Бақытжан Пазылхайыр Қызылорда облысына жұмыс сапарымен барды

Сапар барысында Қызылорда облысының әкімі Нұрлыбек Нәлібаевтың қабылдауында болып, өңірдегі футбол инфрақұрылымының даму барысы мен алдағы жоспарларды талқылады. Сондай-ақ Бақытжан Пазылхайыр Қызылорда қаласындағы УЕФА талаптарына сай салынып жатқан жаңа спорт нысанының құрылысымен танысты.

Бұдан бөлек, «Қайсар» футбол клубының базасын, стадионын және футбол орталығын аралап, клуб басшылығымен және жанкүйерлерімен кездесті. Кездесуде команданың даму жоспарлары мен өңірдегі футболдың болашағы туралы айтылды.

Іссапар барысында әйелдер футболының дамуына да ерекше көңіл бөлінді. Сонымен қатар өңірдегі футбол жүйесін барлық деңгейде дамыту қажеттігі айтылды.