Бірнеше апта алдын Қазақстанның ең тәжірибелі футболшыларының бірі Асхат Тағыберген ұлттық құрамадағы мансабын аяқтайтынын жариялады. Алайда жартылай қорғаушы ҚПЛ-де Қостанайдың «Тобыл» қатарында өнер көрсетуін жалғастыра береді. Olimpbet Arena-ға берген эксклюзивті сұхбатында Асхат ұлттық құрамадан не үшін кеткенін, «Тобылдың» чемпион атану мүмкіндігін қалай бағалайтынын және болашақ жоспарлары жайлы айтып берді.
2025 жылдың наурыз айында Тағыберген «Тобылға» сапына қосылды. Ұлттық құрамадан кеткен соң ол клубтағы ойынға бар күшін салып, бос уақытын отбасына арнауды жоспарлап отыр. Ол бұған дейін де «Тобылмен» бірге Қазақстан Премьер-лигасының алтыны мен Қазақстан Суперкубогын жеңіп алған еді.
«Тобылдың чемпион атану мүмкіндігі жоғары»
— «Тобылдың» биыл чемпион атануға мүмкіндігін қанша пайызға бағалар едіңіз?
— Футбол — күтпеген сәттерге толы ойын, сондықтан пайызбен нақты өлшеу қиын. Бірақ дайындығымыз, команданың рухы мен күшін ескерсек, біздің мүмкіндігіміз өте жоғары. Ең бастысы әр матчта бар күшімізді салып, тұрақтылықты сақтау керек.
— «Тобылдағы» қай футболшыны досыңыз деп айта аласыз?
— Біздің команданы ұйымшыл ұжым деп атауға болады. Көп жігіттермен жақсы араласамын. Бірнеше жылдан бері бірге ойнап жүрген Темірлан Ерлановпен ерекше жақынмын. Ол — нағыз көшбасшы және керемет әңгімешіл жігіт, онымен тек футбол емес, өмір туралы да сөйлесе аласың.
— Мансабыңыздағы ең есте қалған сәттер қандай?
— Ең алдымен, әрине, Қазақстан чемпионатындағы жеңіс. Сондай-ақ Пушкаш сыйлығына ұсынылған гол есімде ерекше қалды. Бұлар керемет сезім сыйлады. Ұлттық құрама сапында жүргенде мықты қарсыластарға қарсы өткізген мықты ойындар, сол кезде мінез көрсетіп, тең дәрежеде ойнаған сәттерді жиі еске аламын.
«Ұлттық құрамада ойнау — үлкен мәртебе, бірақ мен дұрыс шешім қабылдадым»
— Ұлттық құрамадан кетуіңіз соңғы уақытта үлкен жаңалықтардың бірі болды. Бұл шешімді қабылдау үшін көп ойландыңыз ба? Дұрыс шешім қабылдап жатырмын ба деп күмәнданбадыңыз ба?
— Бұл оңай шешім болмады. Солтүстік Македонияға қарсы ойынымыздан кейін осындай ой келе бастады. Бұл мансаптың белгілі бір кезеңінен кейін қабылданатын шешім. Бір сәтте мен клуб пен отбасыма көбірек көңіл бөлетін уақыт келгенін түсіндім. Әрине, ұлттық құрамада ойнау — үлкен мәртебе. Бірақ мен өз шешімімнің дұрыс екенін сеземін.
— Сіз футбол — бәсекелестік деп айтқансыз. Құрамадағы сіздің орныңызды кім басады деп ойлайсыз?
— Бәсекелестік — дамудың қозғаушы күші. Қазір құрамада талантты жастар көп. Олардың деңгейі күннен күнге өсіп жатыр. Олар болашақта команданың жаңа көшбасшылары бола алатынына сенемін.
«Басқа тұрғыдан пайдалы болғым келеді»
— Сіз футбол менеджменті бойынша курс оқығаныңыздан хабардармыз. Болашаққа қандай жоспарыңыз бар?
— Иә, мен әрқашан болашаққа көз тігіп, футболшы ретіндегі мансабымның аяқталуына дайындалып жүрмін. Футболда басқа рөлде де пайдалы болғым келеді. Бұл — клуб басқару ісі немесе балалар мен жасөспірімдер футболын дамыту саласында да болу мүмкін. Өз тәжірибемді жас буынға жеткізгім келеді.
