Айгерім Айтымова «БИІК-Шымкентке» қарсы ойында ауыр жарақат алды

Кеше өткен «БИІК-Шымкент» — «Ақтөбе» кездесуінде «Ақтөбе» клубының және Қазақстан ұлттық құрамасының ойыншысы Айгерім Айтымова ойын барысында ауыр жарақат алды. Эпизод кезіндегі сәтсіз құлаған сәтте омыртқасына зақым келіп, шұғыл түрде ота жасалды.

Айгерім — қайсар мінезді, рухы мықты, талпыныс пен табандылықтың жарқын үлгісі. Біз сенің осы қиын сынақты да жігермен еңсеріп, тезірек сауығып, қайтадан алаңға оралатыныңа кәміл сенеміз.

Барша футбол қауымдастығы саған жүректен қолдау білдіреді! Саулығың мықты болсын, алдағы күндерің тек жеңіске толы болсын! Біз сені күтеміз!