Премьер-лиганың 12-туры: «Астана» камбэк жасап, алға ұзап шықты

14 және 15 маусым күндері футболдан Қазақстан Премьер-лигасының 12-тур ойындары өтті. Бұл тур қорытындысы бойынша «Астана» өз қарсыластарынан алға ұзап кетті.

Ойын нәтижелері:

«Жетісу» – «Қайрат» – 2:2
«Қызылжар» – «Ақтөбе» – 1:1
«Атырау» – «Ұлытау» – 0:1
«Тұран» – «Жеңіс» – 0:2
«Астана» – «Оқжетпес» – 5:2
«Ордабасы» – «Елімай» – 1:1
«Қайсар» – «Тобыл» – 1:1
 

14 маусым

«Жетісу» (Талдықорған) – «Қайрат» (Алматы) – 2:2 (2:1)

Голдар: Ковель, 19 (1:0); Жоржиньо, 36 (1:1); Серікқұл, 41 (2:1); Сорокин, 51 (2:2).
Бас төреші: Сұлтанғалиев (Атырау).

«Қайраттың» Талдықорғандағы ойыны оңайға соқпайтыны алдын ала белгілі еді. Өйткені бірнеше кадрлық мәселе болды. Команданың басты креативіне жауап беретін Гиорги Зария мен беларусь Валерий Громько матчқа қатыспады. Сондай-ақ төрт ойынға төрт ойынға шеттетілген бас бапкер бас бапкер Рафаэль Уразбахтин де кездесуді трибунадан тамашалады. 

Алаң иелері есепті 19-минутта ашты. Бұрыштамадан кейін Максим Ковель жақын қашықтықтан баспен дәл соққы жасап, командасын алға шығарды.

Алайда «Қайрат» күтпеген жерден таразы басын теңестірді. «Жетісу» қақпашысы Денис Кавлинов айып алаңынан шығып кеткен сәтте, Дастан Сәтпаев Жоржиньоны бос қақпаға гол соғуына жағдай жасады. Португалиялық ойыншы мүлт кеткен жоқ – 1:1.

Бірақ үзіліске дейін «Жетісу» тағы алға шықты. Екінші тайм енді ғана басталғанда, алматылықтар есепті қайта теңестірді. Осыдан кейін есеп өзгерген жоқ. Қорытындысы – 2:2.

Бұл тең ойын «Қайратқа» ұпай санын «Астанамен» теңестіруге мүмкіндік берді. Тіпті доп айырмашылығы бойынша олар алға шықты. Бірақ ол кезде «Астана» әлі 12-турдағы өз матчын өткізбеген болатын.

«Қызылжар» (Петропавл) – «Ақтөбе» (Ақтөбе) – 1:1 (0:0)

Голдар: Өміртаев, 69 (0:1); Васильев, 86 (1:1).
Бас төреші: Ноженко (Талдықорған)
Алаңнан қуылды: Илия Мартинович, 42 («Қызылжар»).

«Ақтөбе» де ұпай жоғалтты. «Қызылжармен» сырт алаңдағы тең ойыннан кейін Игорь Левчук шәкірттерінің жеңіссіз сериясы үш матчқа жетті.

Дегенмен Петропавлдағы матчтың алғашқы бөлігінде бәрі жақсы еді. Үзіліске дейін-ақ «Қызылжар» сапынан қорғаушы Илия Мартинович алаңнан қуылып кетті.

Бірақ қонақтар сан басымдығын бірден пайдалана алмады. Тек екінші таймның ортасына қарай ғана есеп ашты. Аян Байдәулетовтің сол қапталдан асырған пасын Оралхан Өміртаев өз пайдасына жаратты.

Алайда бұл басымдық жеңіс әкелмеді. Ойын соңына қарай Самат Жарынбетов айып соққысын орындап, Андрей Васильевке гол соғуға мүмкіндік жасады. Чурчич шәкірттері таразы басын теңестірді. Қорытынды есеп – 1:1.

«Атырау» (Атырау) – «Ұлытау» (Жезқазған) – 0:1 (0:1)

Гол: Молдақараев, 21 (0:1)
Бас төреші: Қарабаев (Астана)
Алаңнан қуылды: Рзатаев, 43 («Ұлытау»).

«Атырау» ойыншылары бір таймнан астам уақыт бойы сан жағынан кем ойнаған қарсыласты жеңе алмады. Тіпті тең нәтиже де тіркелмеді. Бұл — өз алаңындағы матч екенін ескерсек, жанкүйерлер үшін екі есе өкінішті.

