голдың үшеуін кіргізді. Тек біреуін өз қақпаларына соғып алды. Қорытынды есеп – 2:2.
Тағы бір тең ойынға Қызылордада куә болдық. «Қайсар» мен «Жеңіс» 1:1 есебімен тең тарқасты. Премьер-лигадағы ерлер командасы кездескенде де «Қайсар» мен «Жеңіс» тең ойнаған болатын.
Енді «БИІК» пен «Ақтөбенің» қатарына 7 ұпай жинағандардан «Томирис-Тұран» қосылды. Түркістан клубы бұл жолы өз алаңында «Тобылды» 8:0 есебімен жеңді. Тіпті, доп айырмасы бойынша қазір бірінші орында тұр.
Семейдің «Елімай» командасы өткен турда Алматыда «Қайратты» жеңіп, бір сенсация жасаған. Бірақ бұл жолы Петрпавлдың «Қызылжар» клубына есе жіберді. Негізі алаң иелері бірінші таймда есеп, үзіліске жеңімпаз болып шыққан. Бірақ екінші кезеңде жағдай өзгеріп, қонақтар қатарынан үш гол салды. Осылайша, жеңісті жұлып алды.
Қосымша жаңалықтар
