27 шілдеде әйелдер арасындағы Қазақстан чемпионатының ең басты ойыны өтеді. Ұпай саны бойынша иық тірестіріп келе жатқан «Ақтөбе» мен Шымкенттің «БИІК» командасы өзара кездеседі. Бұл турнир кестесінің көшбасшылары арасындағы ойын ғана емес, амбиция, мінез және шеберлік үшін нағыз сынақ болмақ.
«Бұл маусым — әйелдер футболы үшін бетбұрыс кезең»
«Бірінші айналым үлкен сынақ болды. Командалардың өскенін, ойыншылардың ашыла түскенін көрдік. Ең бастысы — қазақстандық клубтар түрлі стильдегі, тактикадағы және легионерлерге қарсы ойнауды үйренді. Бұл — баршамыз үшін мүлде жаңа тәжірибе», — дейді Айжан.
«Ақтөбе» - «БИІК-Шымкент» деңгейіндегі матчтар әйелдер футболындағы прогрессті айқын көрсетеді. Бұл - жаттықтырушылардың тактикалық шешімі, дайындық деңгейі және әлбетте, елдегі ең мықты футболшы қыздардың тартысы. Олардың әрқайсысы ойын тағдырын жеке өзі шешуге қабілетті.
«Футбол - бұл тек алаңдағы ойын емес. Мұндай таңдауды отбасы болып жасайды»
«Қайрат» клубының ойыншысы Томирис Рахатжан - әйелдер футболына деген көзқарастың қалай өзгергенінің жарқын мысалы. Оның анасы Нұрияның сөзі отбасының қолдауы футболшы үшін неге маңызды екеніне мысал бола алады.
«Көрерменге керемет матч сыйлаймыз»
Анель сондай-ақ чемпионаттың жаңа форматы туралы да пікір білдірді:
Қателесуге болмайтын ойын
Тәжірибелі «БИІК» пен қарқынды дамып келе жатқан «Ақтөбе» нағыз жоғары деңгейдегі матчқа лайық қарсыластар.
«Әйелдер лигасы бұрынғыдай емес. Енді бұл - армандар орындалатын, жаңа жұлдыздар жарқырайтын алаң», - дейді Айжан Кенжина.
«Бұл маусым — әйелдер футболы үшін бетбұрыс кезең»
Әйелдер лигасының менеджері Айжан Кенжина осы маусымды тарихи кезең деп отыр. Өйткені алғаш рет әйелдер арасындағы чемпионатқа 14 команда қатысып жатыр. Бұрын-сонды командалар өз алаңында және қонаққа барып бір-бірімен ойнамаған. Биыл ерлер арасындағы Премьер-лига секілді толыққанды чемпионат өтіп жатыр. Осыны бәрі Қазақстандағы әйелдер футболын жаңа деңгейге көтерді.
«Бірінші айналым үлкен сынақ болды. Командалардың өскенін, ойыншылардың ашыла түскенін көрдік. Ең бастысы — қазақстандық клубтар түрлі стильдегі, тактикадағы және легионерлерге қарсы ойнауды үйренді. Бұл — баршамыз үшін мүлде жаңа тәжірибе», — дейді Айжан.
«Футбол - бұл тек алаңдағы ойын емес. Мұндай таңдауды отбасы болып жасайды»
«Қайрат» клубының ойыншысы Томирис Рахатжан - әйелдер футболына деген көзқарастың қалай өзгергенінің жарқын мысалы. Оның анасы Нұрияның сөзі отбасының қолдауы футболшы үшін неге маңызды екеніне мысал бола алады.
«Туыстарымыз: «Бұл қыздарға арналған спорт емес» деп тоқтатқысы келді. Стадионда ерлер командасыны ата-аналары: «Оларға асүйде отыру керек» деп айқайлайтын. Жүрекке қаяу түсіретін сөздер көп болды. Бірақ біз бәріне қарамастан, қызымызға сеніп келдік. Қазір ол Қазақстан құрамасы сапында алаңға шыққанда қатты мақтанамыз», - дейді анасы Нұрия.
Мұндай оқиғалар сирек емес. Әрбір футболшы қыздың артында — оның отбасы, жаттықтырушылары, командаластары секілді қолдау көрсететін тұтас бір команда тұр.
«Ақтөбе» мен «БИІК-Шымкент» арасындағы алдағы матч — жай ғана ойын емес, ол сахна сыртында еңбектеніп жүрген ондаған адамның қажырлы еңбегінің көрінісі.
«Көрерменге керемет матч сыйлаймыз»
Талдықорғанның «Жетісу» командасының ойыншысы Анель Бланк турдың басты матчы туралы өз пікірін білдірді. Оның айтуынша, алдағы кездесу тартысты әрі қызықты болмақ.
«Екі команда да чемпионат көшбасшыларының қатарында. Бұл - принциптік кездесу. Тартысты да шиеленісті ойын болады деп күтеміз», - деді Бланк.
Анель сондай-ақ чемпионаттың жаңа форматы туралы да пікір білдірді:
«Ойын форматы басында үйреншікті емес көрінді. Бірақ матчтардың көптігінің арқасында даму қарқыны өте анық әрі тез жүріп жатыр деп нық сеніммен айтуға болады».
Қателесуге болмайтын ойын
Қазіргі таңда «БИІК-Шымкент» пен «Ақтөбе» чемпиондық жарыста иық тірестіріп келеді. Бұл ойында жеңіске жеткен команда бірінші орынға жақындай түседі.
Тәжірибелі «БИІК» пен қарқынды дамып келе жатқан «Ақтөбе» нағыз жоғары деңгейдегі матчқа лайық қарсыластар.
Ойыншылар керемет формада, ал көрермендер шиеленіске толы ойынды күтуде. Бұл кездесуден көп нәрсе күтіледі: тактикалық өзгерістер, соңғы минутқа дейінгі жанталас, тіпті жаңа жұлдыздардың жарқырауы да мүмкін.
«Әйелдер лигасы бұрынғыдай емес. Енді бұл - армандар орындалатын, жаңа жұлдыздар жарқырайтын алаң», - дейді Айжан Кенжина.
Ал бұл сөзді толықтай растайтын ойын - «Ақтөбе» мен «БИІК-Шымкент» кездесуі болмақ. Матчтан қапы қалмайық!
