21 және 23 маусым күндері әйелдер арасындағы Қазақстан чемпионатының оныншы туры ойындары өтті. Әзірге «БИІК-Шымкент» пен «Ақтөбе» командалары 28 ұпаймен көшбасында бірдей келеді.
Матчтардың нәтижесі:
· «Қызылжар» – «Томирис-Тұран» – 1:3
· «Астана» – «Атырау» – 9:2
· «Тобыл» – «Оқжетпес» – 3:0
· «Ұлытау» – «Қайсар» – 2:0
· «Елімай» – «Жетісу» – 3:0
· «БИИК-Шымкент» – «Жеңіс» – 7:0
· «Ақтөбе» – «Қайрат» – 8:0
Оныншы тур Петропавлдағы матчпен басталды. Бұл ойын басқа кездесулермен салыстырғанда екі күн бұрын өтті. «Қызылжар» мен «Томирис-Тұран» көшбасшылардан үш ұпайға қалып келе жатқан. Сондықтан үшінші орын үшін тартыста бұл ойынның маңызы зор болды. Аталмыш мүмкіндікті түркістандық арулар тиімді пайдаланды. Дегенмен петропавлдық команда қарымды қарсылық көрсетті. Ойындағы ең шешуші сәт – 1:1 кезінде алаң иелерінің өз қақпаларына гол соғып алуы болды.
Турдың негізгі бөлігі дүйсенбі күні өтті. Алдымен елордада «Астана» мұнайлы өлкеден келген «Атырауды» ірі есеппен жеңді (9:2). Бірақ есепті қонақтар ашқан еді. «Атырау» 6-минутта соққан голдың арқасында біразға дейін жеңісті ұстап тұрды. Дегенмен елорда командасы толықтай шабуылдағанда, оларды тоқтату мүмкін болмады. Екінші таймда алаңға шыққан Айкүнім Рысбекова 16 минуттың ішінде хет-трик жасап үлгерді.
«Тобыл» мен «Елімай» командалары өз алаңында қарсыластарынан 3:0 есебімен басым түсті. Қостанайлық қыздар «Оқжетпестен» айласын асырса, семейлік ұжым «Жетісуға» еш мүмкіндік қалдырмады.
Күні кеше Премьер-лигада «Қайсар» мен «Ұлытаудың» ерлер командасы жолыққан. Бұл жолы Жезқазғанда аталған екі клубтың қыздар құрамалары кездесті. Матчта алаң иелері 2:0 есебімен басым түсті.
Ал лиганың көшбасшылары «БИІК» пен «Ақтөбе» кезекті ірі жеңістеріне қол жеткізді. Шымкенттік қыздары «Жеңіс» қақпасына жауапсыз жеті гол салды. Соның арқасында олардың биылғы маусымда соққан голдары 100-ден асты. Команданың үздік сұрмергені Гүлнара Габелия дубль жасады.
«Ақтөбе» де қарап қалмады. Олар Алматыдан келген «Қайрат» қыздарын 8:0 есебімен ұтты. Бұл матч нәтижесінде чемпионаттың сұрмергендер тізімінде көшбасшы ауысты. Алина Литвиненконың «покері» (төрт гол) Габелияны басып озуға мүмкіндік берді. Ал тур кестесінде қайтадан екі команда көш бастады.
11-тур аясында 30 маусымда өтетін матчтар:
· «Жеңіс» – «Ұлытау»
· «Атырау» – «БИІК-Шымкент»
· «Жетісу» – «Оқжетпес»
· «Тобыл» – «Ақтөбе»
· «Қайрат» – «Қызылжар»
· «Томирис-Тұран» – «Астана»
· «Қайсар» – «Елімай».
Матчтардың нәтижесі:
· «Қызылжар» – «Томирис-Тұран» – 1:3
· «Астана» – «Атырау» – 9:2
· «Тобыл» – «Оқжетпес» – 3:0
· «Ұлытау» – «Қайсар» – 2:0
· «Елімай» – «Жетісу» – 3:0
· «БИИК-Шымкент» – «Жеңіс» – 7:0
· «Ақтөбе» – «Қайрат» – 8:0
Оныншы тур Петропавлдағы матчпен басталды. Бұл ойын басқа кездесулермен салыстырғанда екі күн бұрын өтті. «Қызылжар» мен «Томирис-Тұран» көшбасшылардан үш ұпайға қалып келе жатқан. Сондықтан үшінші орын үшін тартыста бұл ойынның маңызы зор болды. Аталмыш мүмкіндікті түркістандық арулар тиімді пайдаланды. Дегенмен петропавлдық команда қарымды қарсылық көрсетті. Ойындағы ең шешуші сәт – 1:1 кезінде алаң иелерінің өз қақпаларына гол соғып алуы болды.
Турдың негізгі бөлігі дүйсенбі күні өтті. Алдымен елордада «Астана» мұнайлы өлкеден келген «Атырауды» ірі есеппен жеңді (9:2). Бірақ есепті қонақтар ашқан еді. «Атырау» 6-минутта соққан голдың арқасында біразға дейін жеңісті ұстап тұрды. Дегенмен елорда командасы толықтай шабуылдағанда, оларды тоқтату мүмкін болмады. Екінші таймда алаңға шыққан Айкүнім Рысбекова 16 минуттың ішінде хет-трик жасап үлгерді.
«Тобыл» мен «Елімай» командалары өз алаңында қарсыластарынан 3:0 есебімен басым түсті. Қостанайлық қыздар «Оқжетпестен» айласын асырса, семейлік ұжым «Жетісуға» еш мүмкіндік қалдырмады.
Күні кеше Премьер-лигада «Қайсар» мен «Ұлытаудың» ерлер командасы жолыққан. Бұл жолы Жезқазғанда аталған екі клубтың қыздар құрамалары кездесті. Матчта алаң иелері 2:0 есебімен басым түсті.
Ал лиганың көшбасшылары «БИІК» пен «Ақтөбе» кезекті ірі жеңістеріне қол жеткізді. Шымкенттік қыздары «Жеңіс» қақпасына жауапсыз жеті гол салды. Соның арқасында олардың биылғы маусымда соққан голдары 100-ден асты. Команданың үздік сұрмергені Гүлнара Габелия дубль жасады.
«Ақтөбе» де қарап қалмады. Олар Алматыдан келген «Қайрат» қыздарын 8:0 есебімен ұтты. Бұл матч нәтижесінде чемпионаттың сұрмергендер тізімінде көшбасшы ауысты. Алина Литвиненконың «покері» (төрт гол) Габелияны басып озуға мүмкіндік берді. Ал тур кестесінде қайтадан екі команда көш бастады.
11-тур аясында 30 маусымда өтетін матчтар:
· «Жеңіс» – «Ұлытау»
· «Атырау» – «БИІК-Шымкент»
· «Жетісу» – «Оқжетпес»
· «Тобыл» – «Ақтөбе»
· «Қайрат» – «Қызылжар»
· «Томирис-Тұран» – «Астана»
· «Қайсар» – «Елімай».