Асхат Тағыберген клубтық мансабында төрт рет Премьер-лига чемпионы атанды, екі мәрте Қазақстан Кубогын және бір рет Суперкубокты жеңіп алды. Ұлттық құрама сапында 2014 жылдан бастап 63 матчқа қатысып, 3 гол соқты және 7 нәтижелі пас берген. Ол құрамадағы мансабын ұлттық команданың капитаны ретінде аяқтады.
2025 жылдың наурыз айында Тағыберген «Тобылға» сапына қосылды. Ұлттық құрамадан кеткен соң ол клубтағы ойынға бар күшін салып, бос уақытын отбасына арнауды жоспарлап отыр. Ол бұған дейін де «Тобылмен» бірге Қазақстан Премьер-лигасының алтыны мен Қазақстан Суперкубогын жеңіп алған еді.
«Тобылдың чемпион атану мүмкіндігі жоғары»
— «Тобылдың» биыл чемпион атануға мүмкіндігін қанша пайызға бағалар едіңіз?
— Футбол — күтпеген сәттерге толы ойын, сондықтан пайызбен нақты өлшеу қиын. Бірақ дайындығымыз, команданың рухы мен күшін ескерсек, біздің мүмкіндігіміз өте жоғары. Ең бастысы әр матчта бар күшімізді салып, тұрақтылықты сақтау керек.
— «Тобылдағы» қай футболшыны досыңыз деп айта аласыз?
— Біздің команданы ұйымшыл ұжым деп атауға болады. Көп жігіттермен жақсы араласамын. Бірнеше жылдан бері бірге ойнап жүрген Темірлан Ерлановпен ерекше жақынмын. Ол — нағыз көшбасшы және керемет әңгімешіл жігіт, онымен тек футбол емес, өмір туралы да сөйлесе аласың.
— Мансабыңыздағы ең есте қалған сәттер қандай?
— Ең алдымен, әрине, Қазақстан чемпионатындағы жеңіс. Сондай-ақ Пушкаш сыйлығына ұсынылған гол есімде ерекше қалды. Бұлар керемет сезім сыйлады. Ұлттық құрама сапында жүргенде мықты қарсыластарға қарсы өткізген мықты ойындар, сол кезде мінез көрсетіп, тең дәрежеде ойнаған сәттерді жиі еске аламын.
«Ұлттық құрамада ойнау — үлкен мәртебе, бірақ мен дұрыс шешім қабылдадым»
— Ұлттық құрамадан кетуіңіз соңғы уақытта үлкен жаңалықтардың бірі болды. Бұл шешімді қабылдау үшін көп ойландыңыз ба? Дұрыс шешім қабылдап жатырмын ба деп күмәнданбадыңыз ба?
— Бұл оңай шешім болмады. Солтүстік Македонияға қарсы ойынымыздан кейін осындай ой келе бастады. Бұл мансаптың белгілі бір кезеңінен кейін қабылданатын шешім. Бір сәтте мен клуб пен отбасыма көбірек көңіл бөлетін уақыт келгенін түсіндім. Әрине, ұлттық құрамада ойнау — үлкен мәртебе. Бірақ мен өз шешімімнің дұрыс екенін сеземін.
— Сіз футбол — бәсекелестік деп айтқансыз. Құрамадағы сіздің орныңызды кім басады деп ойлайсыз?
— Бәсекелестік — дамудың қозғаушы күші. Қазір құрамада талантты жастар көп. Олардың деңгейі күннен күнге өсіп жатыр. Олар болашақта команданың жаңа көшбасшылары бола алатынына сенемін.
«Басқа тұрғыдан пайдалы болғым келеді»
— Сіз футбол менеджменті бойынша курс оқығаныңыздан хабардармыз. Болашаққа қандай жоспарыңыз бар?
— Иә, мен әрқашан болашаққа көз тігіп, футболшы ретіндегі мансабымның аяқталуына дайындалып жүрмін. Футболда басқа рөлде де пайдалы болғым келеді. Бұл — клуб басқару ісі немесе балалар мен жасөспірімдер футболын дамыту саласында да болу мүмкін. Өз тәжірибемді жас буынға жеткізгім келеді.
Асхат Тағыберген клубтық мансабында төрт рет Премьер-лига чемпионы атанды, екі мәрте Қазақстан Кубогын және бір рет Суперкубокты жеңіп алды. Ұлттық құрама сапында 2014 жылдан бастап 63 матчқа қатысып, 3 гол соқты және 7 нәтижелі пас берген. Ол құрамадағы мансабын ұлттық команданың капитаны ретінде аяқтады.