Осы іс-сапар барысында Давид Лория мен Бақытжан Пазылхайыр Түркістан облысының әкімі Нұралхан Көшеровпен кездесті. Сонымен қатар, кездесуге облыстық мәслихат төрағасы және Түркістан облыстық футбол федерациясының президенті Нұралы Әбішев те қатысты.
Кездесуде өңірдегі кәсіби футбол клубтарын дамыту, балалар мен жасөспірімдер футболын қолдау және бұқаралық спортты өркендету мәселелері талқыланды. Сондай-ақ, кәсіби клубтардың басшыларымен жеке кездесулер өтіп, спорттық инфрақұрылым нысандарды аралды.
Түркістан облысы бүгінгі таңда кәсіби клубтардың саны және бұқаралық спорт пен футболға қатысатын балалар мен жастардың үлесі бойынша еліміздегі көшбасшы өңірлердің бірі саналады.