Футболдан әйелдер арасындағы Қазақстан чемпионатының 15-турында көпшілік күткен орталық матч өтті.
Ақтөбедегі Қобыланды батыр атындағы «Орталық» стадионда жергілікті «Ақтөбе» мен еліміздің бірнеше дүркін чемпионы «БИІК-Шымкент» кездесті. Соңғы жылдары шымкенттік футболшыларды елімізде жеңе алмай жүрген. Калоян Петков шәкірттері 2011 жылдан бері 13 рет чемпион атанған. Тек 2012 жылы ғана күміс жүлдені қанағат тұтқан.
Сол серияны үзуге қазір «Ақтөбе» үмітті болып тұр. Өйткені олар 27 шілдеде басты қарсыласын 3:2 есебімен тізе бүктірді.
Бірінші таймда есеп ашылған жоқ. Жалпы жанкүйерлер 70-минутқа дейін гол көрген жоқ. Есесіне, ойынның соңғы 20 минуты өте тартысты өтті.
Алдымен «БИІК» қыздары алға шықты. Мартин Серрант гол соққан. Бірақ арада үш минут өткенде «Ақтөбенің» үздік сұрмергені Алина Литвиненко таразы басын теңестірді. Қырғызстандық шабуылшы айып соққысынан кейін баспен қақпаны дәл көздеді.
Айтпақшы, Алина бұған дейін Шымкенттегі матчта дубль жасаған. Дегенмен, қонақтар қарқынын үдетті. Мұндай қысымға шыдамаған алаң иелері автогол соғып алды. Осымен бәрі бітті ме дегенде, «БИІК» өз жағдайын өздері қиындатты. Джифо Нанфак тәртіп бұзып, төреші екінші сары қағазы көрсетті. Бұл мүмкіндікті «Ақтөбе» футболшылары тиімді пайдаланды. Мадина Жаңатаеваның дублінің арқасында алаң иелері жеңісті жұлып алды. Сөйтіп ұзақ жылға созылған «БИІК» қыздарының жеңілмеген сериясын бұзды.
Айтпақшы, Қобыланды батыр атындағы «Орталық» стадионға 8500 жанкүйер жиналды. Бұл да бұрын-сонды болмаған көрсеткіш. Әлеуметтік желіде де көрермен белсенділік танытты. Тікелей трансляцияны қарағандардың да саны көп болды.
Ақтөбедегі Қобыланды батыр атындағы «Орталық» стадионда жергілікті «Ақтөбе» мен еліміздің бірнеше дүркін чемпионы «БИІК-Шымкент» кездесті. Соңғы жылдары шымкенттік футболшыларды елімізде жеңе алмай жүрген. Калоян Петков шәкірттері 2011 жылдан бері 13 рет чемпион атанған. Тек 2012 жылы ғана күміс жүлдені қанағат тұтқан.
Сол серияны үзуге қазір «Ақтөбе» үмітті болып тұр. Өйткені олар 27 шілдеде басты қарсыласын 3:2 есебімен тізе бүктірді.
Бірінші таймда есеп ашылған жоқ. Жалпы жанкүйерлер 70-минутқа дейін гол көрген жоқ. Есесіне, ойынның соңғы 20 минуты өте тартысты өтті.
Алдымен «БИІК» қыздары алға шықты. Мартин Серрант гол соққан. Бірақ арада үш минут өткенде «Ақтөбенің» үздік сұрмергені Алина Литвиненко таразы басын теңестірді. Қырғызстандық шабуылшы айып соққысынан кейін баспен қақпаны дәл көздеді.
Айтпақшы, Алина бұған дейін Шымкенттегі матчта дубль жасаған. Дегенмен, қонақтар қарқынын үдетті. Мұндай қысымға шыдамаған алаң иелері автогол соғып алды. Осымен бәрі бітті ме дегенде, «БИІК» өз жағдайын өздері қиындатты. Джифо Нанфак тәртіп бұзып, төреші екінші сары қағазы көрсетті. Бұл мүмкіндікті «Ақтөбе» футболшылары тиімді пайдаланды. Мадина Жаңатаеваның дублінің арқасында алаң иелері жеңісті жұлып алды. Сөйтіп ұзақ жылға созылған «БИІК» қыздарының жеңілмеген сериясын бұзды.
Айтпақшы, Қобыланды батыр атындағы «Орталық» стадионға 8500 жанкүйер жиналды. Бұл да бұрын-сонды болмаған көрсеткіш. Әлеуметтік желіде де көрермен белсенділік танытты. Тікелей трансляцияны қарағандардың да саны көп болды.