Вахид Масудов: Өскемен футболы бұрынғы биігіне қайта оралуға тиіс

– Жалпы, маусым енді ғана басталды, әзірге бәрі жақсы деп ойлаймын. Оқу-жаттығу жиындарында барлық командаларды көрдім. Сондықтан биылғы Бірінші лига өте тартысты өтетін сияқты. Одан бөлек, Премьер-лигада ұзақ жылдар ойнаған ERTIS пен Қарағандының «Шахтері» биыл Бірінші лигада ойнап жатыр. Сол себепті жоғары лига жолдамасы үшін бәсеке өте тартысты болады. Қазіргі турлардан-ақ оңай ойын болмайтыны байқалады.

– Ұсыныс түскенде оны қалыпты қабылдадым. Бұл қалада бұған дейін де жұмыс істедім, сол кезде команда Премьер-лигада ойнады, жақсы нәтиже көрсеттік. Әрине, команданы бұрынғы деңгейіне қайтарғымыз келеді. Өйткені Өскемен футболы соған лайық. Осы мақсатқа біртіндеп жетеміз деп сенемін.

– Әрине, есімде. Қазір ребрендинг жасалды, бірақ мен үшін атау емес, мәні маңызды. Бұл – Өскемен футболы тарихының бір бөлігі. Мұнда әрқашан өзіндік дәстүр болған, оны алаңдағы ойынмен дәлелдеуіміз керек.

– Сергей сөзсіз – команданың символы әрі Өскемен футболының беткеұстары. Соңғы кезде жарақатына байланысты қиын кезеңдерден өтті, бірақ қазір қайта бабында, команданың мақсатына жетуіне көмектесіп жатыр. Сергей туралы көп сөз айтудың қажеті жоқ. Ол алаңда да, алаңнан тыс жерде де нағыз көшбасшы. Ол тек жақсы пікірлерге лайық.

– Соңғы жылдары команда Екінші лигада ойнады. Сондықтан бірден жоғары деңгейге көтерілу ойыншыларға оңай емес. Бірақ біз жоғары орындар үшін күрескіміз келеді. Қалай боларын уақыт көрсетеді. Барлық команда жақсы дайындалған, бізге де енді өзгеше көзқараспен қарай бастады. Себебі біздің де әлеуетіміз бар екенін байқап отыр. Жүлделі орындар үшін таласамыз.

– Біз әрдайым жастарға басымдық беріп отырамыз. Командаға тек жас ойыншыларды шақырдық. Өйткені болашағы бар, тұрақты құрам жасақтағымыз келеді. Көп жігіттердің әлеуеті бар, талантты. Бірақ әр ойын мен жаттығуда өздерін көрсетуі керек. Біз әсіресе жергілікті футболшыларға мән береміз.

Атап айтсам, командаға Әліби Мұхит, Тимур Реджепов, Сейв Попов, Ибрагим Дадаев секілді болашағы бар жігіттерді шақырдық. Барлығы командаға жаңа леп әкелді. Жергілікті ойыншыларға да назар аударамыз: Роман Брагин, Бека Слетов, Дастан Дархан. Біз жергілікті таланттарды іздеп, оларды негізгі командамен жаттықтыруға тырысамыз. Жігіттердің өздерін тезірек көрсетуін қалаймыз. Оған барлық мүмкіндік бар. Команда да, клуб та бірге дамиды деп үміттенеміз.