«Бұл кезеңде сенсация болмайды». Димаш Төлегенов Қазақстан кубогының 1/8 финалы туралы

 

Бұл екі команда жуырда ғана Премьер-лига аясында кездесіп, «Елімай» қарсыласын еш қиындықсыз 3:0 есебімен жеңген болатын. Командалар арасындағы деңгей айырмашылығы айқын. Дегенмен, кубок турнирлерінде тосын нәтижелер жиі тіркеліп жатады. Соған қарамастан, қонақтардың жеңісіне сенемін. 

 

Бұл – тартысты әрі шиеленісті кездесу болмақ. Ойын нәтижесін болжау өте қиын. Алаң иелерінің бапкері ауысуы мүмкін деген сыбыс бар, бұл жағдай командаға әсер етуі мүмкін. Ал «Қайсарға» қысымы аз, өйткені олар тек отандық ойыншылармен ойнайды. Кубок жолындағы бәсекеге қызылордалықтар ерекше мән береді деп ойлаймын. Сондықтан Виктор Кумыковтың командасы ширек финалға жолдама алады.

 

Бұл – ҚПЛ көшбасшысы мен Бірінші лига фавориттерінің бірі арасындағы матч. Кездесуде алматылықтар фаворит екені белгілі. Ақтаулықтар алдын ала кезеңде екі матчта да пенальти сериясында жеңіске жетіп, «Ертісті» ірі есеппен жеңді. Сонымен қатар «Каспий» Бірінші лиганы сәтті бастады. Бірақ бұл «Қайратпен» бәсекелесуге жеткіліксіз. Алматылықтар негізгі құраммен шықпаса да, жеңіске жететініне сенемін.

 

Түркістанда өте қызықты ойын болмақ. Алаң иелерінің бапкері Виталий Жуковский бұрын өзі жаттықтырған командаға қарсы ойнайды. «Тұран» биылғы маусымды өте сәтті бастады, әрине мұны жаңа бапкердің келуімен байланыстыруға болады. Ал «Атырау» керісінше, қатарынан үш матчта жеңіліп, өз қақпасына 10 гол өткізіп алды. Жалпы екі команда да жеңіске ынталы болады.

 

Алматылық «Хан-Тәңірі» – турнирдің негізгі кезеңіне шыққан Бірінші лигадағы екі клубтың бірі. Өз алаңында олар барынша жақсы ойнауға тырысатыны анық. Бірақ тәжірибе мен шеберлік бәрібір өз әсерін тигізеді. «Ордабасы» бұл кезеңнен еш қиындықсыз өтеді деп ойлаймын, алайда шымкенттіктерге ойын оңай болмасы анық.

«Оқжетпес» биылғы маусымды жаман бастады деп айту қиын – олар қазір турнир кестесінің бел ортасында тұр. Бірақ «Астанаға» қарсы ойында жеңіске жету оларға оңайға соқпайды. Астаналықтар бұл матчқа екінші құраммен шығуы әбден мүмкін. Соған қарамастан, олар елордаға Көкшетаудан жеңіспен оралады деп сенемін.

 

Астаналық команда төрт матчта да жеңілмей, жаңа маусымды жақсы бастады. Бірақ әлі бірде-бір матчта жеңіске жеткен жоқ. Сондықтан «Жеңіс» кез келген қарсыласқа оңай беріле қоймайды. Ал «Ақтөбе» ҚПЛ көшбасшыларының бірі. Дегенмен «қызыл-ақтардың» ойындарында қателіктер бар. Бұл кездесу қонақтар үшін оңай болмайды. Негізгі уақыт тең аяқталып, жеңімпаз пенальти сериясында анықталуы мүмкін.

 

«Тобыл» – бұл жұптың айқын фавориті. Өйткені оларға жабық манеждің алаңы қосымша басымдық береді. «Тобыл» әлі өз деңгейінде ойын көрсетіп жүрген жоқ, десе де «Жетісудан» әлдеқайда мықты. «Жетісу» үшін бұл матч үлкен сынақ болмақ. Қонақтарда жеңіске деген ынта бар, бірақ олар алдымен қарсыластың қысымына төтеп беруі қажет.

 

Айта кетейік, Қазақстан кубогының матчтары Qazsport, Qazaqstan Sport+ телеарналарында және KFF League-тің ресми YouTube арнасында тікелей көрсетіледі.