Olimpbet Қазақстан Кубогының негізгі кезеңіне өткен барлық команда белгілі болды

Алматыда Olimpbet Қазақстан Кубогының алдын ала іріктеу кезеңінің ойындары аяқталып, негізгі кезеңге өткен барлық команда белгілі болды. 18 команда ішінен үздік шыққан «Хан-Тәңірі» мен «Каспий» клубтары Кубок жолындағы жарыстың негізгі кезеңіне жолдама алды.

Алдын ала іріктеудің жартылай финалдық матчтары 

«Хан-Тәңірі» – «Екібастұз» – 1:1 (пенальти: 4:2)

Голдар: Литош, 26 мин. (1:0), Бралин, 29 мин. (1:1).

Olimpbet Қазақстан Кубогының алдын ала іріктеу кезеңінде «Хан-Тәңірі» ойыншылары «Екібастұз» клубын пенальти сериясында 4:2 есебімен жеңіп, негізгі кезеңге жолдама алды.

Енді «Хан-Тәңірі» футболшылары 1/8 финалда «Ордабасы» клубымен кездеседі.

 

Ertis – «Каспий» – 0:3

Голдар: Тұрлыбек, 6 мин. (0:1), Көңлімқос, 44 мин. (0:2), Көңлімқос, 63 мин. (0:3).

Olimpbet Қазақстан Кубогының алдын ала іріктеу кезеңінің жартылай финалындағы матчта Ақтаудың «Каспий» клубы Павлодардың Ertis ойыншыларын 3:0 есебімен жеңіп, негізгі кезеңге жолдама алды.

Кубок бәсекесінің негізгі кезеңге жолдама алған «Каспий» 1/8 финалда «Қайратпен» бақ сынайды.


Қазақстан Кубогының 1/8 финал ойындары 12-13 сәуір күндері өтеді деп жоспарланған.