Жезқазған командасы сапынан қорғаушы Бекжан Рзатаев осыған дейін қосалқы құрамда отырып келген еді. Бұл жолы бірінші таймның соңғы жағында алаңға шығып, бірден қызыл қағаз алды. Бірақ бұған ейін «Ұлытау» есепте алда тұрған. Ойынның 21-минутында Жасұлан Молдақараев мергендік танытқан. Сол гол ойын соңына дейін сақталып қалды. 

«Атырау» осылайша биылғы маусымдағы 14 матчтың 12-сінде жеңіліп отыр. Ал «Ұлытау» қатарынан үшінші ойында қарсыласынан басым түсті. 

 

«Тұран» (Түркістан) – «Жеңіс» (Астана) – 0:2 (0:0)

Голдар: Сәулет, 74 (0:1); Адилио, 84 (0:2)
Бас төреші: Горда (Көкшетау).

«Тұран» бұл матчқа тек қазақстандық ойыншылармен шықты. Ал қосалқы құрамда небәрі төрт футболшы болды. Командаға Ринат Абдуллин жетекші етті. «Тұран» бірінші таймда қарсыласқа төтеп беруге тырысты. Ал екінші таймда «Жеңіс» екі гол соғып, мәселен шешті. Сөйтіп осы маусымда алғаш рет қарсыласынан үш ұпай алды. Бұған дейін жеті матчта тең ойнаған болатын. 

15 маусым

«Астана» (Астана) – «Оқжетпес» (Көкшетау) – 5:2 (3:2)

Голдар: Йованович, 7 (0:1); Цуцкич, 26 (0:2); Камара, 29 (1:2); Грипши, 33 (2:2); Томасов, 37 (3:2); Эбонг, 57 (4:2); Басманов, 86 (5:2).
Бас төреші: Сахи (Қызылорда).

«Астана» бұл кездесуді өте сәтсіз бастады. Алғашқы минуттарда-ақ Стахинья Йовановичтің голынан кейін «Оқжетпес» алға шықты. Сосын Цуцкич екінші голды соқты. Осымен бәрі біткен шығар деп ойлағандар болды. Дегенмен  алаң иелері ширақ қимылдап, он минуттың ішінде үш гол соғып, бірінші таймда-ақ есепті 3:2-ге жеткізді.

Екінші таймда «Оқжетпес» ойыншылары естерін жыя алмады. Есесіне «Астананы» тоқтату мүмакін болмады. Тағы екі гол соғып, есепті 5:2-ге дейін ұлғайтты. Осылайша, қарсыластарының сәтсіздігін пайдаланған «Астана» турнир кестесіндегі ұпай айырмашылығын ұлғайтып үлгерді. 

«Ордабасы» (Шымкент) – «Елімай» (Семей) – 1:1 (0:1)

Голдар: Ролон, 39 (0:1); Халматов, 85 (1:1)
Бас төреші: Чеховский (Астана).

Бұл матчта екі команда да турнир кестесінде көршілес орындарда тұрған болатын. Алғаш болып есепті қонақтар ашты. Кевин Ролон бірінші таймның соңында «Елімайдың» шабуылын нәтижелі аяқтады.

«Ордабасы» матчтың соңына қарай таразы басын теңестіріп үлгерді. Бұл нәтиже екі тарапты да қанағаттандырмады, Бірақ турнир кестесіндегі өз орындарын сақтап қала алды. 

«Қайсар» (Қызылорда) – «Тобыл» (Қостанай) – 1:1 (1:1)

Голдар: Вукчевич, 18 (0:1); Жалмұқан, 38 (1:1)
Бас төреші: Есмұратов (Астана).

«Тобылға» Премьер-лигадағы ең қиын қарсылас осы «Қайсар» болып тұр десек жасырын емес. Былтыр екі матчта жеңілген. Бұл жолы да Нұрбол Жұмасқалиев шәкірттері Қызылордадан бір ұпаймен ғана шектелді. Есепті Қостанай командасы ашқан. Алайда үзіліске дейін Дидар Жалмұқан есепті теңестірді. Ал екінші кезеңде таблода өзгеріс болмады. 

Бұл тең ойын «Тобылдың» төрт матчтық жеңіс сериясын үзді.

 13-ТУР ОЙЫНДАРЫ:

21 маусым

·        «Қайрат» – «Қызылжар»

·        «Жеңіс» – «Атырау»

·        «Тобыл» – «Жетісу»

·        «Елімай» – «Тұран»

·        «Оқжетпес» – «Ордабасы»

22 маусым

·        «Қайсар» – «Ұлытау»

·        «Ақтөбе» – «Астана».