Жеке номинацияларда танылған маусымның барлық басты қаһармандары марапатталды:
Үздік қақпашы — Темірлан Анарбеков («Қайрат»)
Үздік қорғаушы — Бағдат Қайыров («Ақтөбе»)
Үздік жартылай қорғаушы — Ғалымжан Кенжебек («Елімай»)
Үздік шабуылшы — Ислам Чесноков («Тобыл»)
Үздік бомбардир — Назми Грипши («Астана»)
Маусымның жаңалығы — Дәурен Жұмат («Оқжетпес»)
Маусымның үздік ойыншысы — Дастан Сатпаев («Қайрат»)
Үздік жас ойыншы — Дастан Сатпаев («Қайрат»)
Үздік бапкер — Рафаэль Оразбахтин («Қайрат»)
«Қайраттың» сөзсіз үстемдігі бірден көзге түседі. ҚПЛ-2025 чемпионының өкілдері бірден төрт номинацияда жеңіске жетті: үздік қақпашы, үздік бапкер, үздік жас ойыншы және маусымның үздік ойыншысы.
Бұл марапаттардың екеуі бір футболшыға – тамыз айында небәрі 17 жасқа толған алматылық клубтың шабуылшысы Дастан Сатпаевқа бұйырды.
Сондай-ақ, «Қайрат-Жастар» клубының жартылай қорғаушысы Азамат Тұяқбаев Бірінші лигадағы маусымның үздік жас ойыншысы жүлдесін жеңіп алғанын атап өтеміз. Бұл ретте 18 жасар жартылай қорғаушы 2025 жылы «Қайраттың» негізгі командасы үшін ҚПЛ-да ойнап қана қоймай, гол соғып, Чемпиондар Лигасында да дебют жасап үлгерді.
Қазақстан футболындағы күші жағынан екінші дивизиондағы лауреаттардың көпшілігі оның жеңімпазы – Ақтаудың «Каспий» клубынан. Мирас Тұрлыбек үздік ойыншы және бомбардир атанды, ал Руслан Есатов – үздік бапкер.
Екінші лигада маусым «Астана» жастарының белгісімен өтті. Елордалық команда жыл бойы бірде-бір матчта жеңілмей, өз конференциясын мерзімінен бұрын жеңіп алды. Сондықтан «Астана-М» өкілдерінің «Солтүстік-шығыс» аймағындағы барлық үш номинацияда да жеңіске жетуі өте заңды: Ахметали Қалтанов – үздік ойыншы, Арсен Ахметов – үздік бомбардир, Сапар Қарынбаев – үздік бапкер.
«Оңтүстік-батыс» аймағында үш марапаттың екеуін бір футболшы иеленді. «Ордабасы-М» клубынан Әлібек Халдар конференцияның үздік ойыншысы да, оның басты мергені де атанды. Алматылық «Жас Қыран» ФК бапкері Асхат Қадырқұлов үздік бапкер деп танылды.
Әйелдер лигасыда «Ақтөбе» ӘФК өкілдері бәсекелестерінен оқ бойы озық болды. Алина Литвиненко бірден екі номинацияны – маусымның үздік ойыншысы және бомбардирі атағын жеңіп алды. Александр Семенов үздік бапкер наградасын алды. «Қызыл-ақтар» қатарын «Атыраудан» Ботагөз Жұмажанова толықтырды, ол әйелдер біріншілігінің үздік жас ойыншысы атанды.
Барлық марапаттар өз қаһармандарын тапты. Енді олар үлкен оң заряд алып, келесі жылы жаңа күшпен жаңа белестерді бағындыратын болады.
Айта кетейік, бұл іс-шара Қазақстан футбол федерациясының көпжылдық серіктесі – Olimpbet-тің қолдауымен ұйымдастырылды.
